| 章節 | 全民台語聖經全羅經文 | 註釋 |
| 10:1 | Góa ê sim bô ài oa̍h, góa beh tōa táⁿ kóng-chhut góa ê ai-oàn; góa sim-lāi ê thòng-khó͘, góa chiah beh kóng. | 註釋 串珠 原文 典藏 |
| 10:2 | Góa beh tùi Siōng-tè kóng, m̄ thang tēng góa ū chōe, tio̍h chí-sī góa, Lí ūi siáⁿ-mi̍h kah góa cheng-piān? | 註釋 串珠 原文 典藏 |
| 10:3 | Lí kiâⁿ ap-chè, koh khòaⁿ-khin Lí ê chhiú só͘ chō ê, koh ēng kng chiò pháiⁿ lâng ê kè-bô͘, Lí kám lia̍h chiahê chò hó? | 註釋 串珠 原文 典藏 |
| 10:4 | Lí ê ba̍k-chiu kám sī bah chò ê, á-.sī Lí teh khòaⁿ ná chhin-chhiūⁿ lâng teh khòaⁿ? | 註釋 串珠 原文 典藏 |
| 10:5 | Lí ê ji̍t-chí kám chhin-chhiūⁿ lâng ê ji̍t-chí? Á-sī Lí ê nî-ji̍t chhin-chhiūⁿ lâng ê nî-ji̍t? | 註釋 串珠 原文 典藏 |
| 10:6 | Lí chiah tui-kiù góa ê chōe-gia̍t, chhōe góa ê chōe-kò. | 註釋 串珠 原文 典藏 |
| 10:7 | Lí kám m̄-chai góa sī bô chōe, mā bô chi̍t-ê lâng ē-tàng kiù góa thoat-lī Lí ê chhiú? | 註釋 串珠 原文 典藏 |
| 10:8 | Lí ê chhiú ū chhòng-chō góa, tiau-tok góa ê sù-chi pah-thé, Lí iáu koh teh húi-bia̍t góa. | 註釋 串珠 原文 典藏 |
| 10:9 | Kiû Lí kì-liām, Lí bat ná chhin-chhiūⁿ teh chhiau-thô͘ lâi chè-chō góa; Lí kám sī beh hō͘ góa koh kui tī thô͘-hún? | 註釋 串珠 原文 典藏 |
| 10:10 | Lí kám m̄-sī kā góa piàⁿ-chhut chhin-chhiūⁿ leng, hō͘ góa kiat kui thoân chhin-chhiūⁿ leng-piáⁿ? | 註釋 串珠 原文 典藏 |
| 10:11 | Lí ēng phôe kah bah hō͘ góa chhēng, koh ēng kut kah kin hō͘ góa liân-kiat. | 註釋 串珠 字典 原文 典藏 |
| 10:12 | Lí sù hō͘ góa oa̍h-miā kah chû-ài, Lí ê chiàu-kò͘ pó-choân góa ê sèⁿ-miā. | 註釋 串珠 原文 典藏 |
| 10:13 | Chiahê tāichì Lí lóng khǹg tī Lí ê sim-lāi; góa chai Lí goân-pún to̍h ū chit-ê ì-sù. | 註釋 串珠 原文 典藏 |
| 10:14 | Góa nā hoān chōe, Lí chiū chù-ì góa, mā bô beh lia̍h góa chò bô chōe. | 註釋 串珠 原文 典藏 |
| 10:15 | Góa nā kiâⁿ pháiⁿ, chiū ū chai-hō, góa nā chò gī, mā m̄-káⁿ gia̍h-khí thâu; móa-sim kiàn-siàu, chhin-ba̍k khòaⁿ tio̍h góa ê kan-khó͘. | 註釋 串珠 原文 典藏 |
| 10:16 | Góa nā thâu gia̍h koân, Lí chiū chhin-chhiūⁿ sai jiok óa-lâi beh lia̍h góa, koh tùi góa hián-chhut Lí ê kî-ī. | 註釋 串珠 字典 原文 典藏 |
| 10:17 | Lí koh siat Lí ê kiàn-chèng lâi kong-kek góa, tī góa ê sin chiūⁿ ke-thiⁿ Lí ê siū-khì; kun-peng chi̍t tūi kòe chi̍t tūi, beh lâi kong-kek góa. | 註釋 串珠 原文 典藏 |
| 10:18 | Lí ná ē hō͘ góa chhut thai? Put-jû hit sî tn̄g-khùi, bô hō͘ lâng ê ba̍k-chiu khòaⁿ tio̍h góa. | 註釋 串珠 原文 典藏 |
| 10:19 | Án-ne, góa chiū ū, ná chhin-chhiūⁿ bô; chi̍t-ē chhut-sì chiū sàng ji̍p-khì bōng lāi. | 註釋 串珠 字典 原文 典藏 |
| 10:20 | Góa ê ji̍t-chí kám m̄-sī chin chió? Kiû Lí chhiáⁿ thêng lo̍h-.lâi, kā góa pàng-khoan, | 註釋 串珠 原文 典藏 |
| 10:21 | Hō͘ góa khì liáu-āu, bô koh tò tńg-.lâi, to̍h-sī khì o͘-àm kah sí-ìm ê tē ê chìn-chêng, thang lio̍h-á tit tio̍h an-ùi. | 註釋 串珠 原文 典藏 |
| 10:22 | Hitê tē àm-àm chhin-chhiūⁿ o͘-ba̍k, sī sí-ìm hūn-tūn, i ê kng chhin-chhiūⁿ o͘-ba̍k. | 註釋 串珠 原文 典藏 |