章節 | 全民台語聖經全羅經文 | 註釋 |
33:1 | Io-buh, taⁿ chhiáⁿ lí thiaⁿ góa ê ōe, chù-ì thiaⁿ góa só͘-ū ê giân-gí. | 註釋 串珠 原文 典藏 |
33:2 | Lí khòaⁿ, góa taⁿ khui góa ê chhùi, góa ê chi̍h tī chhùi lāi teh kóng. | 註釋 串珠 原文 典藏 |
33:3 | Góa ê ōe beh kóng-chhut góa sim-lāi ê chèng-ti̍t, góa ê chhùi-tûn beh láu-si̍t kóng-chhut góa só͘ chai ê tāichì. | 註釋 串珠 原文 典藏 |
33:4 | Siōng-chú ê Sèng Sîn chhòng-chō góa; Choân-lêng-.ê ê khùi hō͘ góa tit tio̍h oa̍h-miā. | 註釋 串珠 原文 典藏 |
33:5 | Lí nā ē, chiū tio̍h ìn góa, khí-lâi khiā, pâi-lia̍t tī góa ê bīn-chêng. | 註釋 串珠 原文 典藏 |
33:6 | Lí khòaⁿ, góa tī Siōng-tè ê bīn-chêng kah lí sio-siâng, mā sī ēng thô͘ lia̍p-chiâⁿ ê. | 註釋 串珠 原文 典藏 |
33:7 | Lí khòaⁿ, góa bô ēng ui-giâm hō͘ lí kiaⁿ, mā bô ēng góa ê sè-le̍k teh lí. | 註釋 串珠 原文 典藏 |
33:8 | Lí só͘ kóng ê, góa si̍t-chāi ū thiaⁿ-.tio̍h, mā ū thiaⁿ tio̍h lí ê ōe ê siaⁿ, kóng: | 註釋 串珠 原文 典藏 |
33:9 | " Góa sī chheng-khì, bô kòe-sit, góa sī chheng-pe̍h, tī góa sim-lāi mā bô chōe. | 註釋 串珠 原文 典藏 |
33:10 | Lí khòaⁿ, Siōng-tè chhōe khang-khiah lâi kong-kek góa, kā góa lia̍h-chò sī I ê tùi-te̍k. | 註釋 串珠 原文 典藏 |
33:11 | I ēng kha-liâu chhiú-khàu khàu góa ê kha-chhiú, tì-ì khòaⁿ góa só͘-ū ê lō͘. | 註釋 串珠 字典 原文 典藏 |
33:12 | Lí khòaⁿ, kóng-kàu che, lí sī put-gī, góa beh ìn lí; in-ūi Siōng-tè pí lâng khah tōa. | 註釋 串珠 原文 典藏 |
33:13 | Lí ná ē kah I sio-chèⁿ? In-ūi I ê tāichì I lóng bô kái-bêng. | 註釋 串珠 原文 典藏 |
33:14 | In-ūi Siōng-tè kóng chi̍t pái koh chi̍t pái, chóng-.sī, lâng lóng bô tì-ì. | 註釋 串珠 原文 典藏 |
33:15 | Lâng tó tī bîn-chhn̂g teh khùn, kàu i khùn tāng-bîn ê sî, tī bîn-bāng tiong, tī àm-sî ê ī-siōng tiong, | 註釋 串珠 字典 原文 典藏 |
33:16 | Siōng-tè khui in ê hīⁿ-khang, khàm ìn tī in só͘ siū ê kà-sī. | 註釋 串珠 原文 典藏 |
33:17 | beh hō͘ lâng kái-ōaⁿ só͘ kè-ōe ê tāichì, chó͘-chí lâng ê kiau-ngō͘. | 註釋 串珠 原文 典藏 |
33:18 | Chó͘-chí i ê oa̍h-miā bô lo̍h chhim kheⁿ, i ê sèⁿ-miā mā bô tùi to-kiàm lâi sí. | 註釋 串珠 字典 原文 典藏 |
33:19 | Lâng tī bîn-chhn̂g téng siū thàng-thiàⁿ ê kéng-kài; tī i ê kut lāi chhin-chhiūⁿ teh kau-chiàn bô soah. | 註釋 串珠 字典 原文 典藏 |
33:20 | Tì-sú i ê oa̍h-miā thó-ià chia̍h-mi̍h, i ê sim-sîn thó-ià hó-bī. | 註釋 串珠 字典 原文 典藏 |
33:21 | I ê bah siau-sán, bô thang khòaⁿ-.tio̍h; pêng-siông sî bô khòaⁿ-.tio̍h ê kut, taⁿ lóng thóng chhut-.lâi. | 註釋 串珠 原文 典藏 |
33:22 | I ê sèⁿ-miā chiap-kīn chhim kheⁿ; i ê oa̍h-miā kīn tī hiahê bia̍t-bông sèⁿ-miā ê. | 註釋 串珠 原文 典藏 |
33:23 | Nā ū chi̍t-ê sù-chiá kah i tông-chāi, to̍h-sī chi̍t-chheng-ê tiong-kan ê chi̍t-ê, thè i kóng-ōe ê, kā lâng só͘ tio̍h chò ê kā i chí-sī, | 註釋 串珠 原文 典藏 |
33:24 | Siōng-tè chiū si un hō͘ i, kóng: Kiù i bián-tit lo̍h chhim kheⁿ, góa í-keng chhōe tio̍h kā i sio̍k-hôe ê. | 註釋 串珠 原文 典藏 |
33:25 | I ê bah pí gín'á ê bah khah iù-nńg; i ē hôe-ho̍k siàu-liân ê ji̍t-chí. | 註釋 串珠 原文 典藏 |
33:26 | I ē tùi Siōng-tè kî-tó, Siōng-tè hoaⁿ-hí i; i kìⁿ tio̍h Siōng-tè ê bīn lâi hoaⁿ-hí, Siōng-tè koh sǹg hit-ê lâng chò gī. | 註釋 串珠 原文 典藏 |
33:27 | I tī lâng ê bīn-chêng chhiùⁿ koa kóng: Góa ū hoān chōe, tian-tò sī-hui, bô lī-ek góa. | 註釋 串珠 原文 典藏 |
33:28 | Siōng-tè kiù-sio̍k góa ê sèⁿ-miā, bián lo̍h chhim kheⁿ; góa ê oa̍h-miā mā ē khòaⁿ tio̍h kng. | 註釋 串珠 原文 典藏 |
33:29 | Lí khòaⁿ, chiahê só͘-ū ê tāichì, Siōng-tè kiâⁿ tī lâng, nn̄g pái, saⁿ pái, | 註釋 串珠 原文 典藏 |
33:30 | ūi tio̍h beh tùi chhim kheⁿ kiù i ê sèⁿ-miā tò tńg-.lâi, hō͘ i tit tio̍h oa̍h-miā ê kng chiò i. | 註釋 串珠 原文 典藏 |
33:31 | Io-buh, lí tio̍h àⁿ hīⁿ-khang thiaⁿ góa ê ōe, tio̍h tiām-tiām, góa chiū beh kóng. | 註釋 串珠 原文 典藏 |
33:32 | Lí nā ū ōe thang kóng, chiū ìn góa; chò lí kóng, in-ūi góa ài lia̍h lí chò gī. | 註釋 串珠 原文 典藏 |
33:33 | Nā bô, lí tio̍h thiaⁿ góa kóng; lí tio̍h tiām-tiām, góa beh kà lí tì-hūi. | 註釋 串珠 原文 典藏 |