章節 | 全民台語聖經全羅經文 | 註釋 |
37:1 | Hó lâng kah pháiⁿ lâng ê Miā-ūn( Ta-bi̍t ê si. )M̄-thang in-ūi chò pháiⁿ ê lâng lâi sim-lāi put-pêng, mā m̄ thang oàn-tò͘ hêng-ûi put-gī ê lâng. | 註釋 串珠 康來昌 原文 典藏 |
37:2 | In-ūi in chhin-chhiūⁿ chháu chin kín hō͘ lâng koah tiāu, koh chhin-chhiūⁿ chheⁿ-chhùi ê chhài lian khì. | 註釋 串珠 康來昌 原文 典藏 |
37:3 | Tio̍h óa-khò Siōng-chú lâi chò hó, tiàm tī chit-ê thó͘-tē ēng sêng-si̍t chò bí-niûⁿ. | 註釋 串珠 康來昌 原文 典藏 |
37:4 | Tio̍h lia̍h Siōng-chú chò hoaⁿ-hí, I ē kā lí ê só͘ kiû hō͘ lí. | 註釋 串珠 康來昌 原文 典藏 |
37:5 | Tio̍h kā lí ê tāichì kau-tài Siōng-chú, koh óa-khò I, I ē kā lí sêng-choân. | 註釋 串珠 康來昌 字典 原文 典藏 |
37:6 | I ē hō͘ lí ê gī chhin-chhiūⁿ kng hoat-chhut, lí ê phòaⁿ-toàn chhin-chhiūⁿ tiong-tàu ê kng. | 註釋 串珠 康來昌 原文 典藏 |
37:7 | Tio̍h tiām-tiām tī Siōng-chú ê bīn-chêng thun-lún thèng-hāu; m̄ thang in-ūi pháiⁿ lâng ê kè-bô͘ sêng-kong lâi put-pêng. | 註釋 串珠 康來昌 字典 原文 典藏 |
37:8 | Tio̍h soah siū-khì, lī-khui tōa siū-khì; m̄ thang put-pêng, khióng-kiaⁿ ē in-ūi ánne lâi chò pháiⁿ. | 註釋 串珠 康來昌 原文 典藏 |
37:9 | In-ūi chò pháiⁿ ê lâng ē siū châu-bia̍t; chí ū thèng-hāu Siōng-chú ê lâng ē-tàng sêng-chiap thó͘-tē. | 註釋 串珠 康來昌 原文 典藏 |
37:10 | In-ūi koh chi̍t-sî-á, pháiⁿ lâng chiū ē sí-.khì; lí nā beh siông-sè chhâ i ê só͘-chāi, mā lóng chhōe bē tio̍h. | 註釋 串珠 康來昌 原文 典藏 |
37:11 | Chí-ū khiam-pi ê lâng ē-tàng sêng-chiap thó͘-tē, hióng-siū pêng-an kah hong-sēng ê hí-lo̍k. | 註釋 串珠 康來昌 原文 典藏 |
37:12 | Pháiⁿ lâng siat kè-bô͘ beh hāi gī lâng, Koh tùi i thòng-hūn kā-gê chhiat-khí. | 註釋 串珠 康來昌 原文 典藏 |
37:13 | Chú ē kā i thí-chhiò, in-ūi khòaⁿ tio̍h i siū pò-èng ê ji̍t-chí teh beh kàu. | 註釋 串珠 康來昌 原文 典藏 |
37:14 | Pháiⁿ lâng poe̍h to khui kiong, beh phah-tó khùn-khó͘ sànchhiah ê lâng, beh thâi-sí hêng-ûi chèng-ti̍t ê lâng. | 註釋 串珠 康來昌 字典 原文 典藏 |
37:15 | In ê to chha̍k ji̍p-khì kakī ê sim, in ê kiong ē hông at-tn̄g. | 註釋 串珠 康來昌 字典 原文 典藏 |
37:16 | Gī lâng só͘-ū ê sûi-jiân chió-chió, khiok iâⁿ-kòe chin chē pháiⁿ lâng ê hù-jū. | 註釋 串珠 康來昌 原文 典藏 |
37:17 | In-ūi pháiⁿ lâng ê chhiú ē hông at-tn̄g, to̍k-to̍k Siōng-chú hû-chhî gī ê lâng. | 註釋 串珠 康來昌 原文 典藏 |
37:18 | Siōng-chú khòaⁿ-kò͘ oân-choân ê lâng ê ji̍t-chí; in ê sán-gia̍p ē éng-oán chûn-chāi. | 註釋 串珠 康來昌 原文 典藏 |
37:19 | In tī hoān-lān ê sî bē tì-kàu kiàn-siàu, tī ki-hng ê ji̍t-chí ē tit tio̍h pá-chiok. | 註釋 串珠 康來昌 原文 典藏 |
37:20 | Chóng-.sī, pháiⁿ lâng ē bia̍t-bông. Siōng-chú ê tùi-te̍k ē chhin-chhiūⁿ chháu-po͘ ê chi̍t sî bō͘-sēng; bô-kú chiū ē chhin-chhiūⁿ hóe-ian siau-bia̍t-.khì. | 註釋 串珠 康來昌 字典 原文 典藏 |
