章節 | 全民台語聖經全羅經文 | 註釋 |
15:1 | Tē-jī pái Tùi-ōeThê-man lâng E-lī-hoat ìn kóng: | 註釋 串珠 原文 典藏 |
15:2 | Tì-hūi ê lâng kám ē ēng khang-hi ê tì-sek lâi ìn, á-.sī ēng tang-hong lâi chhiong-móa i ê pak-tó͘? | 註釋 串珠 原文 典藏 |
15:3 | I kám ē ēng bô lī-ek ê ōe kah bô lō͘-ēng ê ōe lâi piān-lūn? | 註釋 串珠 原文 典藏 |
15:4 | Lí si̍t-chāi hùi-tû kèng-ùi Siōng-tè, tī Siōng-tè ê bīn-chêng chó͘-tòng kèng-khiân ê sim. | 註釋 串珠 原文 典藏 |
15:5 | In-ūi lí ê chōe-kò kà-sī lí ê chhùi, lí kéng kúi-chà ê lâng ê chi̍h. | 註釋 串珠 原文 典藏 |
15:6 | Tēng lí ê chōe ê sī lí ê chhùi, m̄-sī góa; lí ê chhùi-tûn kiàn-chèng lí ê m̄ tio̍h. | 註釋 串珠 原文 典藏 |
15:7 | Lí kám sī thâu chi̍t-ê chhut-sì ê lâng? Á-sī pí chiahê soaⁿ khah tāi-seng siū chō? | 註釋 串珠 原文 典藏 |
15:8 | Siōng-tè pì-bi̍t ê chí-ì, lí kám bat thiaⁿ-.tio̍h? Tì-hūi kám sī lí chi̍t lâng to̍k tit? | 註釋 串珠 原文 典藏 |
15:9 | Ū siáⁿ-mi̍h lí chai, goán m̄-chai? Á-sī lí bêng-pe̍k, goán bô bêng-pe̍k? | 註釋 串珠 原文 典藏 |
15:10 | Goán tiong-kan ū thâu-mn̂g pe̍h ê kah nî lāu ê, pí lí ê lāu-pē koh khah lāu. | 註釋 串珠 原文 典藏 |
15:11 | Siōng-tè ê an-ùi kah I un-hô khǹg lí ê ōe, lí kám khòaⁿ-chò sī sió-khóa? | 註釋 串珠 原文 典藏 |
15:12 | Lí ê sim ná ē kā lí lia̍h-.khì? Lí ê ba̍k-chiu án-chóaⁿ teh gîn? | 註釋 串珠 原文 典藏 |
15:13 | Chiah hō͘ lí ê sim-sîn hoán-tùi Siōng-tè, mā hō͘ lí ê chhùi kóng hiahê ōe. | 註釋 串珠 原文 典藏 |
15:14 | Sè-kan lâng sī siáⁿ-mi̍h, kám ē sǹg-chò sī chheng-khì? Cha-bó͘ lâng só͘ seⁿ ê sī siáⁿ-mi̍h, kám ē sǹg-chò sī kong-gī? | 註釋 串珠 原文 典藏 |
15:15 | Lí khòaⁿ, Siōng-tè bô sìn-jīm I hun-pia̍t chò sèng ê lâng; chiahê thiⁿ tī I bīn-chêng mā bô chheng-khì. | 註釋 串珠 原文 典藏 |
15:16 | Hô-hòng khó-ò͘ⁿ hú-pāi ê lâng, lim chōe-ok kám ná chhin-chhiūⁿ teh lim chúi? | 註釋 串珠 原文 典藏 |
15:17 | Góa beh chí-sī lí, lí tio̍h thiaⁿ góa; góa beh kóng-khí góa só͘ khòaⁿ-.tio̍h ê. | 註釋 串珠 原文 典藏 |
15:18 | Chiū-sī tì-hūi ê lâng tùi chó͘-sian só͘ thoân lo̍h-.lâi, mā bô ún-ba̍t ê. | 註釋 串珠 原文 典藏 |
