章節 | 全民台語聖經全羅經文 | 註釋 |
38:1 | Siōng-tè Hôe-tap Io-buhHit sî, Siōng-tè tùi tōa hong ê tiong-kan ìn Io-buh kóng: | 註釋 串珠 原文 典藏 |
38:2 | Taⁿ chi̍t-ê ēng bû-ti ê ōe hō͘ só͘ gī-lūn ê bô bêng, i sī siáⁿ lâng? | 註釋 串珠 原文 典藏 |
38:3 | Lí tio̍h hâ io chhin-chhiūⁿ tāi-tiōng-hu, góa mn̄g lí, lí ìn góa. | 註釋 串珠 原文 典藏 |
38:4 | Góa hē tē ê tē-ki, hit sî lí tī tó-ūi? Lí nā chai-iáⁿ chiū kóng chhut-.lâi. | 註釋 串珠 原文 典藏 |
38:5 | Siáⁿ lâng tiāⁿ tio̍h i ê chhùn-chhioh, siáⁿ lâng khan chîn-soh tī i ê téng-bīn, lí kám chai? | 註釋 串珠 字典 原文 典藏 |
38:6 | I ê tē-ki chhāi tī siáⁿ-mi̍h ê téng-bīn? Á-sī i kak-thâu ê chio̍h sī siáⁿ lâng an-tì? | 註釋 串珠 字典 原文 典藏 |
38:7 | Hit tong-sî, thiⁿ-kng chá-khí ê chheⁿ chò-hóe chhiùⁿ koa; Siōng-tè ê chèng kiáⁿ-jî mā lóng chhut hoaⁿ-hí ê siaⁿ. | 註釋 串珠 原文 典藏 |
38:8 | Tōa hái chhiong chhut, chhin-chhiūⁿ tùi thai-.ni̍h chhut-.lâi, hit sî, siáⁿ lâng ē-tàng ēng mn̂g kā i koaiⁿ khí-.lâi? | 註釋 串珠 原文 典藏 |
38:9 | Hit sî, góa ēng hûn chò i ê saⁿ, ēng o͘-àm chò pò͘ kā i pau khí-.lâi; | 註釋 串珠 字典 原文 典藏 |
38:10 | kā i tiāⁿ tio̍h Góa só͘ li̍p ê kài-hān, koh kā i siat mn̂g-chhòaⁿ kah mn̂g. | 註釋 串珠 字典 原文 典藏 |
38:11 | koh kóng, lí thang kàu chia, m̄ thang pôaⁿ-kòe, lí kiau-ngō͘ ê éng kàu chia ûi-chí. | 註釋 串珠 原文 典藏 |
38:12 | Tùi lí chhut-sì ê ji̍t í-lâi, lí bat bēng-lēng chá-khí sî, hō͘ thiⁿ-kng chá-khí chai i ê só͘-chāi; | 註釋 串珠 原文 典藏 |
38:13 | lí kám ū hoat-tō͘ hō͘ kng khiú tē ê sì-ke̍k, thang kā pháiⁿ lâng kóaⁿ chhut-.khì? | 註釋 串珠 原文 典藏 |
38:14 | Tē-bīn chiū ánne piàn-ōaⁿ chhin-chhiūⁿ khàm ìn ê thô͘, bān-mi̍h hián-hiān chhin-chhiūⁿ saⁿ-khò͘ ê chhái-sek. | 註釋 串珠 字典 原文 典藏 |
38:15 | Pháiⁿ lâng só͘ sǹg-chò in ê kng, taⁿ tùi in siu tò tńg-.lâi, gia̍h koân ê chhiú ē siū at-tn̄g. | 註釋 串珠 原文 典藏 |
38:16 | Lí kám bat ji̍p-khì hái ê chúi-goân? Á-sī bat kiâⁿ tī chhim-ian pì-bi̍t ê só͘-chāi? | 註釋 串珠 原文 典藏 |
38:17 | Sí-bông ê mn̂g ū kā lí khui? Sí-ìm ê mn̂g lí kám bat khòaⁿ-.tio̍h? | 註釋 串珠 原文 典藏 |
38:18 | Tē ê khoah-tōa, lí kám khòaⁿ ū thàu? Lí nā choân-pō͘ lóng chai, chò lí kóng chhut-.lâi. | 註釋 串珠 原文 典藏 |
38:19 | Kng-bêng tòa ê só͘-chāi, hit tiâu lō͘ tùi tó-ūi khì? O͘-àm ê só͘-chāi tī tó-ūi? | 註釋 串珠 字典 原文 典藏 |
38:20 | Lí kám chai án-chóaⁿ chhōa i tńg-khì i ê kéng-kài? Lí kám ē chai-iáⁿ thàu kàu i ê chhù ê lō͘? | 註釋 串珠 字典 原文 典藏 |
