章節 | 全民台語聖經全羅經文 | 註釋 |
27:1 | Io-buh koh sòa-chiap thê-khí i ê giân-lūn kóng: | 註釋 串珠 原文 典藏 |
27:2 | Siōng-tè pak toa̍t góa ê lí-iû, Choân-lêng-.ê khó͘-to̍k góa ê sim-sîn; góa kí I éng-oán ê oa̍h-miā lâi kóng; | 註釋 串珠 原文 典藏 |
27:3 | In-ūi góa ê oa̍h-miā iáu koh oân-choân tī góa ê lāi-bīn, Siōng-tè ê khùi iáu koh tī góa ê phīⁿ-khang lāi; | 註釋 串珠 原文 典藏 |
27:4 | Góa ê chhùi-tûn choa̍t-tùi bô kóng put-gī, góa ê chi̍h mā bô kóng kúi-chà. | 註釋 串珠 原文 典藏 |
27:5 | Góa choa̍t-tùi bô chheng lín chò gī, góa kàu sí mā m̄-sǹg góa chò bô oân-choân. | 註釋 串珠 原文 典藏 |
27:6 | Góa chip-siú góa ê gī, bô beh pàng-sak, góa ê sim chi̍t-sì-lâng bô chek-pī góa. | 註釋 串珠 原文 典藏 |
27:7 | Goān góa ê tùi-te̍k chhin-chhiūⁿ pháiⁿ lâng, goān hit-ê khí-lâi kong-kek góa ê lâng chhin-chhiūⁿ put-gī ê lâng. | 註釋 串珠 原文 典藏 |
27:8 | Bô kèng-khiân ê lâng sûi-jiân chhiúⁿ tio̍h châi-lī, Siōng-tè chhú i ê oa̍h-miā ê sî, iáu ū siáⁿ-mi̍h ǹg-bāng? | 註釋 串珠 原文 典藏 |
27:9 | Hoān-lān lîm-kàu i ê sî, Siōng-tè kám ē thiaⁿ i ê kiû-kiò? | 註釋 串珠 原文 典藏 |
27:10 | I kám ē ēng Choân-lêng-.ê chò hoaⁿ-hí? I kám ū sî-siông kiû-kiò Siōng-tè? | 註釋 串珠 原文 典藏 |
27:11 | Siōng-tè só͘ chò ê góa beh kà-sī lí, Choân-lêng-.ê só͘-ū ê góa mā bô ún-môa. | 註釋 串珠 原文 典藏 |
27:12 | Lí khòaⁿ, lín pún-sin lóng ū khòaⁿ-.tio̍h, ná ē choân-pō͘ lóng sī hi-ké? | 註釋 串珠 原文 典藏 |
27:13 | Pháiⁿ lâng tùi Siōng-chú só͘ siū ê hūn-gia̍h, kiông-pō ê lâng tùi Choân-lêng-.ê só͘ tit tio̍h ê sán-gia̍p to̍h-sī chit-ê. | 註釋 串珠 原文 典藏 |
27:14 | I ê kiáⁿ-jî nā ke-thiⁿ chin chē, sī beh hō͘ to thâi-sí; i ê kiáⁿ-sun bô thang chia̍h kàu-gia̍h. | 註釋 串珠 字典 原文 典藏 |
27:15 | I só͘ chhun lo̍h-.lâi ê lâng ē tú tio̍h un-e̍k lâi bâi-chòng, liân i ê kóaⁿ-hū mā bô ūi tio̍h in lâi thî-khàu. | 註釋 串珠 原文 典藏 |
27:16 | I sûi-jiân chek-chū gîn chhin-chhiūⁿ tîn-ai hiah chē, koh chún-pī saⁿ-khò͘ chhin-chhiūⁿ thô͘; | 註釋 串珠 字典 原文 典藏 |
27:17 | I chò i chún-pī, chóng-.sī, gī lâng ē the̍h-lâi chhēng, bô chōe ê lâng ē pun i ê gîn. | 註釋 串珠 字典 原文 典藏 |
27:18 | I chhin-chhiūⁿ chiù-thâng khí chhù, koh chhin-chhiūⁿ chiú-keⁿ ê lâng tah i ê liâu-á. | 註釋 串珠 字典 原文 典藏 |
27:19 | I hó-gia̍h tó-.leh, chóng-.sī, bô tit tio̍h bâi-chòng; i thí-khui ba̍k-chiu chiū sí-.khì. | 註釋 串珠 原文 典藏 |
27:20 | Kiaⁿ-hiâⁿ ē chhin-chhiūⁿ tōa-chúi jiok tio̍h i; àm-sî ê tōa hong ē kā i sàu-.khì. | 註釋 串珠 原文 典藏 |
27:21 | Tang-hong chi̍t-ē chhoe tio̍h i, i chiū khì; koh kóaⁿ i lī-khui pún só͘-chāi. | 註釋 串珠 原文 典藏 |
27:22 | In-ūi Siōng-tè siā tio̍h i mā bô liōng-chêng; i khó͘ bē tàng thoat-lī I ê chhiú. | 註釋 串珠 原文 典藏 |
27:23 | Lâng ē tùi i phah pho̍k-á, mā ē chhiàng-siaⁿ kā i kóaⁿ lī-khui pún só͘-chāi. | 註釋 串珠 原文 典藏 |