章節 | 全民台語聖經全羅經文 | 註釋 |
2:1 | Nî-hí-miah Khì Ê-lú-sa-lèmAl-ta-siá-su-ta ông jī-cha̍p nî, nî-sàn goe̍h, ū chiú tī ông ê bīn-chêng, góa chiū kā ông kèng chiú. Góa pêng-sî tī ông ê bīn-chêng m̄ bat ū iu-būn ê bīn-sek. | 註釋 串珠 字典 原文 典藏 |
2:2 | Ông kā góa kóng, " Lí bô phòa-pēⁿ, ná ē bīn tài iu-iông? Che bô pa̍t hāng, sī lí sim-lāi ū iu-būn. " Góa chiū ánne chin kiaⁿ. | 註釋 串珠 原文 典藏 |
2:3 | Góa kā ông kóng, " Goān ông bān-sòe! Góa ê chó͘-sian hûn-bōng ê só͘-chāi hit-ê siâⁿ pha-hng, siâⁿ mn̂g lóng hō͘ hóe sio-.khì, góa ná ē-tàng bô tòa iu-iông? " | 註釋 串珠 字典 原文 典藏 |
2:4 | Ông mn̄g góa kóng, " Lí ài kiû siáⁿ-mi̍h? " Chiū ánne, góa kî-tó thiⁿ-téng ê Siōng-chú. | 註釋 串珠 原文 典藏 |
2:5 | Góa tùi ông kóng, " Ông nā hoaⁿ-hí, lí ê lô͘-po̍k tī lí ê bīn-chêng nā tit tio̍h un-tián, chiū kiû lí chhe góa khì Iô-tah, kàu góa ê chó͘-sian hûn-bōng hit-ê siâⁿ, góa thang koh khí hit-ê siâⁿ. " | 註釋 串珠 字典 原文 典藏 |
2:6 | Hit sî, ông-hō͘ kah ông chò-hóe chē, ông kā góa kóng, " Lí beh kiâⁿ ê lō͘-thêng tio̍h koh gōa kú? Tang sî beh tńg-.lâi? " Ông hoaⁿ-hí chhe góa-.khì, góa chiū kah i tiāⁿ tio̍h chi̍t-ê kî-hān. | 註釋 串珠 原文 典藏 |
2:7 | Góa koh kā ông kóng, " Ông nā hoaⁿ-hí, chhiáⁿ ēng chiàu-su hō͘ góa tòa-khì kau hō͘ hô gōa hiahê chóng-tok, chún góa keng-kòe khì-kàu Iô-tah; | 註釋 串珠 原文 典藏 |
2:8 | koh ēng chiàu-su chi̍t hong, kià hō͘ koán-lí ông ê chhiū-nâ ê koaⁿ A-sah, kiò i hō͘ góa chhâ-liāu, thang chò tiān piⁿ iâⁿ-pâng ê mn̂g kah siâⁿ chhiûⁿ, kah góa só͘ beh tòa ê chhù ê lō͘-ēng. " Ông chiū chún góa só͘ kiû ê, in-ūi góa ê Siōng-tè si un ê chhiú pang-chān góa. | 註釋 串珠 字典 原文 典藏 |
2:9 | Ông phài kúi-nā-ê peng-thâu kah bé-peng kah góa chò-hóe khì. Góa lâi-kàu hô gōa hiahê chóng-tok hia, kā ông ê chiàu-su kau hō͘ in. | 註釋 串珠 原文 典藏 |
2:10 | Hô-lóng lâng San-bal-lat kah chò lô͘-lē ê Am-móng lâng To-bi-iah, in thiaⁿ tio̍h ū lâng lâi beh ūi I-su-la-el lâng tô͘-bô͘ lī-ek, chiū chin hoân-ló. | 註釋 串珠 原文 典藏 |
