章節 | 全民台語聖經全羅經文 | 註釋 |
42:1 | Io-buh ìn Siōng-tè kóng: | 註釋 串珠 原文 典藏 |
42:2 | Góa chai Lí bān sū lóng ē; Lí ê chí-ì lóng bē tàng chó͘-tòng-.tit. | 註釋 串珠 原文 典藏 |
42:3 | Chit-ê ēng bû-ti lâi khàm ba̍t só͘ gī-lūn ê sī siáⁿ lâng? Só͘-í, góa ū kóng-chhut góa só͘ bô bêng ê, to̍h-sī góa só͘ siūⁿ bē chhut ê kî-biāu, góa só͘ m̄-chai. | 註釋 串珠 原文 典藏 |
42:4 | Kiû Lí thiaⁿ, góa beh kóng, góa mn̄g Lí, Lí ìn góa. | 註釋 串珠 原文 典藏 |
42:5 | Góa chá-chêng hīⁿ-khang thiaⁿ tio̍h Lí, taⁿ góa ê ba̍k-chiu khòaⁿ tio̍h Lí; | 註釋 串珠 原文 典藏 |
42:6 | só͘-í, góa thó-ià kakī, tī tîn-ai kah hóe-hu ê tiong-kan hóe-kái. | 註釋 串珠 原文 典藏 |
42:7 | Kiat-bóe ê ŌeSiōng-tè tùi Io-buh kóng chiahê ōe í-āu, Siōng-tè chiū tùi Thê-man lâng E-lī-hoat kóng, " Góa ê siū-khì tùi lí kah lí nn̄g-ê pêng-iú hoat khí-.lâi, in-ūi lín gī-lūn Góa, bô kóng ha̍p-lí ê ōe, chhin-chhiūⁿ Góa ê lô͘-po̍k Io-buh só͘ kóng ê. | 註釋 串珠 原文 典藏 |
42:8 | Taⁿ lín tio̍h ūi kakī chhú chhit chiah gû-káng, chhit chiah iûⁿ-káng, kàu Góa ê lô͘-po̍k Io-buh hia, ūi kakī hiàn sio-chè; Góa ê lô͘-po̍k Io-buh ē thè lín kî-tó; in-ūi Góa beh chiap-la̍p i, bián-tit Góa chiàu lín ê gû-gōng lâi kā lín khoán-thāi; in-ūi lín gī-lūn Góa, bô kóng ha̍p-lí ê ōe, chhin-chhiūⁿ Góa ê lô͘-po̍k Io-buh só͘ kóng ê. " | 註釋 串珠 字典 原文 典藏 |
42:9 | Chiū ánne, Thê-man lâng E-lī-hoat, Siú-oa lâng Bil-tat, Ná-má lâng Cho-hoah, chiàu Siōng-tè só͘ bēng-lēng in ê khì kiâⁿ; Siōng-tè mā chiap-la̍p Io-buh. | 註釋 串珠 原文 典藏 |
42:10 | Io-buh thè i ê pêng-iú kî-tó ê sî, Siōng-tè chiū hō͘ i ê chêng-hóng ho̍k-goân; jî-chhiáⁿ Siōng-tè siúⁿ-sù Io-buh pí í-chêng só͘-ū ê ka-pōe. | 註釋 串珠 原文 典藏 |
42:11 | Hit sî, i ê chèng hiaⁿ-tī, chí-mōe kah í-chêng sio-bat ê lâng lóng lâi kìⁿ i, tī i ê chhù chò-hóe chia̍h, ūi tio̍h Siōng-tè só͘ kàng-lo̍h tī i só͘-ū ê chai-hō, lóng pi-siong lâi kā i an-ùi; ta̍k lâng sàng i chi̍t tè gîn, ta̍k lâng sàng i chi̍t-ê kim-khoân. | 註釋 串珠 字典 原文 典藏 |
42:12 | Án-ne, Siōng-tè sù-hok Io-buh ê bóe-kéng iâⁿ-kòe i ê khí-thâu; i ū iûⁿ chi̍t-bān sì-chheng, lo̍k-tô la̍k-chheng, gû chi̍t chheng tùi, lî-bó chi̍t chheng. | 註釋 串珠 字典 原文 典藏 |
42:13 | I mā ū chhit-ê kiáⁿ kah saⁿ-ê chabó͘ kiáⁿ. | 註釋 串珠 原文 典藏 |
42:14 | I kā tōa chabó͘ kiáⁿ ê miâ kiò-chò E-mi-mah, tē-jī-ê miâ kiò-chò Ke-chi-ah, tē-saⁿ-ê miâ kiò-chò Ke-lian-hap-phuk. | 註釋 串珠 原文 典藏 |
42:15 | Hit só͘-chāi só͘-ū ê chabó͘ lâng, chhōe bô chhin-chhiūⁿ Io-buh ê chabó͘ kiáⁿ hiahni̍h súi; in ê lāu-pē hō͘ in tī hiaⁿ-tī tiong tit tio̍h sán-gia̍p. | 註釋 串珠 原文 典藏 |
42:16 | Chit sî í-āu, Io-buh koh chia̍h chi̍t-pah sì-cha̍p hòe, tit tio̍h khòaⁿ tio̍h i ê kiáⁿ, i ê sun, kàu sì tāi. | 註釋 串珠 原文 典藏 |
42:17 | Án-ne, Io-buh nî-hòe lāu, ji̍t-chí móa, chiū sí. | 註釋 串珠 原文 典藏 |