章節 | 全民台語聖經全羅經文 | 註釋 |
6:1 | Kah Nî-hí-miah Tùi-te̍k ê Im-bô͘San-bal-lat, To-bi-iah, A-la-puh lâng Ki-sióng kah goán kî-tha ê tùi-te̍k, thiaⁿ tio̍h góa í-keng kā siâⁿ chhiûⁿ khí hó, kî-tiong bô lâu kah chi̍t khiah ( hit sî góa iáu-bōe ū an mn̂g-sìⁿ ). | 註釋 串珠 字典 原文 典藏 |
6:2 | San-bal-lat kah Ki-sióng chiū chhe lâng lâi kìⁿ góa, kóng, " Chhiáⁿ lí lâi, lán tī O͘-nó͘ pêng-goân chi̍t-ê chng-thâu siong-hōe. " In chóng-.sī siūⁿ beh hāi góa. | 註釋 串珠 原文 典藏 |
6:3 | Góa chiū chhe sù-chiá khì kìⁿ in, kóng, " Góa taⁿ teh pān-lí tōa ê kang-sū, bē tàng lo̍h-.khì. Ná ē-tàng lī-khui kang-sū lo̍h-khì kìⁿ lín, hō͘ chit-ê kang-chok thêng-chí? " | 註釋 串珠 原文 典藏 |
6:4 | In ánne sì pái chhe lâng lâi kìⁿ góa, góa lóng ánne kā in ìn. | 註釋 串珠 原文 典藏 |
6:5 | San-bal-lat tē-gō͘ pái chiū chhe i ê lô͘-po̍k lâi kìⁿ góa, chhiú the̍h lō͘-hong ê phoe. | 註釋 串珠 原文 典藏 |
6:6 | Phoe lāi siá kóng, " Gōa-pang tiong ū hong-siaⁿ, Ga-sîm mā kóng: lí kah Iô-tah lâng teh bô͘-hoán, só͘-í, lí khí siâⁿ chhiûⁿ, lí beh chò in ê ông, chiàu chiahê ōe. | 註釋 串珠 原文 典藏 |
6:7 | Lí koh phài sian-ti tī Ê-lú-sa-lèm soan-pò͘ lí ê tāichì, kóng tī Iô-tah ū ông. Taⁿ beh chiàu chiahê ōe chàu ông, só͘-í, chhiáⁿ lí lâi, lán chò-hóe gī-lūn. " | 註釋 串珠 原文 典藏 |
6:8 | Góa chiū chhe lâng khì kìⁿ i, kóng, " Lí só͘ kóng chit-ê tāichì, lóng sī bô-iáⁿ, sī lí ê sim lia̍p-chō chhut-.lâi ê. " | 註釋 串珠 原文 典藏 |
6:9 | In-ūi in lóng ài hō͘ goán kiaⁿ, ì-sù sī beh hō͘ goán ê chhiú ē sng-nńg, tì-sú kang-sū chò bē chiâⁿ. Siōng-tè ah, kiû Lí kian-kò͘ góa ê chhiú! | 註釋 串珠 原文 典藏 |
6:10 | Āu-lâi, góa khì-kàu Me-he-tha-bel ê sun, Te-la-iah ê kiáⁿ Si-má-iah ê chhù. Hit sî, i kā mn̂g koaiⁿ-.leh bô chhut-.lâi. I kóng, " Lán tio̍h tī Siōng-chú ê tiān siong-hōe, tī tiān-.ni̍h kā tiān mn̂g koaiⁿ khí-.lâi, in-ūi in beh lâi thâi lí, to̍h-sī tī àm-sî beh lâi thâi lí. " | 註釋 串珠 字典 原文 典藏 |
6:11 | Góa kóng, " Chhin-chhiūⁿ góa chit khoán lâng, kám thang cháu? Chhin-chhiūⁿ góa chit khoán lâng, kám thang ji̍p tiān lâi pó-choân sèⁿ-miā? Góa m̄ ji̍p-.khì. " | 註釋 串珠 字典 原文 典藏 |
6:12 | Góa khòaⁿ-chhut, góa chai Siōng-tè bô chhe i, sī i kakī kóng chit-ê sian-ti ōe lâi kong-kek góa, sī To-bi-iah kah San-bal-lat kā i o͘-se. | 註釋 串珠 原文 典藏 |
6:13 | O͘-se ê iân-kò͘ sī beh hō͘ góa kiaⁿ, hō͘ góa ánne chò lâi hoān chōe, in thang soan-iông pháiⁿ ōe lâi kā góa húi-pòng. | 註釋 串珠 原文 典藏 |
6:14 | Góa ê Siōng-tè ah, To-bi-iah, San-bal-lat, lú-sian-ti No-a-tiah kah kî-tha hiahê sian-ti, lóng sī beh hō͘ góa kiaⁿ. Kiû Lí ē kì-tit in ê só͘ chò. | 註釋 串珠 原文 典藏 |
6:15 | E-lot goe̍h jī-gō͘, siâⁿ chhiûⁿ í-keng khí hó, kiōng gō͘-cha̍p jī ji̍t. | 註釋 串珠 原文 典藏 |
6:16 | Kang-têng Kiat-sokGoán só͘-ū ê tùi-te̍k thiaⁿ-.tio̍h, sì-kho͘-ûi ê gōa-pang lâng lóng tio̍h-kiaⁿ, kakī khòaⁿ-chò sī sit-pāi, in-ūi khòaⁿ tio̍h chit-ê kang-sū chò-chiâⁿ, sī chhut tī lán ê Siōng-tè. | 註釋 串珠 原文 典藏 |
6:17 | Tng hiahê ji̍t, Iô-tah ê kùi-cho̍k tiāⁿtiāⁿ kià phoe hō͘ To-bi-iah, To-bi-iah mā ēng phoe kā in hôe-hok. | 註釋 串珠 原文 典藏 |
6:18 | In-ūi tī Iô-tah ū chin chē lâng kah i kiat-bêng; in-ūi i sī A-la̍h ê kiáⁿ, Si-ka-niah ê kiáⁿ-sài, jî-chhiáⁿ i ê kiáⁿ Io-ha-nân chhōa Be-lé-kiah ê kiáⁿ Me-siu-lám ê chabó͘ kiáⁿ chò bó͘. | 註釋 串珠 原文 典藏 |
6:19 | In tiāⁿtiāⁿ tī góa ê bīn-chêng kóng-khí i ê hó só͘ kiâⁿ, mā kā góa ê ōe thoân hō͘ i. To-bi-iah koh tiāⁿtiāⁿ kià phoe hō͘ góa, beh hō͘ góa kiaⁿ. | 註釋 串珠 原文 典藏 |