章節 | 全民台語聖經全羅經文 | 註釋 |
40:1 | Siōng-tè koh ìn Io-buh kóng: | 註釋 串珠 原文 典藏 |
40:2 | Hò͘ⁿ piān ê lâng kám thang kah Choân-lêng-.ê piān-lūn? Piān-pok Siōng-tè ê lô͘-po̍k taⁿ tio̍h ìn I. | 註釋 串珠 原文 典藏 |
40:3 | Io-buh chiū ìn Siōng-chú kóng: | 註釋 串珠 原文 典藏 |
40:4 | Lí khòaⁿ, góa sī bî-sè, góa tio̍h ēng siáⁿ-mi̍h ìn-tap Lí? Góa ēng chhiú am góa ê chhùi. | 註釋 串珠 原文 典藏 |
40:5 | Góa í-keng kóng chi̍t pái, taⁿ bô beh ìn; kóng nn̄g pái, mā bô koh kóng. | 註釋 串珠 原文 典藏 |
40:6 | Siōng-tè chiū tùi tōa hong ê tiong-kan ìn Io-buh kóng: | 註釋 串珠 原文 典藏 |
40:7 | Lí tio̍h hâ io chhin-chhiūⁿ tāi-tiōng-hu, góa mn̄g lí, lí tio̍h ìn góa. | 註釋 串珠 原文 典藏 |
40:8 | Lí kám ē hùi-tû Góa ê kong-pêⁿ? Lí kám ē gí-tiāⁿ Góa ū chōe lâi hián-bêng lí kakī chò gī? | 註釋 串珠 原文 典藏 |
40:9 | Lí kám ū chhin-chhiūⁿ Siōng-tè hit khoán ê chhiú-kut? Lí kám ē chhut siaⁿ khí lûi chhin-chhiūⁿ I? | 註釋 串珠 原文 典藏 |
40:10 | Taⁿ lí thang ēng chun-kùi kah ui-giâm chò táⁿ-pān, ēng êng-kng kah bí-biāu chò saⁿ-khò͘. | 註釋 串珠 原文 典藏 |
40:11 | Tio̍h piàⁿ-chhut lí móa-móa ê siū-khì; khòaⁿ só͘-ū kiau-ngō͘ ê lâng hō͘ i kàng kē. | 註釋 串珠 原文 典藏 |
40:12 | Khòaⁿ só͘-ū kiau-ngō͘ ê lâng, ah-chhi̍h hō͘ i kē, ta̍h pháiⁿ lâng tī in só͘ khiā ê tē. | 註釋 串珠 原文 典藏 |
40:13 | Kā in chò chi̍t-ē khǹg tī thô͘-soa hún; tī o͘-àm ê só͘-chāi kā in ê bīn pau ba̍t. | 註釋 串珠 原文 典藏 |
40:14 | Án-ne, góa chiū sêng-jīn lí; lí ê chiàⁿ chhiú chin-chiàⁿ ē kiù lí. | 註釋 串珠 原文 典藏 |
40:15 | Taⁿ lí khòaⁿ hô-bé, góa chō lí mā ū chō i; i chia̍h chháu chhin-chhiūⁿ gû. | 註釋 串珠 字典 原文 典藏 |
40:16 | Lí khòaⁿ, i ê khùi-la̍t chāi tī i ê io, i ê lêng-le̍k tī i pak-tó͘ ê ki-bah. | 註釋 串珠 原文 典藏 |
40:17 | I iô bóe chhin-chhiūⁿ pek-hiuⁿ chhiū; I tōa-thúi ê kin sio liân-chiap; | 註釋 串珠 字典 原文 典藏 |
40:18 | I ê kut-thâu chhin-chhiūⁿ tâng-kóng, i ê ki-thé chhin-chhiūⁿ thih-tiâu. | 註釋 串珠 原文 典藏 |
40:19 | I sī Siōng-tè chiahê kang-chok ê tē-it; chhòng-chō i ê ē ēng to chhin-kīn i. | 註釋 串珠 字典 原文 典藏 |
40:20 | Chiahê soaⁿ si̍t-chāi kā i chhut chia̍h-mi̍h, chhân-iá ê pah-siù mā tī hia chhitthô. | 註釋 串珠 字典 原文 典藏 |
40:21 | I tó tī liân-hoe hio̍h kha, khùn tī kui phō lô͘-tek ê ìm-ńg ē kah chúi-khut lāi. | 註釋 串珠 字典 原文 典藏 |
40:22 | Liân-hoe hio̍h ê ìm-ńg ka i jia-khàm; khe piⁿ ê liú-chhiū kā i ûi-.leh. | 註釋 串珠 字典 原文 典藏 |
40:23 | Lí khòaⁿ, to̍h-sī tú tio̍h hô chúi hoàn-lām, i mā bô kiaⁿ; Iol-tàn hô tiòng kàu i ê chhùi, i mā an-jiân. | 註釋 串珠 原文 典藏 |
40:24 | Siáⁿ lâng ē tī i ba̍k-chiu kim-kim ê sî lia̍h tio̍h i? Á-sī ēng oa̍h-khàu kǹg i ê phīⁿ? | 註釋 串珠 字典 原文 典藏 |