章節 | 全民台語聖經全羅經文 | 註釋 |
22:1 | Tē-saⁿ pái Tùi-ōeThê-man lâng E-lī-hoat ìn kóng: | 註釋 串珠 原文 典藏 |
22:2 | Lâng tùi Siōng-tè kám ū lī-ek? Tì-hūi ê lâng si̍t-chāi sī lī-ek kakī. | 註釋 串珠 原文 典藏 |
22:3 | Lí chò lâng kong-gī, kám ē hō͘ Choân-lêng-.ê hoaⁿ-hí? Lí só͘ kiâⁿ oân-siān, kám ē hō͘ I tit tio̍h lī-ek? | 註釋 串珠 字典 原文 典藏 |
22:4 | Kám sī in-ūi lí kèng-ùi Siōng-tè, I lâi kā lí chek-pī, kā lí sím-phòaⁿ? | 註釋 串珠 原文 典藏 |
22:5 | Lí ê chōe-ok kám m̄-sī chin tōa? Lí ê chōe-kò si̍t-chāi bû kiông-chīn. | 註釋 串珠 原文 典藏 |
22:6 | Lí bô-iân bô-kò͘ kā hiaⁿ-tī the̍h tí-ah-phín; koh thǹg bô thang chhēng ê lâng ê saⁿ. | 註釋 串珠 字典 原文 典藏 |
22:7 | Ià-siān ê lâng lí bô ēng chúi hō͘ in lim, iau gō ê lâng lí tùi in siu-chông chia̍h-mi̍h. | 註釋 串珠 字典 原文 典藏 |
22:8 | Ū lêng-le̍k ê lâng tit tio̍h thó͘-tē; thé-biān ê lâng tiàm tī hit tiong-kan. | 註釋 串珠 原文 典藏 |
22:9 | Lí hō͘ kóaⁿ-hū khang-chhiú tńg-.khì, ko͘-jî ê chhiú-kut siū at-tn̄g. | 註釋 串珠 原文 典藏 |
22:10 | Só͘-í, oa̍h-tauh sì-bīn ûi lí; kiaⁿ-hiâⁿ hut-jiân lîm-kàu, kiáu-jiáu lí, | 註釋 串珠 字典 原文 典藏 |
22:11 | Á-sī o͘-àm hō͘ lí bô thang khòaⁿ-.tio̍h, chin chē chúi kā lí im-ba̍t. | 註釋 串珠 原文 典藏 |
22:12 | Siōng-tè kám m̄-sī tī thiⁿ ê koân? Tio̍h khòaⁿ chheⁿ-sîn ê ke̍k-thâu ná ē hiah- koân! | 註釋 串珠 原文 典藏 |
22:13 | Lí chiū kóng: " Siōng-tè chai siáⁿ-mi̍h? I kám ē khòaⁿ thàu o͘-àm lâi sím-phòaⁿ? | 註釋 串珠 原文 典藏 |
22:14 | Ba̍t hûn kā I jia-khàm, hō͘ I khòaⁿ bē tio̍h; I kiâⁿ tī kiong-chhong ê téng-bīn." | 註釋 串珠 原文 典藏 |
22:15 | Lí kám ài chun-thàn kó͘-chá lâng ê lō͘, to̍h-sī pháiⁿ lâng só͘ kiâⁿ ê lō͘? | 註釋 串珠 字典 原文 典藏 |
22:16 | In sī sî iáu-bōe kàu to̍h siū siau-bia̍t, in ê tē-ki hō͘ tōa-chúi lâu-.khì. | 註釋 串珠 原文 典藏 |
22:17 | In tùi Siōng-tè kóng, tio̍h lī-khui goán; koh kóng, Choân-lêng-.ê ē kā goán chò siáⁿ-mi̍h? | 註釋 串珠 原文 典藏 |
22:18 | Chóng-.sī, Siōng-tè kā hó mi̍h chhiong-móa i ê chhù; goān pháiⁿ lâng ê kè-bô͘ lī-khui góa hn̄g-hn̄g. | 註釋 串珠 原文 典藏 |
22:19 | Gī lâng ē khòaⁿ tio̍h lâi hoaⁿ-hí; bô chōe ê lâng ē kā in thí-chhiò; | 註釋 串珠 原文 典藏 |
22:20 | kóng, Hiahê khí-lâi kong-kek goán ê lâng kó-jiân siū chián-tû; in só͘ chhun lo̍h-.lâi ê mi̍h-kiāⁿ lóng hō͘ hóe sio-.khì. | 註釋 串珠 原文 典藏 |
22:21 | Taⁿ lí tio̍h kah Siōng-tè chhin-bi̍t, chiū ē tit tio̍h pêng-an; ánne, hok-khì ē lîm-kàu lí. | 註釋 串珠 原文 典藏 |
22:22 | Taⁿ lí tio̍h sêng-siū I chhùi lāi ê kà-sī; kā I ê ōe khǹg tī lí ê sim-lāi. | 註釋 串珠 原文 典藏 |
22:23 | Lí nā kui-ǹg Choân-lêng-.ê, tùi lí ê pò͘-pêⁿ lāi tû-khì put-gī, lí chiū ē tit tio̍h heng-khí. | 註釋 串珠 原文 典藏 |
22:24 | Lí tio̍h kā pó-pòe hiat tī tîn-ai-.ni̍h, hiat O-hui ê kim tī khe-hô chio̍h-thâu ê tiong-kan; | 註釋 串珠 原文 典藏 |
22:25 | Choân-lêng-.ê chiū ē chò lí ê pó-pòe, chò lí ê bûn-gîn. | 註釋 串珠 字典 原文 典藏 |
22:26 | Lí chiū ē lia̍h Choân-lêng-.ê chò hoaⁿ-hí, bīn gia̍h koân ǹg Siōng-tè. | 註釋 串珠 原文 典藏 |
22:27 | Lí tùi I kî-tó, I chiū thiaⁿ lí, lí mā beh siā lí ê goān. | 註釋 串珠 原文 典藏 |
22:28 | Lí tiāⁿ tio̍h beh chò siáⁿ-mi̍h, hit-ê tāichì it-tēng chiâⁿ; kng mā ē chiò lí ê lō͘. | 註釋 串珠 字典 原文 典藏 |
22:29 | In kàng kē ê sî, lí iû-goân thang kóng: seng koân; khiam-pi ê lâng Siōng-tè ē chín-kiù i. | 註釋 串珠 原文 典藏 |
22:30 | Liân ū chōe ê lâng Siōng-tè mā ē kiù i; in-ūi lí ê chhiú chheng-khì, i chiū ē tit-kiù. | 註釋 串珠 原文 典藏 |