章節 | 全民台語聖經全羅經文 | 註釋 |
7:1 | Lâng tī sè-kan kám m̄-sī lô-khó͘ ê sî-kî? I ê ji̍t-chí kám m̄-sī chhin-chhiūⁿ chhiàⁿ-kang ê ji̍t-chí? | 註釋 串珠 原文 典藏 |
7:2 | Chhin-chhiūⁿ lô͘-po̍k pek-chhiat him-bō͘ ji̍t lo̍h ê iáⁿ, chhin-chhiūⁿ chhiàⁿ-kang ǹg-bāng kang-chîⁿ; | 註釋 串珠 原文 典藏 |
7:3 | góa mā ánne it-tēng ē keng-kòe chin chē khang-hi ê goe̍h, koh ū ià-siān ê mê-sî kā góa tiāⁿ tio̍h. | 註釋 串珠 原文 典藏 |
7:4 | Góa tó-.leh ê sî, chiū kóng, tang-sî thang khí-.lâi? Mê-sî ná ē hiahni̍h tn̂g? Góa hoan-lâi hoan-khì, ti̍t-ti̍t kàu thiⁿ-kng. | 註釋 串珠 原文 典藏 |
7:5 | Góa kui seng-khu lóng sī thâng kah kui tè ê thô͘; góa phôe-hu ê liàp-á siu chhùi chiū koh chhut-lâng. | 註釋 串珠 字典 原文 典藏 |
7:6 | Góa ê ji̍t-chí pí so khah kín, ti̍t-ti̍t kòe-.khì, bû-só͘ ǹg-bāng. | 註釋 串珠 字典 原文 典藏 |
7:7 | Tio̍h ē kì-tit góa ê oa̍h-miā ná chhoán chi̍t-ē khùi; góa ê ba̍k-chiu bē koh khòaⁿ tio̍h hó kong-kéng. | 註釋 串珠 原文 典藏 |
7:8 | Khòaⁿ góa ê lâng, i ê ba̍k-chiu ē bô koh khòaⁿ tio̍h góa; lí ê ba̍k-chiu ē siòng góa, chóng-.sī, góa bô tī-.leh. | 註釋 串珠 原文 典藏 |
7:9 | Hûn siau-sòaⁿ chiū kòe-.khì, lâng lo̍h im-kan mā bē koh khí-.lâi. | 註釋 串珠 原文 典藏 |
7:10 | I bô koh tńg-lâi kakī ê chhù, pún só͘-chāi mā bô koh jīn-tit i. | 註釋 串珠 原文 典藏 |
7:11 | Só͘-í, góa bô beh iok-sok góa ê chhùi; góa ê sim-sîn iu-khó͘, góa beh ánne kóng chhut-.lâi; góa ê sim thòng-khó͘, góa beh ánne piān-kái. | 註釋 串珠 原文 典藏 |
7:12 | Góa kám sī tōa hái á-.sī hái-koài? Lí kèng-jiân siat-hông lâi kài-pī góa? | 註釋 串珠 字典 原文 典藏 |
7:13 | Góa nā kóng, góa ê bîn-chhn̂g ē kā góa an-ùi, góa ê chhn̂g-pho͘ ē kái góa ê iu-būn; | 註釋 串珠 字典 原文 典藏 |
7:14 | lí chiū ēng bîn-bāng hō͘ góa kiaⁿ, ēng ī-siōng hō͘ góa lún. | 註釋 串珠 原文 典藏 |
7:15 | Tì-sú góa ē hông chhui-sí, ài sí-bông, khah iâⁿ chhun chiahê kut. | 註釋 串珠 原文 典藏 |
7:16 | Góa iàm-hūn sèⁿ-miā, bô ài éng-oán oa̍h-.leh; goān lí chhut-chāi góa, in-ūi góa ê ji̍t-chí lóng sī khang-hi. | 註釋 串珠 原文 典藏 |
7:17 | Lâng sī siáⁿ-mi̍h, tì-sú Siōng-tè lia̍h i chò tōa, tì-sú Siōng-tè kā i khòa tī sim-.ni̍h, | 註釋 串珠 原文 典藏 |
7:18 | tì-sú Siōng-tè ta̍k chá-khí kàm-chhat i, sî-khek kā i khó-giām? | 註釋 串珠 原文 典藏 |
7:19 | Siōng-tè beh kàu tang-sî chiah ē oa̍t tńg-sin mài khòaⁿ góa, pàng góa chi̍t-sî-á chū-iû, hō͘ góa thun chi̍t-ē-á nōa? | 註釋 串珠 原文 典藏 |
7:20 | Kàm-chhat lâng ê Siōng-tè ah, góa nā ū chōe, gāi tio̍h Lí siáⁿ-mi̍h? Lí ná ē kā góa chò Lí ê chìⁿ-pà? Tì-sú góa khòaⁿ kakī chò tāng-tàⁿ. | 註釋 串珠 原文 典藏 |
7:21 | Lí ná ē m̄ sià-bián góa ê kòe-sit, tû-khì góa ê chōe-kò? In-ūi góa taⁿ beh tó tī tîn-ai, Lí ē tì-ì chhōe góa, chóng-.sī, góa í-keng bô tī-.leh. | 註釋 串珠 原文 典藏 |