章節 | 全民台語聖經全羅經文 | 註釋 |
27:1 | Siōng-chàn ê Kî-tó( Ta-bi̍t ê si )Siōng-chú sī góa ê kng, sī góa ê chín-kiù; góa iáu koh tio̍h-kiaⁿ siáⁿ lâng? Siōng-chú sī góa oa̍h-miā ê khùi-la̍t, góa iáu koh tio̍h-kiaⁿ siáⁿ lâng? | 註釋 串珠 康來昌 原文 典藏 |
27:2 | Hiahê chò pháiⁿ ê lâng, to̍h-sī góa ê tùi-te̍k, lâi kong-kek góa, beh chia̍h góa ê bah, hit sî in chiū ē kha that tio̍h lâi poa̍h-tó. | 註釋 串珠 康來昌 原文 典藏 |
27:3 | Sûi-jiân ū kun-peng chat iâⁿ beh kong-kek góa, góa ê sim mā bô kiaⁿ-hiâⁿ; sûi-jiân tùi-te̍k heng-khí to-peng kong-kek góa, góa iû-goân an-jiân chū-chāi. | 註釋 串珠 康來昌 原文 典藏 |
27:4 | Ū chi̍t hāng tāichì góa bat tùi Siōng-chú kiû, góa iû-goân tì-ì ài tit tio̍h; to̍h-sī chi̍t-sì-lâng tòa tī Siōng-chú ê tiān, khòaⁿ I ê êng-kng, siàu-liām I ê tiān. | 註釋 串珠 康來昌 字典 原文 典藏 |
27:5 | In-ūi tī hoān-lān ê ji̍t, I ē pó-hō͘ góa, kā góa khǹg tī I ê tiùⁿ-ûi lāi; kā góa chhàng tī I pò͘-pêⁿ khàm ba̍t ê só͘-chāi, kā góa kí-khí tī chio̍h-pôaⁿ téng. | 註釋 串珠 康來昌 字典 原文 典藏 |
27:6 | Taⁿ góa ê thâu-khak ē-tàng gia̍h khí-.lâi, pí góa sì-bīn ê tùi-te̍k khah koân; góa beh tī I ê pò͘-pêⁿ lâi hiàn hoaⁿ-hí ê chè; góa beh gîm-si, chhiùⁿ koa oló Siōng-chú. | 註釋 串珠 康來昌 字典 原文 典藏 |
27:7 | Siōng-chú ah, góa chhut siaⁿ kiû-kiò ê sî, kiû Lí thiaⁿ, koh kiû Lí liân-bín góa, tap-èng góa. | 註釋 串珠 康來昌 原文 典藏 |
27:8 | Lí bat kóng, " Lín tio̍h him-bō͘ lâi kìⁿ góa ê bīn. " Hit sî, góa ê sim tùi Lí kóng, " Siōng-chú ah, góa beh him-bō͘ lâi kìⁿ Lí ê bīn. " | 註釋 串珠 康來昌 原文 典藏 |
27:9 | Kiû Lí m̄ thang tùi góa am Lí ê bīn, m̄ thang siū-khì lâi kóaⁿ Lí ê lô͘-po̍k; Lí pêng-sî sī chò góa ê pang-chān. Chín-kiù góa ê Siōng-tè ah, kiû Lí m̄ thang pàng-sak góa, mā m̄ thang lī-khui góa. | 註釋 串珠 康來昌 原文 典藏 |
27:10 | In-ūi pē-bú nā lī-khui góa, Siōng-chú ē kā góa siu-liû. | 註釋 串珠 康來昌 原文 典藏 |
27:11 | Siōng-chú ah, kiû Lí kā Lí ê tō-lō͘ chí-sī góa, in-ūi góa ê tùi-te̍k ê iân-kò͘, kiû Lí chhōa góa kiâⁿ pêⁿ-tháⁿ ê lō͘. | 註釋 串珠 康來昌 字典 原文 典藏 |
27:12 | M̄-thang kā góa kau hō͘ tùi-te̍k lâi chiâⁿ in ê sim-goān, in-ūi lāmsám kiàn-chèng ê lâng khí-lâi kong-kek góa, in mā thò͘-chhut hiong-ok ê ōe. | 註釋 串珠 康來昌 原文 典藏 |
27:13 | Góa chhim-sìn, oa̍h-.leh ê lâng ē-tàng tit tio̍h Siōng-chú ê un-hūi, it-tēng bē choa̍t-bāng. | 註釋 串珠 康來昌 原文 典藏 |
27:14 | Tio̍h thèng-hāu Siōng-chú! Tio̍h ióng-chòng, lí ê sim tio̍h kian-kò͘! Khak-si̍t tio̍h sìn-khò Siōng-chú! | 註釋 串珠 康來昌 原文 典藏 |