章節 | 全民台語聖經全羅經文 | 註釋 |
6:1 | Io-buh ìn kóng: | 註釋 串珠 原文 典藏 |
6:2 | Goān góa ê iu-būn keng-kòe chhìn-tāng, goān góa só͘-ū ê chai-hāi pêⁿ-pêⁿ hē tī thian-phêng; | 註釋 串珠 字典 原文 典藏 |
6:3 | Tek-khak pí hái soa khah tāng, só͘-í, góa ê ōe loān-loān kóng. | 註釋 串珠 原文 典藏 |
6:4 | In-ūi Choân-lêng-.ê ê chìⁿ siā tio̍h góa; góa ê sim-sîn lim tio̍h i ê to̍k. Siōng-tè hō͘ góa kiaⁿ ê tāichì pâi tīn lâi kong-kek góa. | 註釋 串珠 字典 原文 典藏 |
6:5 | Iá-lî ū chháu, kám ē chhut siaⁿ? Gû ū chháu-liāu, kám ē háu? | 註釋 串珠 字典 原文 典藏 |
6:6 | Mi̍h chiáⁿ bô chham iâm, kám ē chia̍h-tit? Nn̄g-chheng kám ū chu-bī? | 註釋 串珠 字典 原文 典藏 |
6:7 | Góa ê sim ià-siān, bô ài kha̍p tio̍h mi̍h-kiāⁿ, in chò góa pháiⁿ bī-sò͘ ê chia̍h-mi̍h. | 註釋 串珠 字典 原文 典藏 |
6:8 | Goān góa tit tio̍h góa só͘ kiû ê; góa só͘ him-bō͘ ê, goān Siōng-tè siúⁿ-sù hō͘ góa. | 註釋 串珠 原文 典藏 |
6:9 | Chiū-sī goān Siōng-tè kā góa teh chhùi, pàng I ê chhiú lâi choa̍t góa ê sèⁿ-miā. | 註釋 串珠 原文 典藏 |
6:10 | Nā ánne, góa chiū tit tio̍h an-ùi; tī thòng-khó͘ bô tit tio̍h liân-bín ê tiong-kan, iáu ē khoài-lo̍k; in-ūi góa bô ûi-pōe chì-sèng Siōng-tè ê ōe. | 註釋 串珠 原文 典藏 |
6:11 | Góa ū siáⁿ-mi̍h khùi-la̍t, hō͘ góa iáu teh ǹg-bāng? Góa ū siáⁿ-mi̍h kiat-kio̍k, hō͘ góa iáu thang jím-nāi? | 註釋 串珠 原文 典藏 |
6:12 | Góa ê la̍t kám sī chio̍h-thâu ê la̍t? Góa ê bah kám sī tâng ê bah? | 註釋 串珠 原文 典藏 |
6:13 | Pang-chō͘ góa ê lâng kám m̄-sī lóng sí-.khì à? Góa ê tì-hūi kám m̄-sī lī-khui góa khì à? | 註釋 串珠 原文 典藏 |
6:14 | Choa̍t-bāng ê lâng nā bô kèng-ùi choân-lêng ê Chú, i ê pêng-iú mā tio̍h ēng jîn-chû kā i khoán-thāi. | 註釋 串珠 原文 典藏 |
6:15 | Góa ê hiaⁿ-tī gō͘ góa, chhin-chhiūⁿ khe, koh chhin-chhiūⁿ khe chúi lâu-kòe ê khe té; | 註釋 串珠 原文 典藏 |
6:16 | In-ūi ū peng-tè chiū lô, ū seh khǹg tī hit lāi-bīn; | 註釋 串珠 原文 典藏 |
6:17 | sio-lō ê sî-chūn, in chiū siau-bia̍t; joa̍h ê sî, chiū tùi in ê só͘-chāi ta-.khì. | 註釋 串珠 原文 典藏 |
6:18 | Iân khe kui tīn teh kiâⁿ ê lâng oan-lâi oat-khì, in chiūⁿ-kàu pha-hng ê só͘-chāi chiū sí-.khì. | 註釋 串珠 字典 原文 典藏 |
6:19 | Thê-má kui tīn kiâⁿ ê lâng teh liâu-bāng, Sí-bah kui kûn ê lâng teh thèng-hāu. | 註釋 串珠 原文 典藏 |
6:20 | In ūi tio̍h só͘ ǹg-bāng ê lâi kiàn-siàu, chi̍t-ē kàu-ūi chiū làu-khùi. | 註釋 串珠 原文 典藏 |
6:21 | Taⁿ lín chin-chiàⁿ bô mi̍h, khòaⁿ-kìⁿ thang kiaⁿ ê tāichì chiū lún. | 註釋 串珠 原文 典藏 |
6:22 | Góa kám bat kóng, chhiáⁿ lín hō͘ góa? Á-sī kiò lín tùi lín ê châi-sán the̍h-lâi sàng góa mi̍h-kiāⁿ? | 註釋 串珠 原文 典藏 |
6:23 | Á-sī kiû lín kiù góa thoat-lī tùi-te̍k ê chhiú? Á-sī sio̍k góa thoat-lī kiông-pō ê lâng ê chhiú? | 註釋 串珠 原文 典藏 |
6:24 | Chhiáⁿ lín kà-sī góa, góa chiū tiām-tiām, mā hō͘ góa bêng-pe̍k tī siáⁿ-mi̍h tāichì ū chhò-gō͘. | 註釋 串珠 原文 典藏 |
6:25 | Chèng-ti̍t ê ōe, i ê la̍t tōa kàu án-chóaⁿ! Chóng-.sī, lín teh piān-pok, sī teh piān-pok siáⁿ-mi̍h? | 註釋 串珠 原文 典藏 |
6:26 | Lín kám kóng siūⁿ beh piān-pok lâng ê ōe? Choa̍t-bāng ê lâng ê giân-lūn sī chhin-chhiūⁿ hong. | 註釋 串珠 原文 典藏 |
6:27 | Lín liam-khau ài beh tit tio̍h ko͘-jî, kā lí ê pêng-iú tòng-chò bé-bē ê mi̍h. | 註釋 串珠 原文 典藏 |
6:28 | Taⁿ chhiáⁿ lín kam-goān lâi khòaⁿ góa, góa choa̍t-tùi bô tng lín ê bīn kóng pe̍h-chha̍t. | 註釋 串珠 原文 典藏 |
6:29 | Chhiáⁿ lín oa̍t tńg-.lâi, m̄ thang ū put-gī; koh oa̍t tò tńg-.lâi, góa ê kong-gī iáu koh tī-.leh. | 註釋 串珠 原文 典藏 |
6:30 | Góa ê chi̍h kám ū put-gī? Góa ê chhùi kám bē hun-pia̍t chai-hāi? | 註釋 串珠 原文 典藏 |