章節 | 全民台語聖經全羅經文 | 註釋 |
10:1 | Kah Gōa-pang Lî-hun ê Pān-hoatE-chu-la̍h kî-tó, jīn chōe, thî-khàu, phak tī Siōng-tè tiān chêng ê sî, ū tùi I-su-la-el tiong-kan lâi ê lâm-lí gín'á chū-chi̍p tī i hia, chiâⁿ-chò tāi-hōe, jîn-bîn khàu kah chin chhiⁿ-chhám. | 註釋 串珠 原文 典藏 |
10:2 | Sio̍k Ê-lám ê kiáⁿ-sun, Ia-chi-el ê kiáⁿ Si-ka-niah, ìn E-chu-la̍h kóng, " Goán tī chit-ê só͘-chāi ê jîn-bîn tiong-kan chhōa gōa-pang lâng ê chabó͘ kiáⁿ chò bó͘, pōe-ge̍k tio̍h lán ê Siōng-tè, chóng-.sī, I-su-la-el lâng tī chit-ê tāichì téng-bīn iáu koh ū thang ǹg-bāng. | 註釋 串珠 原文 典藏 |
10:3 | Taⁿ tio̍h kah lán ê Siōng-tè li̍p-iok, kā chiahê bó͘ kah in só͘ seⁿ ê lóng hō͘ in chhut-.khì, chiàu góa ê chú kah hiahê in-ūi Siōng-tè ê kài-bēng phi̍h-phi̍h chhoah ê lâng só͘ gī-tiāⁿ ê, chiàu lu̍t-hoat lâi kiâⁿ. | 註釋 串珠 原文 典藏 |
10:4 | Lí khí-.lâi, in-ūi chit-ê tāichì sī lí só͘ eng-kai pān ê, goán ē pang-chān lí, lí tio̍h hó-táⁿ lâi chò. " | 註釋 串珠 原文 典藏 |
10:5 | E-chu-la̍h chiū khí-.lâi, hō͘ chè-si hiahê thâu-lâng kah Lē-bī lâng, í-ki̍p I-su-la-el jîn-bîn chiùchōa, tio̍h chiàu chit-ê ōe khì kiâⁿ; in chiū chiùchōa. | 註釋 串珠 原文 典藏 |
10:6 | E-chu-la̍h chiū tùi Siōng-tè ê tiān chêng khí-.lâi, ji̍p-khì E-lí-a-sip ê kiáⁿ Io-ha-nân ê chhù, kàu hia bô chia̍h piáⁿ, mā bô lim chúi, in-ūi i ūi tio̍h siū lia̍h tńg-.lâi ê lâng só͘ hoān ê chōe lâi pi-siong. | 註釋 串珠 字典 原文 典藏 |
10:7 | In tùi Iô-tah kah Ê-lú-sa-lèm siū lia̍h tńg-.lâi ê lâng soan-pò͘, kiò in lóng lâi Ê-lú-sa-lèm chū-chi̍p. | 註釋 串珠 原文 典藏 |
10:8 | Kiàn-nā bô chun-thàn hiahê siú-léng kah tiúⁿ-ló só͘ gī-tiāⁿ, saⁿ ji̍t lāi bô lâi ê, chiū beh chhau i só͘-ū ê sán-gia̍p, beh kā i tùi siū lia̍h tńg-.lâi ê lâng ê hōe kek chhut-.khì. | 註釋 串珠 原文 典藏 |
10:9 | Chiū ánne, Iô-tah kah Biān-iá-mín kûn-chiòng, saⁿ ji̍t lāi lóng chū-chi̍p tī Ê-lú-sa-lèm. Hit ji̍t sī káu-goe̍h jī-cha̍p, kûn-chiòng lóng chē tī Siōng-tè tiān ê thâu-chêng khui-khoah ê só͘-chāi; in-ūi chit-ê tāichì, koh in-ūi lo̍h tōa hō͘, chiū phi̍h-phi̍h chhoah. | 註釋 串珠 字典 原文 典藏 |
10:10 | Chè-si E-chu-la̍h khí-.lâi, kā in kóng, " Lín ū chōe, lín chhōa gōa-pang ê chabó͘ kiáⁿ chò bó͘, ke-thiⁿ I-su-la-el lâng ê chōe. | 註釋 串珠 原文 典藏 |
