章節 | 全民台語聖經全羅經文 | 註釋 |
22:1 | Thòng-khó͘ ê Ho͘-kiû kah Kám-un ê Si-koa( Ta-bi̍t ê si, kau hō͘ ga̍k-koaⁿ; tiāu ēng " Chá-khí sî ê lo̍k-bú. ")Góa ê Siōng-tè, góa ê Siōng-tè, Lí ná ē pàng-sak góa? Ná ē lī-khui góa hn̄g-hn̄g, m̄ kiù góa, bô beh thiaⁿ góa ê âu-kiò? | 註釋 串珠 康來昌 字典 原文 典藏 |
22:2 | Góa ê Siōng-tè ah, góa ji̍t-sî kiû-kiò, Lí bô thiaⁿ góa; góa àm-sî kiû-kiò, mā bô tit tio̍h an-chēng. | 註釋 串珠 康來昌 原文 典藏 |
22:3 | Chóng-.sī, Lí sī sèng ê Siōng-tè, Lí ēng I-su-la-el ê oló chò pó-chō. | 註釋 串珠 康來昌 原文 典藏 |
22:4 | Goán ê chó͘-sian óa-khò Lí; in óa-khò Lí, Lí chiū kā in chín-kiù. | 註釋 串珠 康來昌 原文 典藏 |
22:5 | In tùi Lí ai-kiû, chiū tit tio̍h chín-kiù; in óa-khò Lí, Lí chiū bô hō͘ in kiàn-siàu. | 註釋 串珠 康來昌 字典 原文 典藏 |
22:6 | Chóng-.sī, góa sī thâng-thōa, m̄-sī lâng; hō͘ lâng khau-sé, hō͘ jîn-bîn khòaⁿ-khin. | 註釋 串珠 康來昌 原文 典藏 |
22:7 | Khòaⁿ tio̍h góa ê lâng lóng kā góa thí-chhiò; in ngiauh chhùi iô thâu, kóng, | C註釋 註釋 串珠 康來昌 字典 原文 典藏 |
22:8 | Lí kā pún-sin kau-tài Siōng-chú, I ná ē bô lâi kiù lí? Siōng-chú kì-jiân hoaⁿ-hí lí, I ná ē bô lâi kiù lí? | 註釋 串珠 康來昌 原文 典藏 |
22:9 | Chóng-.sī, sī Lí hō͘ góa tùi bó-sin chhut-.lâi; góa tī lāu-bú ê heng chêng, Lí to̍h hō͘ góa óa-khò Lí. | 註釋 串珠 康來昌 原文 典藏 |
22:10 | Góa tùi bó-sin chhut-lâi to̍h kau-tài Lí; tùi góa chhut lāu-bú ê pak-tó͘, Lí to̍h-sī góa ê Siōng-tè. | 註釋 串珠 康來昌 原文 典藏 |
22:11 | Kiû Lí m̄ thang lī-khui góa hn̄g-hn̄g! In-ūi hoān-lān pek-kīn, bô lâng lâi pang-chān góa. | 註釋 串珠 康來昌 原文 典藏 |
22:12 | Ū chin chē gû-káng kā góa pau-ûi; Ba-siáng ê ióng gû sì-bīn ûi-khùn góa. | 註釋 串珠 康來昌 原文 典藏 |
22:13 | In chhin-chhiūⁿ sai khui chhùi teh tōa-siaⁿ háu, beh kā góa thiah-li̍h thun-chia̍h. | 註釋 串珠 康來昌 字典 原文 典藏 |
22:14 | Góa chhin-chhiūⁿ chúi piàⁿ chhut-.lâi, góa ê kut lóng thut-lûn; góa ê sim chhin-chhiūⁿ la̍h tī pak-lāi siau-iûⁿ. | 註釋 串珠 康來昌 字典 原文 典藏 |
22:15 | Góa ê cheng-le̍k ta-.khì, chhin-chhiūⁿ phòa hiā-phìⁿ; góa ê chi̍h liâm tiâu tī góa ê téng-hâm; Lí kā góa pàng tī sí-tē ê thô͘-soa hún tiong. | 註釋 串珠 康來昌 原文 典藏 |
