章節 | 全民台語聖經全羅經文 | 註釋 |
8:1 | Siú-oa lâng Bil-tat ìn kóng: | 註釋 串珠 原文 典藏 |
8:2 | Chiahê ōe lí beh kóng kàu tang-sî? Lí chhùi lāi ê ōe chhin-chhiūⁿ kông hong ē kàu gōa kú? | 註釋 串珠 原文 典藏 |
8:3 | Siōng-tè kám ū phian-su lâi sím-phòaⁿ? Choân-lêng-.ê kám ē phian-su, bô kong-gī? | 註釋 串珠 原文 典藏 |
8:4 | Lí ê kiáⁿ-jî nā ū tek-chōe I, I kā in kau-hù tī in ê kòe-sit ê chhiú-thâu. | 註釋 串珠 原文 典藏 |
8:5 | Lí nā tì-ì cháu-chhōe Siōng-tè, koh tùi Choân-lêng-.ê kiû un; | 註釋 串珠 原文 典藏 |
8:6 | Lí nā chheng-khì chèng-ti̍t, I ē ūi tio̍h lí chhéⁿ khí-.lâi, koh hō͘ lí kong-gī ê chhù heng-thong. | 註釋 串珠 原文 典藏 |
8:7 | Lí khí-thâu sûi-jiân bî-sè, kàu bóe ē chin hoat-ta̍t. | 註釋 串珠 原文 典藏 |
8:8 | Chhiáⁿ lí cha-mn̄g chêng tāi, tui-liām in ê chó͘-sian só͘ chhâ chhut-.lâi ê. | 註釋 串珠 原文 典藏 |
8:9 | In-ūi lán put-kò sī cha-hng chiah ū, m̄-chai pòaⁿ-hāng; lán tī sè-kan ê ji̍t-chí chhin-chhiūⁿ iáⁿ. | 註釋 串珠 原文 典藏 |
8:10 | In kám bô kà-sī lí, kā lí kóng, kóng-chhut i sim-pak ê ōe? | 註釋 串珠 原文 典藏 |
8:11 | Lô͘-úi bô thô͘-môe, kám ē hoat? Lô͘-tek bô chúi, kám ē tōa châng? | 註釋 串珠 字典 原文 典藏 |
8:12 | Tng i chheⁿ-chhùi, iáu-bōe koah khí-.lâi, pí só͘-ū ê chháu tāi-seng ta-.khì. | 註釋 串珠 原文 典藏 |
8:13 | Kiàn-nā bē kì-tit Siōng-tè ê lô͘-po̍k, i ê lō͘-kèng mā sī ánne; bô kèng-khiân ê lâng, i ê ǹg-bāng ē bô-.khì. | 註釋 串珠 字典 原文 典藏 |
8:14 | I só͘ i-óa ê ē toān-choa̍t; i só͘ óa-khò ê sī ti-tu-bāng. | 註釋 串珠 字典 原文 典藏 |
8:15 | I beh óa-khò chhù, chóng-.sī, chhù ē tó; i beh khîⁿ-tiâu chhù, m̄ koh, chhù bē kú-tn̂g chûn-chāi. | 註釋 串珠 原文 典藏 |
8:16 | I siū ji̍t chiò, chiū chheⁿ-chhùi; i ê tîn soan kàu móa hn̂g. | 註釋 串珠 原文 典藏 |
8:17 | I ê kin khîⁿ tī chio̍h-tui, thàu kàu chio̍h-thâu ê só͘-chāi. | 註釋 串珠 原文 典藏 |
8:18 | I nā tùi i ê só͘-chāi tû-.khì, hit só͘-chāi chiū m̄ sêng-jīn i, kóng: Góa m̄ bat khòaⁿ tio̍h lí. | 註釋 串珠 原文 典藏 |
8:19 | Lí khòaⁿ, che to̍h-sī i ê lō͘ ê khoài-lo̍k, í-āu ē ū pa̍t-ê tùi tē-.ni̍h seⁿ chhut-.lâi. | 註釋 串珠 字典 原文 典藏 |
8:20 | Lí khòaⁿ, Siōng-tè it-tēng bô khì-sak oân-siān ê lâng, mā bô hû-chō͘ kiâⁿ pháiⁿ ê lâng. | 註釋 串珠 原文 典藏 |
8:21 | I iáu ē hō͘ lí móa chhùi chhiò gi-gi, hō͘ lí ê chhùi-tûn chhut hoaⁿ-hí ê siaⁿ. | 註釋 串珠 原文 典藏 |
8:22 | Oàn-hūn lí ê lâng ē móa-sin kiàn-siàu, pháiⁿ lâng ê pò͘-pêⁿ ē kui tī bô. | 註釋 串珠 原文 典藏 |