章節 | 全民台語聖經全羅經文 | 註釋 |
4:1 | Mol-té-kái Kiû Ê-su-tel Pang-chō͘Mol-té-kái í-keng chai it-chhè ê só͘ chò, Mol-té-kái chiū thiah-li̍h saⁿ, chhēng môa-saⁿ, sám hóe-hu, chhut-khì siâⁿ lāi, tōa-siaⁿ pi-ai thî-khàu. | 註釋 串珠 字典 原文 典藏 |
4:2 | Kàu tī ông-kiong ê mn̂g chêng, in-ūi kiàn-nā chhēng môa-saⁿ ê lâng bē tàng ji̍p-khì ông-kiong ê mn̂g. | 註釋 串珠 字典 原文 典藏 |
4:3 | Tī ta̍k séng, to̍h-sī ông ê bēng-lēng kah jū-chí só͘ kàu ê só͘-chāi, tī Iô-tah lâng ê tiong-kan, ū pi-ai, kìm-chia̍h, thî-khàu, chhiⁿ-chhám, koh ū chin chē lâng tó tī môa-saⁿ kah hóe-hu-.ni̍h. | 註釋 串珠 字典 原文 典藏 |
4:4 | Ê-su-tel ê kiong-lí kah i ê thài-kàm lâi kā i kóng, ông-hō͘ chiū iu-būn kàu-ke̍k, kià saⁿ-khò͘ khì hō͘ Mol-té-kái-ōaⁿ-chhēng, ài thǹg-khì i ê môa-saⁿ, chóng-.sī, i m̄ chiap-siū. | 註釋 串珠 字典 原文 典藏 |
4:5 | Ê-su-tel chiū tiàu ông só͘ phài sū-hāu i ê thài-kàm lâi, i ê miâ kiò-chò Ha-thak, kiò i khì Mol-té-kái hia, ài chai chit-ê sī siáⁿ-mi̍h tāichì, siáⁿ-mi̍h goân-in. | 註釋 串珠 原文 典藏 |
4:6 | Ha-thak chiū chhut-khì kàu siâⁿ ê kóng-tiûⁿ, to̍h-sī tī ông-kiong ê mn̂g chêng, lâi-kàu Mol-té-kái hia. | 註釋 串珠 字典 原文 典藏 |
4:7 | Mol-té-kái chiū kā i só͘ tú-.tio̍h ê tāichì, í-ki̍p Ha-mán só͘ kóng beh hiàn tī ông ê khò͘-pâng ê gîn ê khak-si̍t sò͘-gia̍h, thang châu-bia̍t Iô-tah lâng ê, lóng kā i kóng; | 註釋 串珠 字典 原文 典藏 |
4:8 | koh kā i chhau-siá tī Su-san siâⁿ só͘ thoân beh châu-bia̍t Iô-tah lâng ê jū-chí hō͘ i, kiò i the̍h hō͘ Ê-su-tel khòaⁿ, sūn-sòa kā i kóng bêng, koh hoan-hù i ji̍p-khì kìⁿ ông lâi kā i khún-kiû, tī ông ê bīn-chêng ūi tio̍h pún cho̍k ê jîn-bîn khún-chhiat kî-kiû. | 註釋 串珠 原文 典藏 |
4:9 | Ha-thak tńg-.lâi, chiū kā Mol-té-kái ê ōe tùi Ê-su-tel kóng. | 註釋 串珠 原文 典藏 |
4:10 | Ê-su-tel koh kā Ha-thak kóng, thok i kā Mol-té-kái kóng, | 註釋 串珠 原文 典藏 |
4:11 | " Ông ê chèng jîn-sîn kah ông hiahê séng ê jîn-bîn, lóng chai ū chi̍t tiâu tiāⁿ tio̍h ê lē, nā bô siū-tiàu, ngē-ngē beh ji̍p-khì lāi-īⁿ kìⁿ ông ê lâng, bô-lūn lâm-lí, nā m̄-sī ông gia̍h i kim ê koái-á hō͘ i tit tio̍h oa̍h ê, chiū tio̍h hō͘ i sí. Taⁿ góa bô siū-tiàu kàu ông hia í-keng saⁿ-cha̍p kang à. " | 註釋 串珠 字典 原文 典藏 |
4:12 | In chiū kā Ê-su-tel ê ōe tùi Mol-té-kái kóng. | 註釋 串珠 原文 典藏 |
4:13 | Mol-té-kái hoan-hù lâng kā Ê-su-tel kóng, " Lí m̄ thang siūⁿ kóng lí tī ông-kiong lāi pí chèng Iô-tah lâng khah ē thoat-lī. | 註釋 串珠 字典 原文 典藏 |
4:14 | Tī chit sî lí nā tiām-tiām lóng bô kóng-ōe, Iô-tah lâng ē tùi pa̍t ūi tit tio̍h thoat-lī, tit tio̍h chín-kiù, lí kah lí ê lāu-pē ê ke ē tú tio̍h bia̍t-bông. Lí tit tio̍h ông-hō͘ ê ūi, kám m̄-sī ūi tio̍h kin-á-ji̍t ê sî-sè? " | 註釋 串珠 原文 典藏 |
4:15 | Ê-su-tel chiū hoan-hù lâng hôe-hok Mol-té-kái kóng, | 註釋 串珠 原文 典藏 |
4:16 | " Khì chio-chi̍p tī Su-san só͘-ū ê Iô-tah lâng, ūi tio̍h góa kìm-chia̍h saⁿ ji̍t, mê-ji̍t bô chia̍h bô lim; góa kah góa ê kiong-lí mā beh kìm-chia̍h. Jiân-āu góa beh bô chiàu lē ji̍p-khì kìⁿ ông, sí chiū hō͘ i sí! " | 註釋 串珠 原文 典藏 |
4:17 | Mol-té-kái chiū khì, chiàu Ê-su-tel it-chhè só͘ bēng-lēng ê khì chò. | 註釋 串珠 原文 典藏 |