15:19 | (Chit-ê tē to̍k-to̍k siúⁿ-sù hō͘ in, mā bô gōa-lâng tùi in tiong-kan keng-kòe. ) | 註釋 串珠 原文 典藏 |
15:20 | Pháiⁿ lâng it-seng ê ji̍t-chí sī thòng-khó͘, to̍h-sī ūi kiông-pō ê lâng só͘ tiāⁿ tio̍h ê nî-sò͘. | 註釋 串珠 原文 典藏 |
15:21 | Thang kiaⁿ ê siaⁿ tiāⁿtiāⁿ tī i ê hīⁿ-khang; tī pêng-an ê sî, húi-bia̍t ê tāichì ē kàu i hia. | 註釋 串珠 原文 典藏 |
15:22 | I m̄-sìn ē tùi o͘-àm tńg-.lâi; i hō͘ to-kiàm teh thèng-hāu i. | 註釋 串珠 字典 原文 典藏 |
15:23 | I sì-kè liû-lōng thó-chia̍h, kóng, Tó ūi ū thang chia̍h? I chai ū o͘-àm ê ji̍t-chí piān-piān teh thèng-hāu i. | 註釋 串珠 字典 原文 典藏 |
15:24 | Hoān-lān khùn-khó͘ hō͘ i kiaⁿ-hiâⁿ, koh iâⁿ-kòe i; chhin-chhiūⁿ kun-ông chún-pī chhut-tīn. | 註釋 串珠 原文 典藏 |
15:25 | In-ūi i chhun chhiú kong-kek Siōng-tè, ēng kiau-ngō͘ kī-choa̍t Choân-lêng-.ê. | 註釋 串珠 原文 典藏 |
15:26 | I ēng ngē ê ām-kún kah kāu ê tîn-pâi, cháu-lâi tí-te̍k Choân-lêng-.ê. | 註釋 串珠 字典 原文 典藏 |
15:27 | In-ūi i ê bīn chin pûi, i ê io pûi kah ū iû-lâ. | 註釋 串珠 原文 典藏 |
15:28 | I tòa tī hong-hùi ê siâⁿ, bô lâng tòa ê chhù, to̍h-sī teh beh piàn-chò thô͘-tui ê só͘-chāi. | 註釋 串珠 字典 原文 典藏 |
15:29 | I bē tàng hó-gia̍h, i ê châi-bu̍t bē kú-tn̂g chûn-chāi; in ê lông-sán-bu̍t mā bē seⁿ-thòaⁿ tī tē-.ni̍h. | 註釋 串珠 原文 典藏 |
15:30 | I bē thoat-lī o͘-àm; hóe-iām ē kā i ê ki sio-ta; i ē tùi Siōng-chú chhùi lāi ê khùi lâi sí-.khì. | 註釋 串珠 原文 典藏 |
15:31 | I m̄ thang óa-khò hi-ké lâi khi-phiàn kakī, in-ūi hi-ké ē chiâⁿ-chò i ê pò-èng. | 註釋 串珠 原文 典藏 |
15:32 | I ê ji̍t-kî bōe kàu ê chìn-chêng, chit-ê tāichì ē chiâⁿ; i ê ki bē chheⁿ-chhùi. | 註釋 串珠 字典 原文 典藏 |
15:33 | I ē chhin-chhiūⁿ phû-tô chhiū, i ê lia̍p iáu-bōe se̍k chiū lak lo̍h-.lâi, koh chhin-chhiūⁿ kaⁿ-ná chhiū lak i ê hoe. | 註釋 串珠 字典 原文 典藏 |
15:34 | Bô khiân-sêng ê lâng it-tēng bē seⁿ-thòaⁿ; o͘-se ê lâng ê pò͘-pêⁿ ē hō͘ hóe sio-.khì. | 註釋 串珠 原文 典藏 |
15:35 | In hoâi-īn chân-hāi, seⁿ-chhut chōe-gia̍t, pak-tó͘ lāi só͘ chún-pī ê lóng sī kúi-chà. | 註釋 串珠 原文 典藏 |