章節 | 全民台語聖經全羅經文 | 註釋 |
19:1 | Siōng-tè Chhòng-chō ê Êng-iāu( Ta-bi̍t ê si, kau hō͘ ga̍k-koaⁿ. )Chiahê thiⁿ kóng-khí Siōng-tè ê êng-kng, kiong-chhong soan-iông I ê chok-ûi. | 註釋 串珠 康來昌 原文 典藏 |
19:2 | Chit ji̍t tùi hit ji̍t kóng-ōe, chit mê tùi hit mê thoân-chhut tì-sek. | 註釋 串珠 康來昌 原文 典藏 |
19:3 | Bô giân bô gí, bô siaⁿ bô soeh. | 註釋 串珠 康來昌 原文 典藏 |
19:4 | In ê chún-chîn thoân phiàn phó͘-thiⁿ-ē, in ê giân-gí thoân kàu tī tē-ke̍k. Siōng-tè tī in tiong-kan ūi tio̍h ji̍t-thâu an-tì tiùⁿ-pâng. | 註釋 串珠 康來昌 原文 典藏 |
19:5 | Ji̍t-thâu chhin-chhiūⁿ sin-lông chhut i ê pâng, chhin-chhiūⁿ béng-ióng ê lâng hoaⁿ-hí cháu i ê lō͘. | 註釋 串珠 康來昌 原文 典藏 |
19:6 | I tùi thiⁿ ê chit pêng chhut, se̍h kàu thiⁿ ê hit pêng; ta̍k hāng mi̍h lóng tit tio̍h i ê jia̍t-khì. | 註釋 串珠 康來昌 字典 原文 典藏 |
19:7 | Siōng-chú ê Lu̍t-hoatSiōng-chú ê lu̍t-hoat chê-choân, ē hō͘ lâng ê sim-sîn oa̍h khí-.lâi; Siōng-chú ê kiàn-chèng khak-si̍t, ē hō͘ gōng lâng ū tì-hūi. | 註釋 串珠 康來昌 原文 典藏 |
19:8 | Siōng-chú ê kà-sī chèng-ti̍t, ē hō͘ lâng ê sim hoaⁿ-hí; Siōng-chú ê bēng-lēng chheng-kiat, ē hō͘ lâng ê ba̍k-chiu kng bêng. | 註釋 串珠 康來昌 原文 典藏 |
19:9 | Kèng-ùi Siōng-chú ê tō-lí sī chheng-khì, éng-oán chûn-chāi; Siōng-chú ê phòaⁿ-toàn chin-si̍t, it-chhè lóng sī kong-gī. | 註釋 串珠 康來昌 原文 典藏 |
19:10 | In pí kim, pí chin chē ê sûn-kim khah thang him-bō͘; pí bi̍t, pí phang-pâng tih lo̍h-.lâi ê bi̍t koh khah tiⁿ. | 註釋 串珠 康來昌 原文 典藏 |
19:11 | Jî-chhiáⁿ lu̍t-hoat hō͘ Lí ê lô͘-po̍k siū kéng-kài; siú kài-bēng chiū ē tit tio̍h tōa siúⁿ-sù. | 註釋 串珠 康來昌 原文 典藏 |
19:12 | Siáⁿ lâng ē chai i ê sit-chhò? Kiû Lí tû-khì góa bô-ì-tiong só͘ hoān ê kòe-sit. | 註釋 串珠 康來昌 原文 典藏 |
19:13 | Kiû Lí pó-siú Lí ê lô͘-po̍k bô thiau-kang hoān chōe; m̄-chún hit-ê chōe-ok koán-hat góa; góa chiū ē oân-choân, bián-tit hoān tōa chōe. | 註釋 串珠 康來昌 原文 典藏 |
19:14 | Siōng-chú — góa ê chio̍h-pôaⁿ, kiù-sio̍k góa ê Chú ah; goān góa ê chhùi só͘ kóng ê kah sim só͘ siūⁿ ê, tī Lí ê bīn-chêng tit tio̍h chiap-la̍p. | 註釋 串珠 康來昌 原文 典藏 |