10:11 | Taⁿ tio̍h ǹg Siōng-chú — lín chó͘-sian ê Siōng-tè jīn chōe, kiâⁿ I só͘ hoaⁿ-hí ê, kakī hun-pia̍t lī-khui chiahê kok ê jîn-bîn kah gōa-pang ê chabó͘ kiáⁿ. " | 註釋 串珠 原文 典藏 |
10:12 | Hōe-chiòng lóng tōa-siaⁿ ìn kóng, " Chiàu lí só͘ kóng koan-hē goán ê, goán beh chiàu ánne kiâⁿ, | 註釋 串珠 原文 典藏 |
10:13 | chóng-.sī, jîn-bîn chin chē, koh tú tio̍h tōa hō͘, goán bē tàng khiā tī gōa-bīn, che mā m̄-sī chi̍t ji̍t, nn̄g ji̍t ê tāichì, in-ūi goán tī chit-ê tāichì téng-bīn ū tōa-tōa hoān chōe; | 註釋 串珠 原文 典藏 |
10:14 | taⁿ tio̍h ūi choân hōe-chiòng siat-li̍p lán ê siú-léng. Kiàn-nā lán ê siâⁿ tiong chhōa gōa-pang ê chabó͘ kiáⁿ ê, tio̍h chiàu tiāⁿ tio̍h ê ji̍t-kî lâi, hit-ê siâⁿ ê tiúⁿ-ló, sū-su tio̍h kah in chò-hóe lâi, ti̍t-kàu lán ê Siōng-tè ūi tio̍h chit-ê tāichì ê siū-khì siu tò tńg-.khì. " | 註釋 串珠 原文 典藏 |
10:15 | To̍k-to̍k A-sa-hel ê kiáⁿ Io-ná-than, Tek-bah ê kiáⁿ Ia-ha-che-iah hoán-tùi chit-ê tāichì, koh ū Me-siu-lám kah Lē-bī lâng Sia-be-thài chàn-sêng in. | 註釋 串珠 原文 典藏 |
10:16 | Siū lia̍h tńg-.lâi ê lâng ánne kiâⁿ. Chè-si E-chu-la̍h kah cho̍k-tiúⁿ kúi-nā-ê lâng, chiàu in ê chong-cho̍k, lóng chiàu in ê miâ siū-phài; tī cha̍p-goe̍h chhe-it, in chò-hóe chē, lâi tiâu-cha chit-ê tāichì. | 註釋 串珠 原文 典藏 |
10:17 | Kàu chiaⁿ-goe̍h chhe-it, kiàn-nā chhōa gōa-pang ê chabó͘ kiáⁿ ê chiah oân-sêng hit-ê tāichì. | 註釋 串珠 原文 典藏 |
10:18 | Chhōa Gōa-pang Cha-bó͘ kiáⁿ ê LângTī chè-si ê kiáⁿ-sun tiong, chhâ-chhut chhōa gōa-pang ê chabó͘ kiáⁿ ê, to̍h-sī Io-cha-tak ê kiáⁿ E-siu-ah ê ke, kah i ê hiaⁿ-tī Ma-a-se-iah, E-lí-e-chel, Ia-lip, Ge-tá-lia̍h. | 註釋 串珠 原文 典藏 |
10:19 | In chiū khan-chhiú kiat-bêng beh lî in ê bó͘. In-ūi in hoān chōe, chiū hiàn iûⁿ-kûn tiong chi̍t chiah mî-iûⁿ-káng, lâi sio̍k-chōe. | 註釋 串珠 字典 原文 典藏 |
10:20 | Im-mel ê kiáⁿ-sun tiong, ū Ha-na-nih kah Che-ba-tiah. | 註釋 串珠 原文 典藏 |
10:21 | Ha-lîm ê kiáⁿ-sun tiong, ū Ma-a-se-iah, E-li-iah, Si-má-iah, Ia-chi-el kah U-chi-iah. | 註釋 串珠 原文 典藏 |
10:22 | Pa-si-hul ê kiáⁿ-sun tiong, ū E-lio-e-nái, Ma-a-se-iah, I-si-ma-el, Na-than-el, Io-cha-bat kah Ê-lī-a-chal. | 註釋 串珠 原文 典藏 |
