章節 | 全民台語聖經全羅經文 | 註釋 |
32:1 | E-li-hu ê ŌeChiū ánne, chit saⁿ-ê lâng chiū thêng-chí kóng-ōe, bô koh ìn Io-buh, in-ūi i kakī khòaⁿ-chò sī gī. | 註釋 串珠 原文 典藏 |
32:2 | Hit sî, ū Bu-chih lâng, sio̍k tī Lâm ê cho̍k, Ba-la-khiah ê kiáⁿ E-li-hu, chin siū-khì; i siū-khì Io-buh, in-ūi i lia̍h kakī pí Siōng-tè khah ū gī. | 註釋 串珠 原文 典藏 |
32:3 | I mā siū-khì i saⁿ-ê pêng-iú, in-ūi in siūⁿ bô ōe thang ìn, iáu koh gí-tiāⁿ Io-buh ū chōe. | 註釋 串珠 原文 典藏 |
32:4 | E-li-hu beh kah Io-buh kóng-ōe, iáu teh thèng-hāu; sī in-ūi in pí i khah chē hòe. | 註釋 串珠 原文 典藏 |
32:5 | E-li-hu khòaⁿ tio̍h chit saⁿ lâng chhùi lāi bô ōe thang ìn, chiū tōa siū-khì. | 註釋 串珠 原文 典藏 |
32:6 | Bu-chih lâng Ba-la-khiah ê kiáⁿ E-li-hu ìn kóng: Góa siàu-liân, lín nî-lāu; só͘-í, góa thè-niū, m̄-káⁿ tùi lín pâi-lia̍t góa ê ì-kiàn. | 註釋 串珠 原文 典藏 |
32:7 | Góa siūⁿ, ji̍t-chí chē ê lâng tio̍h kóng, hòe-siū koân ê lâng tio̍h ēng tì-hūi kà-sī lâng. | 註釋 串珠 原文 典藏 |
32:8 | M̄ koh, lâng ê lāi-bīn ū sim-sîn, Choân-lêng-.ê ê khùi mā hō͘ lâng chhong-bêng. | 註釋 串珠 原文 典藏 |
32:9 | Khah sī-tōa ê bô tútú lóng ū tì-hūi, khah ló-liân ê bô tútú lóng ē bêng-pe̍k kong-pêⁿ. | 註釋 串珠 原文 典藏 |
32:10 | Só͘-í, góa kóng: Lín tio̍h thiaⁿ góa ê ōe, góa mā beh pâi-lia̍t góa ê ì-kiàn. | 註釋 串珠 原文 典藏 |
32:11 | Lí khòaⁿ, góa í-keng thèng-hāu lín ê ōe, jî-chhiáⁿ hīⁿ-khang ū thiaⁿ lín ê lí-lūn; thèng-hāu lín chhōe tio̍h thang kóng ê ōe. | 註釋 串珠 原文 典藏 |
32:12 | Góa chù-ì thiaⁿ lín kóng. Lí khòaⁿ, lín tiong-kan bô chi̍t-ê lâng kā Io-buh piān-tó, mā bô chi̍t-ê lâng ìn i ê ōe. | 註釋 串珠 原文 典藏 |
32:13 | Lín m̄ thang kóng, goán tú tio̍h tì-hūi; Siōng-tè ē iâⁿ-kòe tì-hūi, lâng bē tàng. | 註釋 串珠 原文 典藏 |
32:14 | Io-buh bô ēng ōe kah góa piān-lūn; góa mā bô beh ēng lín ê ōe ìn i. | 註釋 串珠 原文 典藏 |
32:15 | In gāng-gāng bô koh ìn, bô ōe thang kóng. | 註釋 串珠 原文 典藏 |
32:16 | In bô kóng-ōe, tiāⁿtiāⁿ khiā-teh bô koh ìn, góa kám tio̍h koh thèng-hāu? | 註釋 串珠 原文 典藏 |
32:17 | Góa mā beh chīn góa ê hūn-gia̍h lâi ìn, pâi-lia̍t góa ê ì-kiàn. | 註釋 串珠 原文 典藏 |
32:18 | In-ūi góa ū ōe móa pak-tó͘, góa lāi-bīn ê sim-sîn kek-tōng góa. | 註釋 串珠 原文 典藏 |
32:19 | Lí khòaⁿ, góa ê pak-tó͘ lāi chhin-chhiūⁿ hong ba̍t ba̍t ê chiú, mā chhin-chhiūⁿ sin ê phôe-tē teh beh piak-li̍h. | 註釋 串珠 字典 原文 典藏 |
32:20 | Góa beh kóng-chhut, hō͘ góa tháu khùi; góa beh khui chhùi lâi ìn. | 註釋 串珠 原文 典藏 |
32:21 | Góa bô beh khòaⁿ lâng ê sin-hūn, mā bô beh phô͘-tháⁿ lâng. | 註釋 串珠 原文 典藏 |
32:22 | In-ūi góa bē hiáu kā lâng phô͘-tháⁿ; góa nā ū ánne chò, chhòng-chō góa ê Siōng-tè ē chin kín kā góa tû-bia̍t. | 註釋 串珠 原文 典藏 |