章節 | 全民台語聖經全羅經文 | 註釋 |
21:1 | Io-buh ìn kóng,: | 註釋 串珠 原文 典藏 |
21:2 | Lín tio̍h tì-ì thiaⁿ góa ê ōe, ēng chit-ê chò lín ê an-ùi. | 註釋 串珠 原文 典藏 |
21:3 | Chhiáⁿ khoan-iông góa, góa beh koh kóng, góa kóng liáu, chhut-chāi lí khau-sé. | 註釋 串珠 原文 典藏 |
21:4 | Kóng tio̍h góa, góa kám sī tùi lâng ai-oàn? Góa ê sim-sîn án-chóaⁿ bô tio̍h-kip? | 註釋 串珠 原文 典藏 |
21:5 | Lín tio̍h khòaⁿ góa lâi tio̍h-kiaⁿ kah gāng-.khì, ēng chhiú am chhùi. | 註釋 串珠 原文 典藏 |
21:6 | Góa nā siūⁿ tio̍h chiū kiaⁿ, kui seng-khu phi̍h-phi̍h chhoah. | 註釋 串珠 原文 典藏 |
21:7 | Pháiⁿ lâng ná ē oa̍h-.leh, chia̍h tn̂g hòe-siū, sè-le̍k kiông-sēng? | 註釋 串珠 原文 典藏 |
21:8 | In khòaⁿ tio̍h kiáⁿ-sun kah in pêⁿ-pêⁿ sêng-tióng; in ê kiáⁿ-sun tī in ê ba̍k-chiu chêng mā sī ánne. | 註釋 串珠 原文 典藏 |
21:9 | In ê ka-koàn an-jiân bô kiaⁿ; Siōng-tè ê koái-á mā bô kā in phah. | 註釋 串珠 字典 原文 典藏 |
21:10 | In ê gû-káng put-toān seⁿ-thòaⁿ, in ê gû-bó seⁿ kiáⁿ mā bô làu-the. | 註釋 串珠 字典 原文 典藏 |
21:11 | In chhe gín'á chhut-khì chhin-chhiūⁿ iûⁿ-kûn, in ê kiáⁿ-jî sì-kè tiô-thiàu. | 註釋 串珠 字典 原文 典藏 |
21:12 | In tòe lin-long-kó͘ kah khîm lâi chhiùⁿ koa, koh in-ūi phín-siau ê siaⁿ lâi hoaⁿ-hí. | 註釋 串珠 字典 原文 典藏 |
21:13 | In hó kòe ji̍t-chí, sū-sū heng-thong; chi̍t-ba̍k-nih kú lo̍h im-kan. | 註釋 串珠 原文 典藏 |
21:14 | In tùi Siōng-tè kóng: Lí tio̍h lī-khui goán, goán bô ài bat Lí ê lō͘. | 註釋 串珠 字典 原文 典藏 |
21:15 | Choân-lêng-.ê sī siáⁿ lâng, hō͘ goán tio̍h ho̍k-sāi I? Goán tùi I kî-kiû, ū siáⁿ-mi̍h lī-ek? | 註釋 串珠 原文 典藏 |
21:16 | Lí khòaⁿ, in ê hok-khì m̄-sī tī in ê chhiú; goān pháiⁿ lâng ê kè-bô͘ lī-khui góa hn̄g-hn̄g. | 註釋 串珠 原文 典藏 |
21:17 | Pháiⁿ lâng ê teng ē hoa, chai-hō ē kàu tī in; Siōng-tè ê siū-khì hō͘ in tú tio̍h kan-khó͘, ū gōa chē pái? | 註釋 串珠 字典 原文 典藏 |
21:18 | In chhin-chhiūⁿ hong chêng ê chháu-á-iù, chhin-chhiūⁿ kông hong chhoe-.khì ê chho͘-khng ū gōa chē pái? | 註釋 串珠 原文 典藏 |
21:19 | Lín kóng: Siōng-tè kā i ê chōe-ok chek-chū tī i ê kiáⁿ; góa kóng: M̄ ta̍t tio̍h pò-èng i pún-sin hō͘ i kakī chai. | 註釋 串珠 原文 典藏 |
21:20 | Hō͘ i chhin-ba̍k khòaⁿ tio̍h kakī pāi-hoāi, pún-sin lim Choân-lêng-.ê ê siū-khì. | 註釋 串珠 原文 典藏 |
21:21 | I ê nî-ji̍t pòaⁿ tiong-tô͘ choa̍t-tn̄g, kòe-sin-.khì, i tī i ê chhù ū siáⁿ-mi̍h khoài-lo̍k? | 註釋 串珠 原文 典藏 |
21:22 | Siōng-tè sím-phòaⁿ hiahê tī koân ūi ê lâng, siáⁿ lâng ē kā tì-sek kà-sī i? | 註釋 串珠 原文 典藏 |
21:23 | Ū lâng kàu sí iáu khùi-la̍t chê-pī, chhiong-móa tit tio̍h pêng-chēng an-jiân. | 註釋 串珠 原文 典藏 |
21:24 | I ê heng-khám chin pûi, i ê kut-chhóe chu-jūn. | 註釋 串珠 原文 典藏 |
21:25 | Ū lâng chi̍t-sì-lâng sim thòng-khó͘, lóng m̄ bat tam tio̍h hok-khì. | 註釋 串珠 原文 典藏 |
21:26 | In lóng sio-siâng tó tī thô͘-.ni̍h, hō͘ thâng khàm ba̍t. | 註釋 串珠 字典 原文 典藏 |
21:27 | Lí khòaⁿ, góa chai lín ê ì-sù kah lín oan-óng góa ê kè-bô͘. | 註釋 串珠 原文 典藏 |
21:28 | In-ūi lín kóng: Pà-ông ê chhù tī tó-ūi? Pháiⁿ lâng pêng-sî tòa ê chhù tī tó-ūi? | 註釋 串珠 原文 典藏 |
21:29 | Lín kám bô mn̄g kòe lō͘ ê lâng? Kám bē jīn-tit in ê chèng-kì? | 註釋 串珠 字典 原文 典藏 |
21:30 | Chiū-sī pháiⁿ lâng tī chai-hō ê ji̍t tit tio̍h lâu-.leh, tī siū-khì ê ji̍t tit tio̍h thoat-lī. | 註釋 串珠 原文 典藏 |
21:31 | I só͘ kiâⁿ ê, siáⁿ lâng tng-bīn kóng-khí? I só͘ chò ê, siáⁿ lâng kā i pò-èng? | 註釋 串珠 字典 原文 典藏 |
21:32 | Chóng-.sī, i ē hō͘ lâng kng kàu bōng-á-po͘, koh ū lâng tī i ê bōng kò͘-siú. | 註釋 串珠 字典 原文 典藏 |
21:33 | Soaⁿ-kok ê thô͘-oân i lia̍h-chò tiⁿ; ē ū kûn-chiòng tòe tī i ê āu-bīn, chhin-chhiūⁿ tī i tāi-seng ê sǹg bē liáu. | 註釋 串珠 原文 典藏 |
21:34 | Lín só͘ ìn-tap ê ōe kóng si̍t-chāi lóng sī ké, lín ná ē khang-khang an-ùi góa? | 註釋 串珠 原文 典藏 |