章節 | 全民台語聖經全羅經文 | 註釋 |
13:1 | Lí khòaⁿ, che it-chhè góa ê ba̍k-chiu lóng khòaⁿ-kòe, góa ê hīⁿ-khang lóng thiaⁿ-kòe, mā bêng-pe̍k. | 註釋 串珠 原文 典藏 |
13:2 | Lín só͘ chai ê, góa mā chai; góa bô pí lín khah su. | 註釋 串珠 原文 典藏 |
13:3 | Góa si̍t-chāi ài kah Choân-lêng-.ê kóng-ōe; góa chin ài kah Siōng-tè lí-lūn. | 註釋 串珠 原文 典藏 |
13:4 | Chóng-.sī, lín sī teh liap-chō pe̍h-chha̍t ōe, lóng sī bô lō͘-ēng ê i-seng. | 註釋 串珠 字典 原文 典藏 |
13:5 | Goān lín it-khài tiām-tiām, chiah sǹg sī lín ê tì-hūi. | 註釋 串珠 原文 典藏 |
13:6 | Chhiáⁿ lín thiaⁿ góa ê lí-lūn, tì-ì thiaⁿ góa chhùi ê piān-kái. | 註釋 串珠 原文 典藏 |
13:7 | Lín kám ē ūi Siōng-tè lâi kóng put-gī ê ōe? Kám ē ūi I kóng kúi-chà ê ōe? | 註釋 串珠 原文 典藏 |
13:8 | Lín kám ē phian-thán I? Beh ūi Siōng-tè piān-hō͘? | 註釋 串珠 原文 典藏 |
13:9 | I nā chhâ-chhut lín, kám ū hó tāichì? Lín kám ē phiàn I chhin-chhiūⁿ teh phiàn lâng? | 註釋 串珠 原文 典藏 |
13:10 | Lín nā thau-thau-á phian-thán, I it-tēng ē kā lín chek-pī. | 註釋 串珠 原文 典藏 |
13:11 | I ê ui-giâm kám bô hō͘ lí kiaⁿ? I ê thang kiaⁿ-ùi kám bô lîm-kàu lín? | 註釋 串珠 原文 典藏 |
13:12 | Lín só͘ kì-liām ê Chim-giân sī chhin-chhiūⁿ hóe-hu; lín ê iâⁿ-chē sī thô͘-môe ê iâⁿ-chē. | 註釋 串珠 原文 典藏 |
13:13 | Lín tiām-tiām, m̄ thang chhap góa, chhut-chāi góa kóng, chiū bô-lūn siáⁿ-mi̍h chò i lâi. | 註釋 串珠 原文 典藏 |
13:14 | Góa ná ē kā góa ê bah kā tī góa ê chhùi-khí, kā góa ê sèⁿ-miā hē tī góa ê chhiú? | 註釋 串珠 原文 典藏 |
13:15 | Lí khòaⁿ, I beh thâi-sí góa, góa bô thang ǹg-bāng, chóng-.sī, góa beh tī I ê bīn-chêng piáu-bêng góa ê só͘ chò. | 註釋 串珠 字典 原文 典藏 |
13:16 | Che ē chiâⁿ-chò chín-kiù góa ê, in-ūi bô khiân-sêng ê lâng bē tit kàu I ê bīn-chêng. | 註釋 串珠 原文 典藏 |
13:17 | Lín tio̍h sè-jī thiaⁿ góa ê ōe, hō͘ góa só͘ piān-lūn ê ji̍p-khì lín ê hīⁿ-khang. | 註釋 串珠 原文 典藏 |
13:18 | Lí khòaⁿ, góa ū pâi-lia̍t góa ê àn-kiāⁿ, góa chai góa ē hông kiò-chò gī. | 註釋 串珠 原文 典藏 |
13:19 | Siáⁿ lâng ē-tàng kah góa piān-lūn? Ū, góa chiū tiām-tiām lâi tn̄g-khùi. | 註釋 串珠 原文 典藏 |
13:20 | Chóng-.sī, ū nn̄g hāng m̄-bián kiâⁿ tī góa, góa chiū bô siám-phiah lī-khui Lí ê bīn. | 註釋 串珠 原文 典藏 |
13:21 | Chiū-sī Lí ê chhiú kiu tò tńg-.khì, lī-khui góa hn̄g-hn̄g; koh bô ēng Lí ê ui-giâm hō͘ góa kiaⁿ. | 註釋 串珠 原文 典藏 |
13:22 | Lí ánne kiò, góa chiū ìn; á-.sī hō͘ góa kóng, Lí lâi ìn góa. | 註釋 串珠 原文 典藏 |
13:23 | Góa ê chōe-kò kah kòe-sit ū gōa chē? Kiû Lí hō͘ góa chai góa ê kòe-sit kah góa ê chōe-kò. | 註釋 串珠 原文 典藏 |
13:24 | Lí ná ē am Lí ê bīn, kā góa lia̍h-chò sī Lí ê tùi-te̍k? | 註釋 串珠 原文 典藏 |
13:25 | Lí kám ē iô-tāng hō͘ hong chhoe ê chhiū-hio̍h? Lí kám ē khì jiok ta-.khì ê chháu? | 註釋 串珠 原文 典藏 |
13:26 | In-ūi Lí kì-chài kan-khó͘ ê tāichì lâi pān góa; koh hō͘ góa tam-tng siàu-liân ê sî ê chōe-kò. | 註釋 串珠 原文 典藏 |
13:27 | Lí ēng kha-liâu chhiú-khàu khàu góa ê kha, tì-ì khòaⁿ góa só͘-ū ê lō͘; Lí kā góa ê kha-té ōe kài-hān. | 註釋 串珠 字典 原文 典藏 |
13:28 | Góa ē siū pāi-hoāi, chhin-chhiūⁿ chhàu-nōa ê mi̍h, chhin-chhiūⁿ tio̍h chiù-thâng ê saⁿ. | 註釋 串珠 字典 原文 典藏 |