2:11 | Góa kàu Ê-lú-sa-lèm, tī hia tòa saⁿ ji̍t. | 註釋 串珠 原文 典藏 |
2:12 | Góa pòaⁿ-mê khí-.lâi, ū kúi-nā-ê lâng kah góa chò-hóe; chóng-.sī, góa ê Siōng-chú kám-tōng góa ê sim só͘ beh ūi Ê-lú-sa-lèm chò ê, góa pēng bô kā lâng kóng. Tû góa khiâ ê chengseⁿ í-gōa, mā bô pa̍t chiah chengseⁿ kah góa khì. | 註釋 串珠 字典 原文 典藏 |
2:13 | Góa thàu-mê tùi soaⁿ-kok mn̂g chhut-.khì, lâi-kàu liông-chéⁿ ê thâu-chêng, mā lâi-kàu pùn-sò mn̂g, koan-chhat Ê-lú-sa-lèm ê siâⁿ chhiûⁿ, khòaⁿ tio̍h siâⁿ chhiûⁿ siū thiah-húi, siâⁿ mn̂g hō͘ hóe sio-.khì. | 註釋 串珠 字典 原文 典藏 |
2:14 | Góa koh chìn-chêng khì-kàu chúi-chôaⁿ ê mn̂g kah ông ê tî, chóng-.sī, tī hia bô chi̍t-ê ūi-á thang hō͘ góa khiâ ê chengseⁿ kòe-.khì. | 註釋 串珠 字典 原文 典藏 |
2:15 | Chiū ánne, góa thàu-mê iân khe chiūⁿ-.khì, koan-chhat siâⁿ chhiûⁿ, koh oa̍t tńg-sin, tùi soaⁿ-kok ê mn̂g ji̍p-.khì, chiah tńg-.lâi. | 註釋 串珠 字典 原文 典藏 |
2:16 | Hiahê koaⁿ-tiúⁿ m̄-chai góa khì tó-ūi, chò siáⁿ-mi̍h tāichì. Góa iáu-bōe ū kā Iô-tah ê jîn-bîn, chè-si, kùi-cho̍k, koaⁿ-tiúⁿ kah kî-tha chò-kang ê lâng kóng. | 註釋 串珠 原文 典藏 |
2:17 | Āu-lâi, góa kā in kóng, " Lán só͘ tú-.tio̍h ê hoān-lān, Ê-lú-sa-lèm án-chóaⁿ pha-hng, siâⁿ mn̂g hō͘ hóe sio, lín lóng ū khòaⁿ-.tio̍h. Lâi, lán koh lâi khí Ê-lú-sa-lèm ê siâⁿ chhiûⁿ, bián-tit lán koh siū lêng-jio̍k! " | 註釋 串珠 字典 原文 典藏 |
2:18 | Góa kā in kóng góa ê Siōng-tè ê chhiú án-chóaⁿ pang-chān góa, kah ông tùi góa kóng siáⁿ-mi̍h ōe; in kóng, " Lán khí-lâi khí-chō! " Chiū ánne, in chiū hùn-ióng chò chit-ê hó ê kang. | 註釋 串珠 原文 典藏 |
2:19 | Chóng-.sī, Hô-lóng lâng San-bal-lat kah chò lô͘-po̍k ê Am-móng lâng To-bi-iah, í-ki̍p A-la-puh lâng Ki-sióng, thiaⁿ-.tio̍h chiū kā goán thí-chhiò, khòaⁿ-khin goán, kóng, " Lín teh chhòng siáⁿ mi̍h? Kám sī beh pōe-poān ông? " | 註釋 串珠 原文 典藏 |
2:20 | Góa ìn in kóng, " Thiⁿ téng ê Siōng-tè beh hō͘ goán heng-khí. Goán chò I ê lô͘-po̍k ê beh khí-lâi khí-chō; chóng-.sī, lín tī Ê-lú-sa-lèm bô hūn, bô koân, bô miâ-jī. " | 註釋 串珠 原文 典藏 |