| 章節 | 全民台語聖經全羅經文 | 註釋 |
| 12:1 | Io-buh ìn i kóng: | 註釋 串珠 原文 典藏 |
| 12:2 | Lín chin-chiàⁿ sī jîn-bîn, lín sí, tì-hūi mā kah lín chò-hóe sí. | 註釋 串珠 原文 典藏 |
| 12:3 | Góa mā ū sim-su, kah lín sio-siâng; góa bô pí lín khah su; chiahê tāichì siáⁿ lâng m̄-chai? | 註釋 串珠 原文 典藏 |
| 12:4 | Góa sī kiû-kiò Siōng-tè tit tio̍h I thiaⁿ ê lâng, iáu koh hō͘ tâng-phōaⁿ khau-sé; kong-gī oân-siān ê lâng, mā hō͘ lâng khau-sé. | 註釋 串珠 原文 典藏 |
| 12:5 | Hó kòe-ji̍t ê lâng sim-lāi khòaⁿ-khin hoān-lān, che hoān-lān sûi-sî teh thèng-hāu kha that tio̍h ê lâng. | 註釋 串珠 原文 典藏 |
| 12:6 | Kiông-tō ê pò͘-pêⁿ heng-thong, jiá tio̍h Siōng-tè ê lô͘-po̍k tit tio̍h an-jiân, to̍h-sī Siōng-tè tōa-tōa siúⁿ-sù un-tián hō͘ in. | 註釋 串珠 原文 典藏 |
| 12:7 | Taⁿ lí khì mn̄g cháu-siù, in ē kà-sī lí, mā khì mn̄g khong-tiong ê chiáu, in ē kā lí kóng; | 註釋 串珠 字典 原文 典藏 |
| 12:8 | á-.sī kah tē kóng, i ē kà-sī lí; hái tiong ê hî mā ē kā lí kóng bêng. | 註釋 串珠 字典 原文 典藏 |
| 12:9 | Tī chiahê it-chhè, siáⁿ lâng m̄-chai sī Siōng-tè ê chhiú ánne chò? | 註釋 串珠 原文 典藏 |
| 12:10 | Só͘-ū tōng-bu̍t ê sèⁿ-miā kah jîn-lūi ê chhoán-khùi, lóng tī I ê chhiú. | 註釋 串珠 原文 典藏 |
| 12:11 | Hīⁿ-khang kám bē chhì-giām giân-gí, chhin-chhiūⁿ chi̍h-thâu chhì-thàm chu-bī? | 註釋 串珠 原文 典藏 |
| 12:12 | Nî-lāu ê ū tì-hūi, hòe-siū chē ê ū kiàn-sek. | 註釋 串珠 原文 典藏 |
| 12:13 | Tì-hūi kah lêng-le̍k chāi tī Siōng-tè; I ū kè-ōe kah kiàn-sek. | 註釋 串珠 原文 典藏 |
| 12:14 | Lí khòaⁿ, I só͘ thiah-húi ê bē tàng koh khí-chō; I koaiⁿ-kìm ê lâng bē tàng koh tháu-pàng. | 註釋 串珠 原文 典藏 |
| 12:15 | Lí khòaⁿ, I kìm-chí hiahê chúi, chúi chiū ta-.khì; I koh hō͘ chúi lâu chhut-.lâi, tē chiū piàn-chhian. | 註釋 串珠 原文 典藏 |
| 12:16 | Koân-lêng kah hāu-le̍k chāi tī I; siū bê-he̍k kah bê-he̍k lâng ê lóng sio̍k tī I. | 註釋 串珠 原文 典藏 |
| 12:17 | I hō͘ bô͘-sū tú tio̍h chhiúⁿ-toa̍t, koh hō͘ sím-phòaⁿ-koaⁿ piàn-chò gōng lâng. | 註釋 串珠 原文 典藏 |
| 12:18 | I tháu-pàng kun-ông ê khún-pa̍k, koh ēng tòa pa̍k in ê io. | 註釋 串珠 字典 原文 典藏 |
| 12:19 | I hō͘ chè-si tú tio̍h chhiúⁿ-toa̍t, koh chhia-tó ū koân-lêng ê lâng. | 註釋 串珠 原文 典藏 |
| 12:20 | I hùi-tû tiong-sìn ê lâng ê ōe, koh tû-khì lāu lâng ê kiàn-sek. | 註釋 串珠 原文 典藏 |
| 12:21 | I hō͘ kùi-cho̍k siū lêng-jio̍k, koh tháu-khui ū la̍t ê lâng ê io-tòa. | 註釋 串珠 原文 典藏 |
| 12:22 | I tùi o͘-àm tiong hián-chhut chhim-ò ê tāichì, koh tòa-chhut sí-ìm kàu kng-bêng ê só͘-chāi. | 註釋 串珠 原文 典藏 |
| 12:23 | I hō͘ pang-kok heng-ōng, mā koh kā i húi bia̍t-tiāu; I hō͘ pang-kok khui-khoah, mā koh kā in chhian-sóa. | 註釋 串珠 原文 典藏 |
| 12:24 | Tē chiūⁿ jîn-bîn ê thâu-lâng, I tû-khì in ê sim-su, hō͘ in phiau-liû tī bô lō͘ ê khòng-iá. | 註釋 串珠 字典 原文 典藏 |
| 12:25 | In bô kng, tī o͘-àm tiong sì-kè bong; koh hō͘ in tian-lâi tian-khì, chhin-chhiūⁿ chiú-chùi ê lâng. | 註釋 串珠 原文 典藏 |