章節 | 全民台語聖經全羅經文 | 註釋 |
9:1 | Io-buh ìn kóng: | 註釋 串珠 原文 典藏 |
9:2 | Góa chin-chiàⁿ chai-iáⁿ sī ánne; in-ūi lâng tī Siōng-tè ê bīn-chêng, ná ē sǹg-chò sī gī? | 註釋 串珠 原文 典藏 |
9:3 | Nā beh kah I piān-lūn, chheng hāng mā bē ìn I chi̍t hāng. | 註釋 串珠 原文 典藏 |
9:4 | I ê sim sī tì-hūi, I ê la̍t sī tōa; siáⁿ lâng ē-tàng tí-khòng I koh ē tit tio̍h an-jiân? | 註釋 串珠 原文 典藏 |
9:5 | I î-sóa soaⁿ, soaⁿ mā m̄-chai; I siū-khì tiong, hō͘ soaⁿ pang lo̍h-.khì. | 註釋 串珠 原文 典藏 |
9:6 | I hō͘ tē tín-tāng, lī-khui i ê pún ūi, tē ê thiāu chiū iô-tāng. | 註釋 串珠 字典 原文 典藏 |
9:7 | I bēng-lēng ji̍t-thâu, ji̍t-thâu chiū bô chhut-.lâi, koh kā chèng chheⁿ hong ba̍t. | 註釋 串珠 原文 典藏 |
9:8 | I kakī thí-khui thiⁿ, koh tī hái-éng ê téng-bīn kiâⁿ-ta̍h. | 註釋 串珠 原文 典藏 |
9:9 | I chhòng-chō Pak-táu-chheⁿ, Chham-chheⁿ, Báu-chheⁿ kah lâm-hong ê bi̍t-kiong. | 註釋 串珠 字典 原文 典藏 |
9:10 | I chò tāichì tōa kàu bē chhek-to̍k tit, kiâⁿ kî-sū sǹg bē liáu. | 註釋 串珠 原文 典藏 |
9:11 | Lí khòaⁿ, I tùi góa chia keng-kòe, góa mā bô khòaⁿ-.tio̍h; I kiâⁿ kòe-.khì, góa mā m̄-chai. | 註釋 串珠 原文 典藏 |
9:12 | Lí khòaⁿ, I chhiúⁿ-.khì, siáⁿ lâng ē-tàng chó͘-tòng I? Siáⁿ lâng káⁿ mn̄g I, Lí chò siáⁿ-mi̍h? | 註釋 串珠 原文 典藏 |
9:13 | Siōng-tè it-tēng bē siu-hôe I ê siū-khì, hû-chō͘ La̍h-hap ê, khut-lo̍h tī I ê ē-bīn. | 註釋 串珠 原文 典藏 |
9:14 | Hô-hòng góa ná káⁿ ìn I, á-.sī kéng siáⁿ-mi̍h ōe lâi kah I piān-lūn? | 註釋 串珠 原文 典藏 |
9:15 | Góa sûi-jiân sī kong-gī, mā m̄-káⁿ ìn I, to̍k-to̍k tùi sím-phòaⁿ góa ê kiû in. | 註釋 串珠 原文 典藏 |
9:16 | Góa nā kiû-kiò I, I nā ìn góa, góa mā m̄-sìn I ū thiaⁿ góa ê siaⁿ. | 註釋 串珠 原文 典藏 |
9:17 | In-ūi I ēng tōa hong phah góa; bô-iân bô-kò͘ ke-thiⁿ góa ê siong. | 註釋 串珠 原文 典藏 |
9:18 | I m̄ iông-ín góa chhoán chi̍t-ē khùi, to̍k-to̍k hō͘ góa chhiong-móa khó͘-lān. | 註釋 串珠 原文 典藏 |
9:19 | Nā lūn kiông-béng, lí khòaⁿ, I ê la̍t tī chia; nā lūn sím-phòaⁿ, siáⁿ lâng ē kā góa tiāⁿ tio̍h ji̍t-kî? | 註釋 串珠 原文 典藏 |
9:20 | Góa sûi-jiân chò gī, góa kakī ê chhùi ē tēng góa ê chōe; góa sûi-jiân oân-siān, i ē hián-bêng góa ê hêng-ge̍k. | 註釋 串珠 原文 典藏 |
9:21 | Góa sī oân-siān ê lâng, góa bô kò͘ kakī; góa khòaⁿ-khin góa ê oa̍h-miā. | 註釋 串珠 原文 典藏 |
9:22 | Lóng sī kāng-khoán, só͘-í, góa kóng, oân-siān ê kah kiâⁿ pháiⁿ ê, I lóng ē châu-bia̍t. | 註釋 串珠 原文 典藏 |
9:23 | Chai-eh nā hut-jiân phah-sí-lâng, I chiū thí-chhiò bô chōe ê lâng tú tio̍h chhì-thàm. | 註釋 串珠 字典 原文 典藏 |
9:24 | Sè-kài kau-hù tī pháiⁿ lâng ê chhiú, I jia-khàm sím-phòaⁿ-koaⁿ ê bīn; nā m̄-sī I, sī siáⁿ lâng? | 註釋 串珠 原文 典藏 |
9:25 | Góa ê ji̍t-chí pí cháu bûn-su ê khah kín, kín-kín kòe-.khì, bô khòaⁿ tio̍h siáⁿ-mi̍h hok-khì. | 註釋 串珠 原文 典藏 |
9:26 | Kín-kín kòe-khì chhin-chhiūⁿ khoài-chûn, koh chhin-chhiūⁿ eng kóaⁿ-kín poe lo̍h-khì la̍k mi̍h. | 註釋 串珠 字典 原文 典藏 |
9:27 | Góa nā kóng beh bē kì-tit góa ê ai-oàn, beh kái góa ê iu-iông chiâⁿ-chò hoaⁿ-hí; | 註釋 串珠 原文 典藏 |
9:28 | Góa chiū kiaⁿ góa chiahê iu-khó͘, in-ūi góa chai Siōng-tè it-tēng bô lia̍h góa chò bô chōe. | 註釋 串珠 原文 典藏 |
9:29 | Góa ē siū tēng chōe, góa ná ē khang-khang lô-khó͘? | 註釋 串珠 原文 典藏 |
9:30 | Góa nā ēng seh ê chúi kakī sé, ēng kiⁿ-chúi chheng-khì góa ê chhiú, | 註釋 串珠 字典 原文 典藏 |
9:31 | Siōng-tè ē kā góa hiat lo̍h-khì kau té, góa ê saⁿ mā ē thó-ià góa. | 註釋 串珠 字典 原文 典藏 |
9:32 | In-ūi Siōng-tè m̄-sī sè-kan lâng chhin-chhiūⁿ góa, hō͘ góa thang ìn I, mā hō͘ goán thang tùi-ōe. | 註釋 串珠 原文 典藏 |
9:33 | Goán tiong-kan bô ū phòaⁿ-toàn ê lâng, thang hō͘ goán siang-hong pí-chhú khut-ho̍k. | 註釋 串珠 原文 典藏 |
9:34 | Goān Siōng-tè sóa I ê koái-á lī-khui góa, bô ēng I ê ui-giâm hō͘ góa kiaⁿ. | 註釋 串珠 字典 原文 典藏 |
9:35 | Góa chiū káⁿ kóng, mā bô kiaⁿ I, chóng-.sī, góa goân-pún m̄-sī hit khoán lâng. | 註釋 串珠 原文 典藏 |