章節 | 全民台語聖經全羅經文 | 註釋 |
35:1 | E-li-hu koh ìn kóng: | 註釋 串珠 原文 典藏 |
35:2 | Lí lia̍h chit-ê chò ū ha̍p-lí, lí kóng: Góa ê gī iâⁿ-kòe Siōng-tè ê gī, | 註釋 串珠 原文 典藏 |
35:3 | lí kèng-jiân tùi Siōng-tè kóng: Che tùi Lí ū siáⁿ-mi̍h lī-ek? Koh kóng: Góa hoān chōe kám ū pí bô hoān chōe khah ū lī-ek? | 註釋 串珠 原文 典藏 |
35:4 | Góa beh ìn lí, mā beh ìn óa-khò lí ê tâng-phōaⁿ. | 註釋 串珠 原文 典藏 |
35:5 | Lí tio̍h gia̍h thâu khòaⁿ thiⁿ, khòaⁿ hit-ê kiong-chhong sī pí lí khah koân. | 註釋 串珠 原文 典藏 |
35:6 | Lí nā hoān chōe kám ē hāi tio̍h I siáⁿ-mi̍h? Lí ê kòe-sit nā ke-thiⁿ kám ē gāi tio̍h I siáⁿ-mi̍h? | 註釋 串珠 原文 典藏 |
35:7 | Lí nā kiâⁿ gī ū siáⁿ-mi̍h thang hō͘ I? Á-sī I tùi lí ê chhiú ū tit tio̍h siáⁿ-mi̍h? | 註釋 串珠 原文 典藏 |
35:8 | Lí ê pháiⁿ kah lí tâng-lūi ê lâng ū koan-hē, lí ê gī kah sè-kan lâng mā ū koan-hē. | 註釋 串珠 原文 典藏 |
35:9 | Lâng in-ūi siū chin chē pō-gio̍k chiū tōa-siaⁿ hoah, in-ūi siū tio̍h kiông-le̍k ê ap-chè chiū hoah kiù lâng. | 註釋 串珠 原文 典藏 |
35:10 | Chóng-.sī, bô lâng kóng: Chhòng-chō góa ê Siōng-tè tī tó-ūi? I sī hō͘ lâng àm-sî chhiùⁿ koa ê. | 註釋 串珠 原文 典藏 |
35:11 | I sī kà-sī lán iâⁿ-kòe tē-chiūⁿ ê cháu-siù, hō͘ lán ū tì-hūi iâⁿ-kòe khong-tiong ê poe-chiáu. | 註釋 串珠 字典 原文 典藏 |
35:12 | In tī hia tōa-siaⁿ hoah, chóng-.sī, bô lâng kā in ū ìn-tap, in-ūi pháiⁿ lâng kiau-ngō͘-ê iân-kò͘. | 註釋 串珠 原文 典藏 |
35:13 | Hi-ké ê ōe Siōng-tè bô beh thiaⁿ, Choân-lêng-.ê mā m̄ kā i khòaⁿ-kò͘. | 註釋 串珠 原文 典藏 |
35:14 | Hô-hòng lí kóng, lí bô khòaⁿ tio̍h I; chit-ê àn-kiāⁿ tī I ê bīn-chêng, lí tio̍h chhiáⁿ thèng-hāu I! | 註釋 串珠 原文 典藏 |
35:15 | Chóng-.sī, taⁿ in-ūi I bô siū-khì lâi kā lí chek-hoa̍t, mā bô te̍k-pia̍t chù-ì lí ê bú-bān; | 註釋 串珠 原文 典藏 |
35:16 | só͘-í, Io-buh khui chhùi lóng sī hi-ké, kóng chin chē bû-ti ê ōe. | 註釋 串珠 原文 典藏 |