章節 | 全民台語聖經全羅經文 | 註釋 |
41:1 | Lí kám ē ēng kau thoa go̍k-hî khí-.lâi? Kám ē ēng soh-á liù i ê chi̍h? | 註釋 串珠 原文 典藏 |
41:2 | Lí kám ē ēng soh-á kǹg i ê phīⁿ? Kám ē ēng chhì chha̍k thàu i ê gê-chô? | 註釋 串珠 原文 典藏 |
41:3 | I kám ē ēng chin chē ōe kiû lí? Kám ē tùi lí kóng un-jiû ê ōe? | 註釋 串珠 原文 典藏 |
41:4 | I kám ē kah lí li̍p-iok? Kám ē hō͘ lí éng-oán lia̍h i chò lô͘-po̍k? | 註釋 串珠 原文 典藏 |
41:5 | Lí kám ē kah i chhitthô, chhin-chhiūⁿ chiáu-á? Lí kám ē kā i pa̍k khí-.lâi, hō͘ lí siàu-liân ê lú-chú khan? | 註釋 串珠 字典 原文 典藏 |
41:6 | Kui tīn ê lia̍h-hî lâng, kám thang ēng i chò bé-bē ê mi̍h? Á-sī ē kā i hun-khui hō͘ senglí lâng? | 註釋 串珠 原文 典藏 |
41:7 | Lí kám ē ēng liâm-to piàn chha̍k i ê phôe? Kám ē ēng hî-chhe piàn chhe i ê thâu-khak? | 註釋 串珠 字典 原文 典藏 |
41:8 | Lí ê chhiú hōaⁿ tī i ê téng-bīn; ē kì-tit kah i kau-chiàn ê tāichì, chiū m̄-káⁿ koh ánne chò. | 註釋 串珠 原文 典藏 |
41:9 | Lí khòaⁿ, lí siàu-siūⁿ i sī bô chhái-kang; chi̍t-ē khòaⁿ tio̍h i, lí kám bē sit táⁿ? | 註釋 串珠 原文 典藏 |
41:10 | Bô chi̍t-ê lâng hiah hó-táⁿ káⁿ jiá tio̍h i; ánne, siáⁿ lâng ē-tàng khiā tī Góa ê bīn-chêng? | 註釋 串珠 原文 典藏 |
41:11 | Siáⁿ lâng tāi-seng hō͘ Góa, hō͘ Góa tio̍h pò-tap i? Choân thian-hā lóng sī Góa ê. | 註釋 串珠 字典 原文 典藏 |
41:12 | Kóng tio̍h go̍k-hî ê ki-thé kah i ê tōa la̍t, í-ki̍p i súi ê kut-keh, Góa bē tàng bô kóng. | 註釋 串珠 字典 原文 典藏 |
41:13 | Siáⁿ lâng ē-tàng pak i ê gōa-saⁿ? Siáⁿ lâng ē-tàng ji̍p-khì i téng-ē-hoâiⁿ ê tiong-kan? | 註釋 串珠 原文 典藏 |
41:14 | Siáⁿ lâng ē-tàng khui i ê chhùi? I ê chhùi-khí sì-kho͘-ûi lóng sī thang kiaⁿ ê. | 註釋 串珠 原文 典藏 |
41:15 | I só͘ khoa-kháu ê sī i ióng-chòng ê lân; ha̍p-óa chiū chhin-chhiūⁿ hong ba̍t-ba̍t, | 註釋 串珠 原文 典藏 |
41:16 | Chi̍t-ê chi̍t-ê sio-liân, khùi to bē tàng thàu-ji̍p hit tiong-kan. | 註釋 串珠 字典 原文 典藏 |
41:17 | lóng sio kiat-liân, liân chò chi̍t-ê, bē tàng hun-khui. | 註釋 串珠 原文 典藏 |
41:18 | I phah-ka-chhiùⁿ chiū hoat-chhut kng; i ê ba̍k-chiu chhin-chhiūⁿ chá-khí sî ê ba̍k-chiu phôe. | 註釋 串珠 字典 原文 典藏 |
41:19 | Tùi i ê chhùi hoat-chhut to̍h ê hóe-pé kah poe chhut-.lâi ê hóe-chheⁿ. | 註釋 串珠 原文 典藏 |
41:20 | Tùi i ê phīⁿ-khang chhut ian, chhin-chhiūⁿ hiâⁿ lô͘-úi ê tiáⁿ teh kún. | 註釋 串珠 字典 原文 典藏 |
41:21 | I ê khùi hō͘ hóe-thòaⁿ to̍h, ū hóe-iām tùi i ê chhùi chhut. | 註釋 串珠 字典 原文 典藏 |
41:22 | I ê ām-kún ū khùi-la̍t tiāⁿtiāⁿ tī hia, kiaⁿ-hiâⁿ tī i ê bīn-chêng tiô-thiàu. | 註釋 串珠 字典 原文 典藏 |
41:23 | I ām-kui ê bah sio liân-chiap, kha̍h-tiâu i ê seng-khu, bē tàng iô-tāng. | 註釋 串珠 字典 原文 典藏 |
41:24 | I ê sim tēng kah chhin-chhiūⁿ chio̍h-thâu, chhin-chhiūⁿ ē tńg ê bôa-chio̍h hiah tēng. | 註釋 串珠 字典 原文 典藏 |
41:25 | I chi̍t-ē khí-.lâi, ióng-sū lóng kiaⁿ-hiâⁿ, kiaⁿ kah sit-sîn. | 註釋 串珠 原文 典藏 |
41:26 | Lâng nā ēng kiàm, ēng liâm-to, ēng pio, ēng chiam-chhiuⁿ, kā i chha̍k lóng chha̍k bē ji̍p-.khì. | 註釋 串珠 原文 典藏 |
41:27 | I kā thih khòaⁿ-chò sī ta chháu, kā tâng khòaⁿ-chò sī po̍h-chhâ. | 註釋 串珠 原文 典藏 |
41:28 | Kiong-chìⁿ bē tàng hō͘ i tô-cháu; ēng soh-á hìⁿ chio̍h-thâu, i chún-chò tiū-chháu. | 註釋 串珠 原文 典藏 |
41:29 | Thûi-á i sǹg-chò tiū-chháu; lâng bú-lāng chhiuⁿ, i chiū thí-chhiò. | 註釋 串珠 原文 典藏 |
41:30 | I ê pak-tó͘ ē chhin-chhiūⁿ lāi ê chhù-hiā phè; i chhin-chhiūⁿ thih-pê thoa kòe thô͘. | 註釋 串珠 原文 典藏 |
41:31 | I hō͘ chhim-ian kún khí-.lâi chhin-chhiūⁿ tiáⁿ; hō͘ hái chhin-chhiūⁿ tiâu-hô iû ê poah. | 註釋 串珠 原文 典藏 |
41:32 | I hō͘ i āu-bīn ê lō͘ hoat kng; hō͘ lâng siūⁿ kóng chhim-ian sī pe̍h thâu-mn̂g. | 註釋 串珠 原文 典藏 |
41:33 | Choân tē bô chi̍t-ê ē-tàng kah i pí-.tit; i siū chō chiâⁿ-chò bô kiaⁿ-hiâⁿ ê. | 註釋 串珠 原文 典藏 |
41:34 | Kiàn-nā koân-tōa ê i kā i khòaⁿ-khin; i tī só͘-ū kiau-ngō͘-ê cho̍k-lūi chò ông. | 註釋 串珠 原文 典藏 |