章節 | 全民台語聖經全羅經文 | 註釋 |
2:1 | Sa-tán koh-chài Chhì-thàm Io-buhKoh ū chi̍t ji̍t, Siōng-chú hiahê kiáⁿ lâi, khiā tī Siōng-chú ê bīn-chêng; Sa-tán mā lâi tī in tiong-kan, khiā tī Siōng-chú ê bīn-chêng. | 註釋 串珠 原文 典藏 |
2:2 | Siōng-chú tùi Sa-tán kóng, " Lí tùi tó-ūi lâi? " Sa-tán ìn Siōng-chú kóng, " Góa tī tē-chiūⁿ kiâⁿ-lâi kiâⁿ-khì, piàn kiâⁿ tī hia, tùi hia lâi. " | 註釋 串珠 原文 典藏 |
2:3 | Siōng-chú tùi Sa-tán kóng, " Lí kám ū chù-ì tio̍h góa ê lô͘-po̍k Io-buh? In-ūi tē-chiūⁿ bô lâng chhin-chhiūⁿ i hiah oân-siān koh chèng-ti̍t, kèng-ùi Siōng-tè, lī-khui pháiⁿ lō͘. Lí sûi-jiân kek góa kā i kong-kek, bô-iân bô-kò͘ kā i phò-hoāi, i iû-goân chip-siú i ê sûn-choân. " | 註釋 串珠 原文 典藏 |
2:4 | Sa-tán ìn Siōng-chú kóng, " Ēng phôe ōaⁿ phôe, lâng ūi tio̍h i ê sèⁿ-miā goān-ì hòng-khì i it-chhè ê só͘-ū. | 註釋 串珠 字典 原文 典藏 |
2:5 | Chóng-.sī, Lí nā chhun chhiú khì kha̍p tio̍h i ê kut kah i ê bah, i chiū ē tng-bīn khì-choa̍t Lí. " | 註釋 串珠 原文 典藏 |
2:6 | Siōng-chú tùi Sa-tán kóng, " Lí khòaⁿ, i tī lí ê chhiú-thâu, chóng-.sī, lí tio̍h lâu i ê sèⁿ-miā. " | 註釋 串珠 原文 典藏 |
2:7 | Sa-tán chiū tùi Siōng-chú ê bīn-chêng chhut-.khì, phah Io-buh, hō͘ i tùi kha-té kàu thâu-khak téng lóng seⁿ to̍k-chhng. | 註釋 串珠 原文 典藏 |
2:8 | Io-buh chiū ēng hāu-phiaⁿ-phòe lâi pê seng-khu, chē tī hóe-hu ê tiong-kan. | 註釋 串珠 字典 原文 典藏 |
2:9 | I ê bó͘ chiū tùi i kóng, " Lí kám iáu koh chip-siú lí ê sûn-choân? Taⁿ lí tio̍h khì-choa̍t Siōng-chú lâi sí! " | 註釋 串珠 原文 典藏 |
2:10 | M̄ koh, Io-buh tùi i kóng, " Lí kóng-ōe ná chhin-chhiūⁿ hiahê gōng chabó͘ lâng só͘ teh kóng ê. Sī án-chóaⁿ lè? Lán tùi Siōng-chú niá-siū hok-khì, kám bē tùi I niá-siū chai-hō? " Tī che it-chhè ê tāichì, Io-buh pēng bô tùi i ê chhùi lâi hoān chōe. | 註釋 串珠 原文 典藏 |
2:11 | Io-buh ê Chèng Pêng-iú Lâi Khòaⁿ IHit sî, Io-buh saⁿ-ê pêng-iú thiaⁿ tio̍h i tú tio̍h it-chhè ê khó͘-lān, ta̍k-ê tùi in ê só͘-chāi lâi, to̍h-sī Thê-man lâng E-lī-hoat, Siú-oa lâng Bil-tat, Ná-má lâng Cho-hoah; in sio iok chò-hóe lâi pi-siong, kā i an-ùi. | 註釋 串珠 原文 典藏 |
2:12 | In hn̄g-hn̄g gia̍h thâu khòaⁿ, bē jīn-tit i, chiū tōa-siaⁿ thî-khàu; ta̍k lâng thiah-li̍h gōa-saⁿ, ǹg thiⁿ tī kakī ê thâu-khak iā thô͘-soa hún. | 註釋 串珠 字典 原文 典藏 |
2:13 | In chiū kah i chē tī thô͘-kha chhit ji̍t chhit mê, bô kah i kóng kah chi̍t kù, in-ūi in khòaⁿ tio̍h i ê thòng-khó͘ chin tōa. | 註釋 串珠 原文 典藏 |