章節 | 全民台語聖經全羅經文 | 註釋 |
29:1 | Io-buh Chòe-āu ê Sin-sò͘Io-buh koh sòa-chiap thê-khí i ê giân-lūn, kóng: | 註釋 串珠 原文 典藏 |
29:2 | Goān góa chhin-chhiūⁿ chá-chêng hiahê nî-goe̍h, chhin-chhiūⁿ Siōng-tè pó-siú góa ê ji̍t-chí. | 註釋 串珠 原文 典藏 |
29:3 | Hit sî, I ê teng chiò tī góa ê thâu-khak, góa khò I ê kng kiâⁿ-kòe o͘-àm. | 註釋 串珠 字典 原文 典藏 |
29:4 | Chhin-chhiūⁿ góa tī chhiu-thiⁿ ê ji̍t-chí, Siōng-tè tī góa ê pò͘-pêⁿ kah góa chhin-bi̍t. | 註釋 串珠 原文 典藏 |
29:5 | Choân-lêng-.ê iáu koh kah góa tông-chāi, góa ê kiáⁿ-jî tī góa ê sì-kho͘-ûi. | 註釋 串珠 原文 典藏 |
29:6 | Ēng leng sé góa ê kha, chio̍h-pôaⁿ kā góa chhut iû kahná khe lâu. | 註釋 串珠 字典 原文 典藏 |
29:7 | Góa kiâⁿ kàu siâⁿ mn̂g, I tī ke-lō͘ kā góa siat chō-ūi. | 註釋 串珠 字典 原文 典藏 |
29:8 | Siàu-liân lâng khòaⁿ tio̍h góa chiū cháu-khì bih, lāu lâng mā khiā khí-.lâi. | 註釋 串珠 原文 典藏 |
29:9 | Siú-léng chiū thêng-chí i ê ōe, ēng chhiú am in ê chhùi. | 註釋 串珠 原文 典藏 |
29:10 | Kùi-cho̍k bô khui siaⁿ, chhùi-chi̍h liâm tī téng-hâm. | 註釋 串珠 原文 典藏 |
29:11 | In-ūi hīⁿ-khang thiaⁿ tio̍h ê, chiū chheng góa chò ū hok-khì; ba̍k-chiu khòaⁿ tio̍h ê, chiū kā góa chò kiàn-chèng. | 註釋 串珠 原文 典藏 |
29:12 | In-ūi góa chín-kiù ai-kiû ê kan-khó͘ lâng kah bô lâng pang-chān ê ko͘-jî. | 註釋 串珠 原文 典藏 |
29:13 | Teh beh sí ê lâng kā góa chiok-hok, góa mā hō͘ kóaⁿ-hū ê sim hoaⁿ-hí lâi chhiùⁿ koa. | 註釋 串珠 原文 典藏 |
29:14 | Góa chhēng kong-gī, i mā ēng góa chò saⁿ chhēng, koh ēng kong-pêⁿ chò phâu, chò bō. | 註釋 串珠 字典 原文 典藏 |
29:15 | Góa chò chheⁿmê lâng ê ba̍k-chiu, chò pái-kha lâng ê kha. | 註釋 串珠 原文 典藏 |
29:16 | Góa chò sànchhiah lâng ê pē, góa cha-chhat pêng-siông sî m̄ bat ê lâng ê àn-kiāⁿ. | 註釋 串珠 原文 典藏 |
29:17 | Góa phah-tn̄g pháiⁿ lâng ê gê-chô, chhiúⁿ i ê chhùi-khí só͘ kā ê mi̍h. | 註釋 串珠 原文 典藏 |
29:18 | Góa chiū kóng: Góa beh sí tī góa ê siū, góa ê ji̍t-chí ē ke-thiⁿ chhin-chhiūⁿ soa hiah chē. | 註釋 串珠 原文 典藏 |
29:19 | Góa ê kin chhun-kàu chúi piⁿ, lō͘-chúi kui mê lo̍h tī góa ê ki. | 註釋 串珠 原文 典藏 |
29:20 | Góa ê êng-kng tī góa tiāⁿtiāⁿ sin, góa ê kiong tī góa ê chhiú koh-chài ân. | 註釋 串珠 字典 原文 典藏 |
29:21 | Lâng thiaⁿ tio̍h góa chiū thèng-hāu, tiām-tiām teh tán góa chí-kàu. | 註釋 串珠 原文 典藏 |
29:22 | Góa kóng liáu, in chiū bô koh kóng; góa ê ōe chhin-chhiūⁿ hō͘ tih tī in ê téng-bīn. | 註釋 串珠 原文 典藏 |
29:23 | In thèng-hāu góa chhin-chhiūⁿ teh thèng-hāu hō͘-chúi, tōa khui in ê chhùi chhin-chhiūⁿ teh him-bō͘ chhun-thiⁿ ê hō͘. | 註釋 串珠 原文 典藏 |
29:24 | In sit-bōng, góa kā in an-ùi; in bē tàng kái-piàn góa ê bīn ê kng. | 註釋 串珠 原文 典藏 |
29:25 | Góa kā in kéng lō͘, góa chē thâu ūi; góa chhin-chhiūⁿ ông tòa tī kun-tūi tiong, koh ná chhin-chhiūⁿ teh an-ùi siong-sim ê lâng. | 註釋 串珠 字典 原文 典藏 |