| 章節 | 全民台語聖經全羅經文 | 註釋 |
| 36:1 | E-li-hu koh sòa-chiap kóng: | 註釋 串珠 原文 典藏 |
| 36:2 | Lí koh iông-ín góa chi̍t-sî-á, góa chiū ē kā lí chí-sī, in-ūi iáu-ū ōe beh ūi tio̍h Siōng-tè lâi kóng. | 註釋 串珠 原文 典藏 |
| 36:3 | Góa beh tùi hn̄g-hn̄g chhú góa ê tì-sek, kā gī kui hō͘ chhòng-chō góa ê Siōng-tè. | 註釋 串珠 原文 典藏 |
| 36:4 | In-ūi góa ê ōe si̍t-chāi bô pe̍h-chha̍t, ū tì-sek chê-pī ê lâng kah lí tông-chāi. | 註釋 串珠 原文 典藏 |
| 36:5 | Lí khòaⁿ, Siōng-tè tōa koân-lêng lóng bô biáu-sī lâng; I ê sim-su kah lêng-le̍k lóng chin tōa. | 註釋 串珠 原文 典藏 |
| 36:6 | I bô pó-hō͘ pháiⁿ lâng ê sèⁿ-miā, sī hō͘ khó͘-lān ê lâng tit tio̍h kong-pêⁿ. | 註釋 串珠 原文 典藏 |
| 36:7 | I ê ba̍k-chiu bô lī-khui gī lâng; hō͘ in kah kun-ông chò-hóe chē-ūi kàu éng-oán; In chiū tit tio̍h ko-seng. | 註釋 串珠 字典 原文 典藏 |
| 36:8 | In nā hō͘ só-liān pa̍k-.leh, hō͘ khó͘-lān ê soh liù tio̍h; | 註釋 串珠 字典 原文 典藏 |
| 36:9 | I chiū chí-sī in chai in ê só͘ chò, í-ki̍p in só͘ hoān ê tāng chōe. | 註釋 串珠 原文 典藏 |
| 36:10 | I mā khui in ê hīⁿ-khang lâi siū kà-sī, hoan-hù in oa̍t tò tńg-.lâi, lī-khui chōe-ok. | 註釋 串珠 原文 典藏 |
| 36:11 | In nā chun-thàn lâi ho̍k-sāi, chiū ē heng-thong kòe hó ji̍t-chí, nî-nî an-lo̍k. | 註釋 串珠 原文 典藏 |
| 36:12 | Nā m̄ chun-thàn chiū ē hō͘ to-kiàm thâi, gōng-gōng lâi sí. | 註釋 串珠 字典 原文 典藏 |
| 36:13 | Hiahê sim bô kèng-khiân ê lâng chek-chū siū-khì, I kā in khún-pa̍k ê sî, in mā bô hoah kiù lâng. | 註釋 串珠 原文 典藏 |
| 36:14 | I ē tī siàu-liân ê sî sí-.khì, in ê sèⁿ-miā sòng-sit ná chhin-chhiūⁿ gín'á piàn pháiⁿ-.khì. | 註釋 串珠 原文 典藏 |
| 36:15 | I ēng khùn-khó͘ lâi kiù khùn-khó͘ ê lâng, ēng pō-gio̍k lâi khui in ê hīⁿ-khang. | 註釋 串珠 原文 典藏 |
| 36:16 | I ín-chhōa lí thoat-chhut gûi-kip, ji̍p-khì tī khui-khoah ê só͘-chāi; ū iû but-but ê chia̍h-mi̍h pâi tī lí ê toh téng. | 註釋 串珠 字典 原文 典藏 |
| 36:17 | Lí chhiong-móa pháiⁿ lâng ê gí-gī, gí-gī kah phòaⁿ-toàn chiū ē lia̍h lí. | 註釋 串珠 原文 典藏 |
| 36:18 | M̄-thang iông-ín siū-khì kek-tōng lí, tì-sú lí bú-bān; mā m̄ thang in-ūi sio̍k-hôe ê kè-chîⁿ tōa, lâi kiâⁿ phian lō͘. | 註釋 串珠 原文 典藏 |
| 36:19 | Lí ê chîⁿ-châi, á-.sī lí it-chhè ê sè-le̍k, kám ū hāu-giām hō͘ lí bô tú tio̍h hoān-lān? | 註釋 串珠 原文 典藏 |
| 36:20 | M̄-thang him-bō͘ hit-ê àm-mê, to̍h-sī jîn-bîn tī in ê só͘-chāi tú tio̍h tû-bia̍t ê sî. | 註釋 串珠 原文 典藏 |
| 36:21 | Lí tio̍h kín-sīn, m̄ thang ì-hiòng chōe-ok; in-ūi lí kéng chit tiâu lō͘ iâⁿ-kòe khó͘-lān. | 註釋 串珠 原文 典藏 |
| 36:22 | Lí khòaⁿ, Siōng-tè ēng I ê lêng-le̍k lâi kiâⁿ tōa sū; siáⁿ lâng chò kàu-su ū chhin-chhiūⁿ I? | 註釋 串珠 原文 典藏 |
| 36:23 | Siáⁿ lâng ē tiāⁿ tio̍h I ê lō͘? Siáⁿ lâng ē kóng, Lí ū kiâⁿ put-gī? | 註釋 串珠 字典 原文 典藏 |
| 36:24 | Lí tio̍h ē kì-tit oló I só͘ kiâⁿ ê chò tōa, to̍h-sī lâng só͘ chhiùⁿ koa oló ê. | 註釋 串珠 原文 典藏 |
| 36:25 | Lâng lóng khòaⁿ tio̍h I; lâng tùi hn̄g-hn̄g khòaⁿ tio̍h I. | 註釋 串珠 原文 典藏 |
| 36:26 | Lí khòaⁿ, Siōng-tè chì-tōa, lán m̄ bat I; I ê nî-gia̍h sǹg bē liáu. | 註釋 串珠 原文 典藏 |
| 36:27 | In-ūi I khip-ín chi̍t tih chi̍t tih ê chúi, chiū tùi i ê sip-khì piàn-sêng hō͘; | 註釋 串珠 原文 典藏 |
| 36:28 | to̍h-sī thiⁿ só͘ lo̍h ê hō͘, lâi ak chèng lâng. | 註釋 串珠 原文 典藏 |
| 36:29 | Siáⁿ lâng ē bêng-pe̍k hûn án-chóaⁿ thí-khui kah Siōng-tè hêng-kiong ê lûi siaⁿ? | 註釋 串珠 字典 原文 典藏 |
| 36:30 | Lí khòaⁿ, I hoat-chhut I ê kng tī hit téng-bīn; I koh kā hái-té jia-khàm. | 註釋 串珠 原文 典藏 |
| 36:31 | In-ūi I ēng chiahê lâi sím-phòaⁿ jîn-bîn; koh siúⁿ-sù hong-sēng ê bí-niûⁿ. | 註釋 串珠 原文 典藏 |
| 36:32 | I ēng sihnà jia chhiú, bēng-lēng i phah tio̍h tùi-te̍k. | 註釋 串珠 原文 典藏 |
| 36:33 | I ê siaⁿ sī piáu-bêng I, mā ēng só͘ beh khí ê tōa hong-hō͘ chí-sī chengseⁿ. | 註釋 串珠 字典 原文 典藏 |