章節 | 全民台語聖經全羅經文 | 註釋 |
17:1 | Góa ê khùi choa̍t à, góa ê ji̍t-chí kàu chīn-pōng ā; góa ê hûn-bōng chún-pī piān-piān ā. | 註釋 串珠 字典 原文 典藏 |
17:2 | Si̍t-chāi ū khau-sé góa ê lâng tī góa ê sì-kho͘-ûi; góa ê ba̍k-chiu tiāⁿtiāⁿ khòaⁿ tio̍h in chhì-kek góa ê tāichì. | 註釋 串珠 原文 典藏 |
17:3 | Goān Lí hō͘ góa chún-tǹg, chhin-chū kā góa chò pó, ū siáⁿ lâng khéng kah góa tah chhiú li̍p-iok? | 註釋 串珠 原文 典藏 |
17:4 | In-ūi Lí jia-khàm in ê sim, hō͘ in bô bêng-lí, só͘-í, Lí bô beh hō͘ in seng koân. | 註釋 串珠 原文 典藏 |
17:5 | Lâng nā kā i ê pêng-iú kau khì hō͘ lâng chhiúⁿ-toa̍t, i ê kiáⁿ ê ba̍k-chiu ē sit-bêng. | 註釋 串珠 原文 典藏 |
17:6 | Góa chiâⁿ-chò chèng lâng ê chhiàu-tâm; góa hō͘ lâng phùi nōa tī bīn-.ni̍h. | 註釋 串珠 原文 典藏 |
17:7 | Góa ê ba̍k-chiu in-ūi iu-būn lâi ba̍k-hîn, góa ê pah-thé lóng chhin-chhiūⁿ iáⁿ. | 註釋 串珠 原文 典藏 |
17:8 | In-ūi ánne, chèng-ti̍t ê lâng ē tio̍h-kiaⁿ kah gāng-.khì, bô chōe ê lâng ē kek-lē kakī lâi kong-kek bô kèng-khiân ê lâng. | 註釋 串珠 原文 典藏 |
17:9 | Gī lâng mā ē kian-siú i só͘ kiâⁿ ê lō͘, chhiú chheng-khì ê lâng ē ná ke-thiⁿ i ê khùi-la̍t. | 註釋 串珠 字典 原文 典藏 |
17:10 | Chóng-.sī, lín chèng lâng chhiáⁿ lín koh lâi, in-ūi lín tiong-kan góa chhōe bô chi̍t-ê tì-hūi ê lâng. | 註釋 串珠 原文 典藏 |
17:11 | Góa ê ji̍t-chí í-keng kòe oân, góa ê kè-ōe kah góa ê sim-su lóng í-keng toān-choa̍t. | 註釋 串珠 原文 典藏 |
17:12 | In lia̍h mê chò ji̍t, kóng, kng teh chiap-kīn o͘-àm. | 註釋 串珠 原文 典藏 |
17:13 | Góa nā ǹg-bāng im-kan chò góa ê chhù, góa nā pho͘ bîn-chhn̂g tī o͘-àm tiong; | 註釋 串珠 字典 原文 典藏 |
17:14 | góa nā tùi hiú-nōa kóng: Lí sī góa ê lāu-pē; tùi thâng kóng: Lí sī góa ê lāu-bú, góa ê chí-mōe. | 註釋 串珠 字典 原文 典藏 |
17:15 | Án-ne, góa ê ǹg-bāng tī tó-ūi? Góa ê ǹg-bāng siáⁿ lâng khòaⁿ ē tio̍h? | 註釋 串珠 原文 典藏 |
17:16 | Kàu chò chi̍t-ē an-hioh tī thô͘-.ni̍h ê sî, che ǹg-bāng ē lo̍h kàu im-kan ê mn̂g-chhòaⁿ hia. | 註釋 串珠 原文 典藏 |