章節 | 全民台語聖經全羅經文 | 註釋 |
38:1 | Lo̍h-lān ê Lâng ê Kî-tó( Ta-bi̍t ê kì-liām si. )Siōng-chú ah, kiû Lí m̄ thang tī siū-khì tiong chek-pī góa, m̄ thang tī tōa siū-khì tiong kéng-kài góa. | 註釋 串珠 康來昌 原文 典藏 |
38:2 | In-ūi Lí ê chìⁿ siā tio̍h góa ê seng-khu, Lí ê chhiú tāng-tāng kā góa chhi̍h tiâu-.leh. | 註釋 串珠 康來昌 原文 典藏 |
38:3 | Lí ê siū-khì hō͘ góa ê seng-khu bô chi̍t ūi oân-choân; góa ê chōe-kò tì-sú góa ê kut-thâu mā bô pêng-an. | 註釋 串珠 康來昌 字典 原文 典藏 |
38:4 | Góa ê chōe-ok pôaⁿ-kòe góa ê thâu-khak, chhin-chhiūⁿ tāng-tàⁿ hō͘ góa taⁿ bē khí. | 註釋 串珠 康來昌 原文 典藏 |
38:5 | In-ūi góa ê gû-gōng, góa ê siong nōa koh chhàu. | 註釋 串珠 康來昌 原文 典藏 |
38:6 | Góa thàng-thiàⁿ koh khiau-ku, kui ji̍t ai-siong. | 註釋 串珠 康來昌 原文 典藏 |
38:7 | In-ūi góa ê io chhin-chhiūⁿ hóe teh to̍h; góa ê seng-khu bô kah chi̍t ūi oân-choân. | 註釋 串珠 康來昌 原文 典藏 |
38:8 | Góa siū phah-siong, kui seng-khu bô khùi-la̍t; in-ūi góa ê sim put-an, chiū tōa-siaⁿ ai-kiò. | 註釋 串珠 康來昌 原文 典藏 |
38:9 | Chú ah, góa ê sim-goān lóng tī Lí ê bīn-chêng, góa ê thó͘-khùi bô tùi Lí ún-môa. | 註釋 串珠 康來昌 原文 典藏 |
38:10 | Góa ê sim pho̍k-pho̍k-chhéng, góa ê khùi-la̍t soe-bî, liân góa ba̍k-chiu tiong ê kng mā lī-khui góa. | 註釋 串珠 康來昌 原文 典藏 |
38:11 | Thiàⁿ góa ê lâng kah góa ê pêng-iú, in-ūi góa ê pháiⁿ chèng-thâu lóng siám khì piⁿ-á; góa ê chhin-chiâⁿ mā khiā hn̄g-hn̄g. | 註釋 串珠 康來昌 原文 典藏 |
38:12 | Hiahê siàu-siūⁿ góa ê sèⁿ-miā ê lâng siat lô-bāng; siūⁿ beh hāi góa ê lâng kóng ok-to̍k ê ōe, in kui ji̍t teh siat-kè kúi-chà ê im-bô͘. | 註釋 串珠 康來昌 原文 典藏 |
38:13 | Chóng-.sī, góa chhin-chhiūⁿ chhàu-hīⁿ-lâng bô thiaⁿ-.tio̍h, chhin-chhiūⁿ é-káu bô khui chhùi kóng-ōe. | 註釋 串珠 康來昌 字典 原文 典藏 |
38:14 | Góa mā chhin-chhiūⁿ bô thiaⁿ-.tio̍h ê lâng, chhùi mā bô ìn-tap. | 註釋 串珠 康來昌 原文 典藏 |
38:15 | Siōng-chú ah, góa thèng-hāu Lí; Chú — góa ê Siōng-tè ah, Lí ē thiaⁿ góa ê kî-tó. | 註釋 串珠 康來昌 原文 典藏 |
38:16 | In-ūi góa bat kóng, M̄-thang hō͘ in tùi góa khoa-kháu; góa ê kha-ta̍h thu̍t khì ê sî, hō͘ in bô tùi góa kiau-ngō͘. | 註釋 串珠 康來昌 原文 典藏 |
38:17 | In-ūi góa hiám-hiám poa̍h-tó, góa ê iu-būn tiāⁿtiāⁿ tī góa ê bīn-chêng. | 註釋 串珠 康來昌 原文 典藏 |
38:18 | In-ūi góa beh jīn góa ê chōe-ok, koh ūi tio̍h góa ê chōe lâi iu-būn. | 註釋 串珠 康來昌 原文 典藏 |
38:19 | Chóng-.sī, góa ê tùi-te̍k chin oa̍h-tāng koh ióng-béng, bô-iân bô-kò͘ oàn-hūn góa ê lâng ke-thiⁿ ná chē. | 註釋 串珠 康來昌 原文 典藏 |
38:20 | Ēng pháiⁿ pò hó ê lâng kah góa chò tùi-thâu, in-ūi góa sī beh tui-kiû hó. | 註釋 串珠 康來昌 原文 典藏 |
38:21 | Siōng-chú ah, m̄ thang pàng-sak góa! Góa ê Siōng-tè ah, m̄ thang lī-khui góa hn̄g-hn̄g! | 註釋 串珠 康來昌 原文 典藏 |
38:22 | Chú — góa ê Kiù-chú ah, kiû Lí kín lâi pang-chān góa! | 註釋 串珠 康來昌 原文 典藏 |