22:16 | Pháiⁿ tóng chhin-chhiūⁿ káu-lūi teh pau-ûi góa; in thiah-li̍h góa ê chhiú, góa ê kha. | 註釋 串珠 康來昌 字典 原文 典藏 |
22:17 | Góa ê kut-thâu lóng ē-tàng sǹg-tit; in teh khòaⁿ góa, teh siòng góa. | 註釋 串珠 康來昌 字典 原文 典藏 |
22:18 | In pun góa ê saⁿ, liam-khau lâi pun góa ê saⁿ-khò͘. | 註釋 串珠 康來昌 原文 典藏 |
22:19 | Siōng-chú ah, kiû Lí m̄ thang lī-khui góa hn̄g-hn̄g! Siōng-tè — góa ê khùi-la̍t ah, kiû Lí kín lâi pang-chān góa! | 註釋 串珠 康來昌 字典 原文 典藏 |
22:20 | Kiû Lí kiù góa thoat-lī to-kiàm; kiù góa ê sèⁿ-miā thoat-lī káu-lūi ê sè-le̍k. | 註釋 串珠 康來昌 原文 典藏 |
22:21 | Kiû Lí kiù góa thoat-lī sai ê chhùi; Lí í-keng ū thiaⁿ góa, hō͘ góa thoat-lī iá-gû ê kak. | 註釋 串珠 康來昌 字典 原文 典藏 |
22:22 | Góa beh tùi góa ê hiaⁿ-tī soan-iông Lí ê miâ; góa beh tī chū-hōe tiong oló Lí. | 註釋 串珠 字典 原文 典藏 |
22:23 | Lín kiaⁿ-ùi Siōng-chú ê, tio̍h oló I! Iâ-kop ê kiáⁿ-sun lóng tio̍h êng-kng I! I-su-la-el ê kiáⁿ-sun lóng tio̍h kèng-ùi I! | 註釋 串珠 原文 典藏 |
22:24 | In-ūi I bô khòaⁿ-khin sànchhiah lâng, mā bô hut-sī in ê khùn-khó͘, mā bô am bīn m̄ chhap in; in tùi I kiû-kiò ê sî, I chiū kā in thiaⁿ. | 註釋 串珠 原文 典藏 |
22:25 | Góa tī tōa chū-hōe ê tiong-kan oló Lí ê chok-ûi; góa beh tī kiaⁿ-ùi Siōng-chú ê lâng ê bīn-chêng siā góa ê goān. | 註釋 串珠 原文 典藏 |
22:26 | Khiam-pi ê lâng ē tit tio̍h chia̍h pá; cháu-chhōe Siōng-chú ê lâng ē oló I. Goān lín ê sim éng-oán oa̍h-.leh! | 註釋 串珠 原文 典藏 |
22:27 | Tē ê ke̍k-thâu lóng ē siàu-liām lâi kui-sūn Siōng-chú; lia̍t pang ê bān-cho̍k lóng ē tī Lí ê bīn-chêng kèng-pài. | 註釋 串珠 原文 典藏 |
22:28 | In-ūi kok-tō͘ sī sio̍k tī Siōng-chú; I sī bān-kok ê Chú-cháiⁿ. | 註釋 串珠 原文 典藏 |
22:29 | Tē chiūⁿ só͘-ū hó-hàn ê lâng ē lim-chia̍h lâi kèng-pài; kiàn-nā teh beh sí, teh beh kui thó͘ ê lâng lóng ē kūi-pài tī I ê bīn-chêng. | 註釋 串珠 原文 典藏 |
22:30 | In ê kiáⁿ-sun ē ho̍k-sāi I; Chú ê tāichì ē thoân-kàu in ê āu-tāi. | 註釋 串珠 原文 典藏 |
22:31 | In mā ē thoân I ê kong-gī hō͘ teh beh chhut-sì ê chú-bîn, chai-iáⁿ che sī I só͘ chò ê. | 註釋 串珠 原文 典藏 |