章節 | 全民台語聖經全羅經文 | 註釋 |
3:1 | Io-buh Chiù-chó͘ Ka-kīĀu-lâi, Io-buh khui chhùi, chiù-chó͘ i kakī ê ji̍t-chí. | 註釋 串珠 原文 典藏 |
3:2 | Io-buh khui chhùi kóng: | 註釋 串珠 原文 典藏 |
3:3 | Góa chhut-sì ê ji̍t, goān hit-ê ji̍t bô-.khì; kóng ū hoâi-īn chapo͘ kiáⁿ hit mê, goān hit-ê mê mā bô-.khì. | 註釋 串珠 原文 典藏 |
3:4 | Goān hit-ê ji̍t piàn-chò o͘-àm; goān Siōng-tè bô tùi téng-bīn khòaⁿ-kò͘ i, kng mā bô chiò i. | 註釋 串珠 原文 典藏 |
3:5 | Goān o͘-àm kah sí-ìm chhim-ji̍p kā i cheng-ho̍k; goān ba̍t hûn thêng tī i ê téng-bīn, goān hō͘ ji̍t piàn o͘-àm ê kā i phah-kiaⁿ. | 註釋 串珠 原文 典藏 |
3:6 | Kóng-kàu hit mê, goān o͘-àm kā i chhiúⁿ-.khì; goān i bô kah nî tiong hiahê ji̍t tâng hoaⁿ-hí, mā bô ji̍p tī hiahê goe̍h ê sò͘-gia̍h. | 註釋 串珠 原文 典藏 |
3:7 | Ai-ah! Goān hit mê bô ū seⁿ kiáⁿ; in tiong-kan bô hoaⁿ-hí ê siaⁿ. | 註釋 串珠 原文 典藏 |
3:8 | Goān hiahê chiù-chó͘ ji̍t-.sî ê kā i chiù-chó͘, í-ki̍p hiahê ē kek-tōng hái-koài ê kā i chiù-chó͘. | 註釋 串珠 字典 原文 典藏 |
3:9 | Goān hit mê thiⁿ-phú-kng ê chheⁿ piàn o͘-àm; goān i ǹg-bāng thiⁿ-kng mā bē tàng, mā bô khòaⁿ tio̍h chá-khí sî ê thiⁿ-phú-kng; | 註釋 串珠 原文 典藏 |
3:10 | in-ūi bô koaiⁿ-ba̍t seⁿ góa ê chú-kiong, mā bô tùi góa ê ba̍k-chiu jia-khàm hoān-lān. | 註釋 串珠 原文 典藏 |
3:11 | Góa ná ē bô tī thai-.ni̍h to̍h sí-.khì? Án-chóaⁿ chhut pak-tó͘ ê sî bô sòa tn̄g-khùi? | 註釋 串珠 原文 典藏 |
3:12 | Ná ē ū lāu-bú ê kha-thâu-u chiap-la̍p góa? Án-chóaⁿ ū leng hō͘ góa suh? | 註釋 串珠 原文 典藏 |
3:13 | Nā bô ánne, góa í-keng chin an-jiân tó-.leh, í-keng tiām-chēng teh khùn; | C註釋 註釋 串珠 原文 典藏 |
3:14 | kah tē-chiūⁿ lia̍t ông ê bô͘-sū tông-chāi, in bat ūi kakī tī pha-hng ê só͘-chāi khí-chō; | 註釋 串珠 原文 典藏 |
3:15 | á-.sī kah ū kim ê siú-léng tông-chāi, in bat ēng gîn chhiong-móa in ê chhù. | C註釋 註釋 串珠 字典 原文 典藏 |
3:16 | Á-sī chhin-chhiūⁿ làu-the siū bâi-chòng, góa chiū sí sit-khì; chhin-chhiūⁿ iáu-bōe kìⁿ tio̍h kng ê eⁿ-á. | 註釋 串珠 原文 典藏 |
3:17 | Tī hia pháiⁿ lâng bô koh-chài kiáu-jiáu; tī hia ià-siān ê tit tio̍h an-hioh. | 註釋 串珠 原文 典藏 |
3:18 | Tī hia siū lia̍h ê lâng chò-hóe tit tio̍h an-jiân, bô thiaⁿ tio̍h tok-kang ê siaⁿ. | 註釋 串珠 原文 典藏 |
3:19 | Sī-sè sī-tōa lóng tī hia; lô͘-po̍k thoat-lī i ê chú-lâng. | 註釋 串珠 原文 典藏 |
3:20 | Siū khó͘-lân ê lâng ná ē hō͘ i ū kng? Sim lāi iu-khó͘ ê lâng án-chóaⁿ hō͘ i ū oa̍h-miā? | 註釋 串珠 原文 典藏 |
3:21 | In ǹg-bāng sí mā bē tàng sí; chhōe sí pí ku̍t ún-ba̍t ê pó-pòe khah chhut-la̍t. | 註釋 串珠 原文 典藏 |
3:22 | In chhōe tio̍h hûn-bōng chiū khoài-lo̍k, hoaⁿ-hí kàu bē kò͘-tit. | 註釋 串珠 字典 原文 典藏 |
3:23 | Lâng ê chiân-tô͘ í-keng àm bong-bong, Siōng-tè sì-bīn ûi-khùn i, án-chóaⁿ hō͘ i ū kng? | 註釋 串珠 字典 原文 典藏 |
3:24 | In-ūi góa ēng thó͘-khùi tāi-thè chia̍h-mi̍h; góa tōa-siaⁿ háu, chhin-chhiūⁿ tōa-chúi chhèng chhut-.lâi. | 註釋 串珠 字典 原文 典藏 |
3:25 | In-ūi góa só͘ chin kiaⁿ ê tāichì lîm-kàu góa, góa só͘ kiaⁿ-hiâⁿ ê kàu tī góa. | 註釋 串珠 原文 典藏 |
3:26 | Góa bē tàng an-jiân, bē tàng pêng-chēng, bē tàng an-hioh, chóng-.sī, ū hoān-lān lâi. | 註釋 串珠 原文 典藏 |