章節 | 全民台語聖經全羅經文 | 註釋 |
4:1 | Tē-it Pái Tùi-ōeThê-man lâng E-lī-hoat ìn kóng: | 註釋 串珠 原文 典藏 |
4:2 | Lâng nā beh kah lí tâm-lūn, lí ē khì-hiâm thó-ià bē? Chóng-.sī, siáⁿ lâng ē-tàng kakī iok-sok bô kóng-ōe? | 註釋 串珠 原文 典藏 |
4:3 | Lí khòaⁿ, lí bat kà-sī chin chē lâng, loán-jio̍k ê chhiú lí mā hō͘ i giám-ngē. | 註釋 串珠 原文 典藏 |
4:4 | Beh poa̍h-tó ê, lí ēng ōe hû-chhî i; kha-thâu-u sng-nńg ê lâng, lí hō͘ i ióng-kiāⁿ. | 註釋 串珠 原文 典藏 |
4:5 | Chóng-.sī, taⁿ tāichì lîm-kàu tī lí, lí chiū hun-bê; kha̍p tio̍h lí, lí chiū kiaⁿ-hiâⁿ. | 註釋 串珠 原文 典藏 |
4:6 | Lí ê óa-khò kám m̄-sī chāi tī lí ê kèng-ùi Siōng-tè? Lí ê ǹg-bāng kám m̄-sī chāi tī lí ê hêng-ûi sûn-choân? | 註釋 串珠 字典 原文 典藏 |
4:7 | Chhiáⁿ lí siūⁿ khòaⁿ māi, bô chōe ê lâng siáⁿ lâng ū sí-bông? Chèng-ti̍t ê lâng tī siáⁿ-mi̍h só͘-chāi siū chián-tû? | 註釋 串珠 原文 典藏 |
4:8 | Chiàu góa khòaⁿ, ēng chōe-kò chèng-choh, ēng ok-to̍k chò chéng-chí lâi iā ê lâng, só͘ siu-sêng ê mā sī ánne. | 註釋 串珠 字典 原文 典藏 |
4:9 | Siōng-tè pûn khùi, in chiū sí-bông; tùi I tōa siū-khì ê hong, in chiū siau-bia̍t. | 註釋 串珠 原文 典藏 |
4:10 | Sai ê háu kah béng sai ê siaⁿ lóng soah; sai-á-thûn ê chhùi-khí lóng phah-tn̄g. | 註釋 串珠 字典 原文 典藏 |
4:11 | Lāu sai in-ūi bô thang chia̍h chiū sí; sai-bó ê kiáⁿ mā lóng sì-sòaⁿ. | 註釋 串珠 字典 原文 典藏 |
4:12 | Ū tāichì thau-thau-á lîm-kàu tī góa, góa hīⁿ-khang mā thiaⁿ tio̍h i sè-sè ê siaⁿ. | 註釋 串珠 原文 典藏 |
4:13 | Tùi àm-sî ī-siōng ê su-sióng, to̍h-sī lâng khùn tāng-bîn ê sî, | 註釋 串珠 原文 典藏 |
4:14 | kiaⁿ-hiâⁿ phi̍h-phi̍h chhoah lîm-kàu góa, hō͘ góa ê pah-kut sih-sih chùn. | 註釋 串珠 原文 典藏 |
4:15 | Ū sîn-lêng tùi góa bīn-chêng keng-kòe; góa seng-khu ê mn̂g-kńg lóng chhàng khí-.lâi. | 註釋 串珠 原文 典藏 |
4:16 | Sîn-lêng thêng-.leh, chóng-.sī, góa khòaⁿ bē bêng i ê hêng-chōng; ū siōng tī góa ba̍k-chiu chêng chēng chuh-chuh, góa thiaⁿ tio̍h ū siaⁿ, kóng: | 註釋 串珠 原文 典藏 |
4:17 | Ē sí ê lâng tùi Siōng-tè kám sī gī? Lâng tùi chhòng-chō i ê Siōng-tè kám sī chheng-khì? | 註釋 串珠 原文 典藏 |
4:18 | Lí khòaⁿ, I lóng bô sìn-iōng I ê lô͘-po̍k, mā hiâm I ê sù-chiá sī gû-gōng. | 註釋 串珠 原文 典藏 |
4:19 | Hô-hòng hiahê tòa tī thô͘ chhù, i ê kin-ki chāi tī thô͘-soa hún, pí chiù-thâng khah khoài sí ê lâng. | 註釋 串珠 字典 原文 典藏 |
4:20 | Tùi chá-khí kàu ê-hng, chiū tú tio̍h húi-bia̍t, éng-oán sí-.khì, bô lâng khòa-ì. | 註釋 串珠 原文 典藏 |
4:21 | I pò͘-pêⁿ ê soh kám bô tùi tiong-ng poe̍h chhut-.lâi? I ê sí lóng bô tì-hūi. | 註釋 串珠 原文 典藏 |