38:21 | Lí chai lah, in-ūi hit sî lí í-keng chhut-sì, lí ê nî-hòe mā í-keng chē. | 註釋 串珠 原文 典藏 |
38:22 | Lí bat ji̍p-khì seh ê khò͘-pâng, á-.sī khòaⁿ tio̍h pha̍uh ê kim-khò͘, | 註釋 串珠 字典 原文 典藏 |
38:23 | Kám to̍h-sī góa só͘ siu-chông lâi thèng-hāu hoān-lān ê kî, thèng-hāu sio-thâi kau-chiàn ê ji̍t? | 註釋 串珠 原文 典藏 |
38:24 | Kng tùi siáⁿ-mi̍h lō͘ hun-khui? Tang-hong tùi siáⁿ-mi̍h lō͘ sì-kè chhoe tī tē-chiūⁿ? | 註釋 串珠 字典 原文 典藏 |
38:25 | Siáⁿ lâng kā tōa hō͘-chúi khui lō͘; á-.sī chún-pī lûi-tiān ê lō͘? | 註釋 串珠 字典 原文 典藏 |
38:26 | Siáⁿ lâng lo̍h hō͘ tī bô lâng ê tē, tī bô lâng tòa ê khòng-iá? | 註釋 串珠 原文 典藏 |
38:27 | Siáⁿ lâng hō͘ pha-hng ê tē tit tio̍h kàu-gia̍h ê chúi, hō͘ chheⁿ-chháu hoat khí-.lâi? | 註釋 串珠 原文 典藏 |
38:28 | Hō͘-chúi kám ū lāu-pē? Lō͘-chúi chi̍t tiám chi̍t tih sī siáⁿ lâng seⁿ ê? | 註釋 串珠 原文 典藏 |
38:29 | Peng tùi siáⁿ-mi̍h ê thai chhut-.lâi? Thiⁿ ê sng sī siáⁿ lâng seⁿ ê? | 註釋 串珠 原文 典藏 |
38:30 | Chiahê chúi kiat-peng chhin-chhiūⁿ chio̍h-thâu, chhim-ian ê bīn kiat kui tè. | 註釋 串珠 原文 典藏 |
38:31 | Báu-chheⁿ kui chhok, kám sī lí pa̍k ê? Chham-chheⁿ ê tòa kám sī lí tháu-khui ê? | 註釋 串珠 字典 原文 典藏 |
38:32 | Lí kám ū hoat-tō͘ hō͘ cha̍p-jī kiong chiàu i ê sî-hāu chhut-.lâi? Koh ín-chhōa Pak-táu-chheⁿ kah i só͘ sio̍k ê chheⁿ? | 註釋 串珠 原文 典藏 |
38:33 | Lí kám chai thiⁿ ê tēng-lē? Á-sī siat i ê koân lâi koán-hat tē? | 註釋 串珠 原文 典藏 |
38:34 | Lí kám ē chhut siaⁿ kiò hûn, hō͘ hō͘-chúi chin chē jia-khàm lí? | 註釋 串珠 原文 典藏 |
38:35 | Lí kám ē hoat-chhut sihnà, in chiū khì, koh tùi lí kóng: Goán tī chia. | 註釋 串珠 原文 典藏 |
38:36 | Siáⁿ lâng kā tì-hūi hē tī sim-hoâi? Siáⁿ lâng siúⁿ-sù chhong-bêng tī sim-lāi? | 註釋 串珠 字典 原文 典藏 |
38:37 | Siáⁿ lâng ē ēng tì-hūi sǹg hûn ê sò͘-gia̍h? Siáⁿ lâng ē piàⁿ thiⁿ ê phûn? | 註釋 串珠 字典 原文 典藏 |
38:38 | Hit sî, tîn-ai chiâⁿ-chò thô͘-môe, thô͘ kám chiū kiat kui thoân? | 註釋 串珠 原文 典藏 |
38:39 | Lí kám ū kā bó-sai la̍k tio̍h chia̍h-mi̍h, hō͘ sai-á-thûn thang chia̍h pá? | 註釋 串珠 字典 原文 典藏 |
38:40 | Chiū-sī i tī hia̍t lāi thèⁿ-kha, tī ún-ba̍t ê só͘-chāi bih-.leh ê sî. | 註釋 串珠 字典 原文 典藏 |
38:41 | O͘-a kiáⁿ ǹg Siōng-tè ai-kiû; bô thang chia̍h poe-lâi poe-khì ê sî, siáⁿ lâng ūi o͘-a chún-pī chia̍h-mi̍h? | 註釋 串珠 字典 原文 典藏 |