| 章節 | 全民台語聖經全羅經文 | 註釋 |
| 11:1 | Ná-má lâng Cho-hoah ìn kóng: | 註釋 串珠 原文 典藏 |
| 11:2 | Ōe hiah chē, kám m̄ tio̍h ìn? Kāu-ōe ê lâng, kám thang kiò-chò gī? | 註釋 串珠 原文 典藏 |
| 11:3 | Lí teh khoa-kháu, lâng kám tio̍h tiām-tiām? Lí teh thí-chhiò ê sî, kám bô lâng hō͘ lí kiàn-siàu? | 註釋 串珠 原文 典藏 |
| 11:4 | Lí kóng, góa ê tō-lí sûn-choân, góa tī lí ê ba̍k-chiu chêng chheng-khì. | 註釋 串珠 原文 典藏 |
| 11:5 | Chóng-.sī, goān Siōng-tè kóng-ōe, koh khui I ê chhùi kā lí piān-pok; | 註釋 串珠 原文 典藏 |
| 11:6 | Chí-sī lí tì-hūi ê ò-pì, che tì-hūi ū ta̍k chióng ê kong-hāu; lí tio̍h chai Siōng-tè bô lóng ē kì-tit lí ê chōe-kò. | 註釋 串珠 原文 典藏 |
| 11:7 | Lí kám ē-tàng chhek-to̍k Siōng-tè ê ò-pì? Lí kám ē-tàng thiat-té chhek-to̍k Choân-lêng-.ê? | 註釋 串珠 原文 典藏 |
| 11:8 | I koân chhin-chhiūⁿ thiⁿ, lí iáu ē-tàng chò siáⁿ-mi̍h? I pí im-kan khah chhim, lí iáu ē-tàng chai siáⁿ-mi̍h? | 註釋 串珠 原文 典藏 |
| 11:9 | I ê liōng sī pí tē khah tn̂g, pí hái khah khoah. | 註釋 串珠 原文 典藏 |
| 11:10 | I nā keng-kòe, lâi koaiⁿ-kìm lâng, tiàu lâng sím-phòaⁿ, siáⁿ lâng ē-tàng kā I chó͘-tòng? | 註釋 串珠 原文 典藏 |
| 11:11 | In-ūi I chai hi-ké ê lâng, sûi-jiân bô chù-ì, mā lóng khòaⁿ ē tio̍h chōe-kò. | 註釋 串珠 原文 典藏 |
| 11:12 | Khang-hi ê lâng lóng bô sim-su, lâng chhut-sì chhin-chhiūⁿ iá-lî ê lî-á-kiáⁿ. | 註釋 串珠 字典 原文 典藏 |
| 11:13 | Lí nā toan-chiàⁿ lí ê sim, koh ǹg Siōng-tè gia̍h-khí lí ê chhiú; | 註釋 串珠 原文 典藏 |
| 11:14 | lí ê chhiú lāi nā ū chōe-kò, chiū tio̍h kā i tû-khì hn̄g-hn̄g, mā m̄ thang iông-ín put-gī tiàm tī lí ê pò͘-pêⁿ lāi. | 註釋 串珠 原文 典藏 |
| 11:15 | Hit sî, lí it-tēng gia̍h-khí lí bô khoat-tiám ê bīn; lí mā ē khiā chāi, lóng bô kiaⁿ-hiâⁿ. | 註釋 串珠 原文 典藏 |
| 11:16 | In-ūi lí ē bē kì-tit lí ê kan-khó͘; chún kóng nā ē kì-tit, mā ná chhin-chhiūⁿ chúi-lâu kòe-.khì. | 註釋 串珠 原文 典藏 |
| 11:17 | Lí ê seng-oa̍h khah iâⁿ ji̍t-tiong-tàu, sûi-jiân kàu àm sî, iû-goân chhin-chhiūⁿ chá-khí sî. | 註釋 串珠 原文 典藏 |
| 11:18 | Lí ē an-ún, in-ūi iú-só͘ ǹg-bāng; lí beh sì-kè sûn-khòaⁿ, chiū thang an-sim khùn. | 註釋 串珠 原文 典藏 |
| 11:19 | Lí tó-.leh, mā bô lâng ē kā lí phah tio̍h-kiaⁿ, koh ū chin chē lâng tùi lí kiû in. | 註釋 串珠 原文 典藏 |
| 11:20 | Chóng-.sī, pháiⁿ lâng ê ba̍k-chiu ē hoe; in bô lō͘ thang tô-cháu, in só͘ ǹg-bāng ê chhin-chhiūⁿ khùi tn̄g. | 註釋 串珠 原文 典藏 |