章節 | 全民台語聖經全羅經文 | 註釋 |
16:1 | Io-buh ìn kóng: | 註釋 串珠 原文 典藏 |
16:2 | Chit khoán ê ōe, góa ū thiaⁿ-kòe chin chē à; lín ê an-ùi lóng sī hō͘ lâng tian-tò kan-khó͘. | 註釋 串珠 原文 典藏 |
16:3 | Chit khoán hàm-kó͘ ê ōe, kám ū kiông-chīn? Ū siáⁿ-mi̍h thang kek-tōng lí lâi ìn? | 註釋 串珠 原文 典藏 |
16:4 | Góa mā ē-hiáu kóng chhin-chhiūⁿ lín chit khoán ê ōe; lín nā tiàm tī góa ê kéng-gū, góa mā ē tàu kui kōaⁿ ê ōe lâi kā lín kong-kek; koh ē tùi lín iô góa ê thâu. | 註釋 串珠 原文 典藏 |
16:5 | Chóng-.sī, góa ē ēng chhùi hō͘ lín kian-kò͘; ēng chhùi-tûn ê an-ùi hō͘ lín kiám khin thòng-khó͘. | 註釋 串珠 原文 典藏 |
16:6 | Góa nā kóng ōe, góa ê iu-būn iû-goân bô kiám khin; góa nā tiām-tiām, iu-būn kám chiū ē lī-khui góa? | 註釋 串珠 原文 典藏 |
16:7 | Chóng-.sī, taⁿ Siōng-tè hō͘ góa khùn-khó͘, koh hō͘ góa ê tâng-phōaⁿ lī-khui góa. | 註釋 串珠 原文 典藏 |
16:8 | Lí ū lia̍h tio̍h góa, sī thang chò kiàn-chèng; góa ê siau-sán khí-lâi kong-kek góa, tam góa ê bīn-chêng chò kiàn-chèng. | 註釋 串珠 原文 典藏 |
16:9 | Siōng-tè siū-khì, thiah-li̍h góa, pek-hāi góa, I tùi góa kā khí; góa ê tùi-te̍k ba̍k-chiu kim-kim teh kā góa gîn. | 註釋 串珠 原文 典藏 |
16:10 | In tùi góa khui in ê chhùi, siàn góa ê chhùi-phóe lâi lêng-jio̍k góa; in chū-chi̍p lâi kong-kek góa. | 註釋 串珠 原文 典藏 |
16:11 | Siōng-tè kā góa kau hō͘ put-gī ê lâng, kā góa hiat tī pháiⁿ lâng ê chhiú. | 註釋 串珠 原文 典藏 |
16:12 | Góa an-jiân ê sî, I kā góa at-tn̄g, lia̍p góa ê ām-kún, kā góa siak kah chhùi-chhùi; koh chhāi góa chò I ê chìⁿ-pà. | 註釋 串珠 原文 典藏 |
16:13 | I ê chìⁿ sì-bīn ûi góa, phòa-li̍h góa ê pak-lāi, mā bô khoan-iông, kā góa ê táⁿ piàⁿ tī tē-.ni̍h. | 註釋 串珠 字典 原文 典藏 |
16:14 | I phah góa, phah liáu koh phah; chhin-chhiūⁿ ióng-sū cháu-lâi kong-kek góa. | 註釋 串珠 原文 典藏 |
16:15 | Góa tī góa ê phôe-hu thīⁿ môa-pò͘, kā góa ê kak tàm lo̍h thô͘. | 註釋 串珠 字典 原文 典藏 |
16:16 | Góa ê bīn in-ūi lâu ba̍k-sái chiū piàn âng; tī góa ê ba̍k-chiu phôe ū sí ê ìm-ńg. | 註釋 串珠 原文 典藏 |
16:17 | Chóng-.sī, góa ê chhiú bô pō-gio̍k; góa ê kî-tó mā sī chheng-khì. | 註釋 串珠 原文 典藏 |
16:18 | Tē ah, m̄ thang jia-khàm góa ê hoeh; goān góa ê tōa-siaⁿ hoah bô thêng-hioh ê só͘-chāi. | 註釋 串珠 原文 典藏 |
16:19 | Lí khòaⁿ, taⁿ góa ê kiàn-chèng tī thiⁿ-.ni̍h, góa pó-jīn ê lâng tī téng-bīn. | 註釋 串珠 原文 典藏 |
16:20 | Góa ê pêng-iú khau-sé góa, chóng-.sī, góa ê ba̍k-chiu ǹg Siōng-tè lâu ba̍k-sái. | 註釋 串珠 原文 典藏 |
16:21 | Goān i ǹg Siōng-tè lâi thè lâng piān-bêng, mā thè lâng ê kiáⁿ tī i ê chhù-piⁿ piān-bêng. | 註釋 串珠 原文 典藏 |
16:22 | In-ūi koh kòe kúi nî, góa beh khì kiâⁿ hit tiâu khì bô koh tò tńg-.lâi ê lō͘. | 註釋 串珠 字典 原文 典藏 |