10:23 | Lē-bī lâng tiong, ū Io-cha-bat, Si-mí, Ke-la-iah, Ke-la-iah to̍h-sī Ke-li-thah, koh ū Pe-tha-hiah, Iô-tah kah E-lí-e-chel. | 註釋 串珠 原文 典藏 |
10:24 | Chhiùⁿ koa ê lâng ê tiong-kan, ū E-lí-a-sip. Kò͘-mn̂g ê lâng ê tiong-kan ū Sia-lúm, The-lêm kah U-lī. | 註釋 串珠 字典 原文 典藏 |
10:25 | I-su-la-el lâng Pa-lo-sih ê kiáⁿ-sun tiong-kan, ū La-miah, I-si-iah, Mal-ki-iah, Mi-iá-mín, Ê-lī-a-chal, Mal-ki-iah kah Be-ná-iah. | 註釋 串珠 原文 典藏 |
10:26 | Ê-lám ê kiáⁿ-sun tiong, ū Mat-tá-niah, Cha-kha-lī-a, Ia-chi-el, Ap-tí, E-li-mo͘t kah E-li-iah. | 註釋 串珠 原文 典藏 |
10:27 | Chat-thó͘ ê kiáⁿ-sun tiong-kan, ū E-lio-e-nái, E-lí-a-sip, Mat-tá-niah, E-li-mo͘t, Cha-bat kah A-chi-chah. | 註釋 串珠 原文 典藏 |
10:28 | Be-bái ê kiáⁿ-sun tiong-kan, ū Io-ha-nân, Ha-na-niah, Cha-bái kah Al-toh. | 註釋 串珠 原文 典藏 |
10:29 | Ba-nî ê kiáⁿ-sun tiong-kan, ū Me-siu-lám, Mal-luk, A-ta-iah, Ia-siup, Sia-al kah E-li-mo͘t. | C註釋 註釋 串珠 原文 典藏 |
10:30 | Pa-hat-mo͘-ap ê kiáⁿ-sun tiong-kan, ū At-ná, Ge-la̍h, Be-ná-iah, Ma-a-se-iah, Mat-tá-niah, Be-cha-lel, Bin-núi kah Má-ná-se. | 註釋 串珠 原文 典藏 |
10:31 | Ha-lîm ê kiáⁿ-sun tiong, ū E-lí-e-chel, I-si-siah, Mal-ki-iah, Si-má-iah, Si-miān, | 註釋 串珠 原文 典藏 |
10:32 | Biān-iá-mín, Mal-luk kah Si-ma-liah. | 註釋 串珠 原文 典藏 |
10:33 | Ha-siúm ê kiáⁿ-sun tiong-kan, ū Mat-te-nái, Mat-thah, Cha-bat, E-li-hoe-lia̍t, E-le-mái, Má-ná-se kah Si-mí. | 註釋 串珠 原文 典藏 |
10:34 | Ba-nî ê kiáⁿ-sun tiong-kan, ū Ma-tái, Àm-lâm, U-el, | 註釋 串珠 原文 典藏 |
10:35 | Be-ná-iah, Be-te-iah, Ke-lu-hi, | 註釋 串珠 原文 典藏 |
10:36 | Oa-ni-ah, Me-le-mo͘t, E-lí-a-sip, | 註釋 串珠 原文 典藏 |
10:37 | Mat-tá-niah, Mat-te-nái, ngá-sò, | 註釋 串珠 原文 典藏 |
10:38 | Ba-nî, Bin-núi, Si-mí, | 註釋 串珠 原文 典藏 |
10:39 | Si-le-mi-ah, Ná-than, A-ta-iah, | 註釋 串珠 原文 典藏 |
10:40 | Mak-nat-bāi, Sia-sài, Sia-lái, | 註釋 串珠 原文 典藏 |
10:41 | A-cha-liah, Si-le-mi-ah, Si-ma-liah, | 註釋 串珠 原文 典藏 |
10:42 | Sia-lúm, A-ma-lí-ah kah Iô-sé-huh. | 註釋 串珠 原文 典藏 |
10:43 | Ne-bó ê kiáⁿ-sun tiong-kan, ū E-i-el, Mat-ta-thí-iah, Cha-bat, Che-bí-nah, ngá-tāi, Iô-el kah Be-ná-iah. | 註釋 串珠 原文 典藏 |
10:44 | Chiahê lâng lóng chhōa gōa-pang lâng ê chabó͘ kiáⁿ chò bó͘, kî-tiong mā ū lâng tùi chiahê chabó͘ kiáⁿ seⁿ kiáⁿ-jî. | 註釋 串珠 原文 典藏 |