37:21 | Pháiⁿ lâng kā lâng chioh, bô beh hêng; m̄ koh gī lâng kiâⁿ liân-bín, kā lâng si-sià. | 註釋 串珠 康來昌 原文 典藏 |
37:22 | Siōng-chú sù-hok ê lâng ē sêng-chiap èng-ín ê thó͘-tē; Hō͘ I chiù-chó͘ ê lâng ē hông bia̍t-bông. | 註釋 串珠 康來昌 原文 典藏 |
37:23 | Gī lâng ê kha-pō͘ sī Siōng-chú só͘ an-tì, jî-chhiáⁿ Siōng-chú ì-ài gī lâng ê lō͘. | 註釋 串珠 康來昌 字典 原文 典藏 |
37:24 | I sûi-jiân poa̍h-tó, mā bô kah kui-sin siak lo̍h-.khì, in-ūi Siōng-chú ēng chhiú kā i hû-.leh. | 註釋 串珠 康來昌 原文 典藏 |
37:25 | Góa chêng siàu-liân, taⁿ nî lāu, chóng-.sī, m̄ bat khòaⁿ tio̍h gī lâng hông pàng-sak, tì-sú i ê kiáⁿ-sun chò khit-chia̍h. | 註釋 串珠 康來昌 字典 原文 典藏 |
37:26 | I kui ji̍t liân-bín lâng, hoaⁿ-hí chioh lâng, i ê kiáⁿ-sun tit tio̍h chiok-hok. | 註釋 串珠 康來昌 原文 典藏 |
37:27 | Lí tio̍h lī-khui pháiⁿ, chò hó sū, chiah ē-tàng éng-oán khiā chāi. | 註釋 串珠 康來昌 原文 典藏 |
37:28 | In-ūi Siōng-chú ì-ài kong-pêⁿ, bô pàng-sak I sèng ê chú-bîn; in éng-oán siū pó-hō͘, chí ū pháiⁿ lâng ê kiáⁿ-sun ē siū châu-bia̍t. | 註釋 串珠 康來昌 原文 典藏 |
37:29 | Gī lâng ē sêng-chiap èng-ín ê thó͘-tē, éng-oán tòa tī hia. | 註釋 串珠 康來昌 原文 典藏 |
37:30 | Gī lâng ê chhùi kóng tì-hūi; i ê chhùi-chi̍h tâm-lūn kong-pêⁿ. | 註釋 串珠 康來昌 原文 典藏 |
37:31 | I tī i ê sim-lāi ū Siōng-tè ê lu̍t-hoat; i ê kha lóng bē ta̍h-thu̍t khì. | 註釋 串珠 康來昌 原文 典藏 |
37:32 | Pháiⁿ lâng ba̍k-chiu kim-kim teh siòng gī lâng, siàu-siūⁿ beh kā i thâi. | 註釋 串珠 康來昌 原文 典藏 |
37:33 | Siōng-chú bē pàng i lo̍h tī pháiⁿ lâng ê chhiú; sím-phòaⁿ ê sî mā bô tēng i ê chōe. | 註釋 串珠 康來昌 原文 典藏 |
37:34 | Lí tio̍h thèng-hāu Siōng-chú, chun-siú I ê tō-lō͘, I chiū ē kā lí ko-seng, hō͘ lí sêng-chiap èng-ín ê thó͘-tē; lí ē khòaⁿ tio̍h pháiⁿ lâng siū châu-bia̍t. | 註釋 串珠 康來昌 字典 原文 典藏 |
37:35 | Góa bat khòaⁿ tio̍h pháiⁿ lâng ū tōa sè-le̍k, Koh tī i ê pún thó͘-tē hoat-ta̍t, chhin-chhiūⁿ bō͘-sēng ê chhiū. | 註釋 串珠 康來昌 字典 原文 典藏 |
37:36 | Ū lâng tùi hia keng-kòe, lí khòaⁿ, i sí-.khì à; góa chhōe mā lóng chhōe bē tio̍h. | 註釋 串珠 康來昌 原文 典藏 |
37:37 | Lí tio̍h siông-sè khòaⁿ hit-ê oân-choân koh chèng-ti̍t ê lâng, in-ūi hô-pêng ê lâng ū hó ê kiat-kio̍k. | 註釋 串珠 康來昌 原文 典藏 |
37:38 | Nā-sī hoān-hoat ê lâng ē chò chi̍t-ē bia̍t-bông; pháiⁿ lâng ê kiat-kio̍k sī siū châu-bia̍t. | 註釋 串珠 康來昌 原文 典藏 |
37:39 | Chóng-.sī, gī lâng ē tùi Siōng-chú tit tio̍h kiù; hoān-lān ê sî, Siōng-chú ē chò in ê iâⁿ-chē. | 註釋 串珠 康來昌 原文 典藏 |
37:40 | Siōng-chú kā in pang-chān, kā in chín-kiù; I kiù in thoat-lī pháiⁿ lâng, in-ūi in ū óa-khò I. | 註釋 串珠 康來昌 原文 典藏 |