章節 | 全民台語聖經全羅經文 | 註釋 |
6:1 | Tiông-sin Hoat-hiān Ko-le-si Hông-tè ê Bēng-lēngChiū ánne, Ta-lió-suh ông chhut lēng, lâng chiū khì chhōe tián-chheh ê kim-khò͘, to̍h-sī tī Ba-bú-lông khǹg pó-bu̍t ê só͘-chāi. | 註釋 串珠 原文 典藏 |
6:2 | Tī Ek-má-tha ê Ma-tái séng ê kiong lāi, chhōe tio̍h chi̍t pún, hit lāi-bīn kì-chài kóng, | 註釋 串珠 字典 原文 典藏 |
6:3 | " Ko-le-si ông goân nî, Ko-le-si ông chhut lēng, koan-hē tī Ê-lú-sa-lèm Siōng-tè ê tiān kóng, tio̍h khí hit keng tiān, thang chò hiàn chè ê só͘-chāi, tē-ki hē hō͘ i ê kian-kò͘, tiān koân la̍k-cha̍p tiú, khoah la̍k-cha̍p tiú, | 註釋 串珠 原文 典藏 |
6:4 | ēng tōa chio̍h saⁿ ûn, sin ê chhâ chi̍t ûn, keng-hùi tio̍h khai ông-ka ê. | 註釋 串珠 原文 典藏 |
6:5 | Jî-chhiáⁿ Siōng-tè tiān lāi kim-gîn ê khì-kū, to̍h-sī Nep-kat-ne-chal tùi Ê-lú-sa-lèm ê tiān lāi the̍h chhut-.lâi, tòa-lâi Ba-bú-lông ê tio̍h koh hêng i, tòa kàu Ê-lú-sa-lèm ê tiān, kok chiàu goân ūi hē tī Siōng-tè ê tiān. " | 註釋 串珠 原文 典藏 |
6:6 | Ta-lió-suh Ông Hā-lēng Kè-sio̍k Kiàn Tiān" Taⁿ tī hô gōa ê chóng-tok Ta̍t-nái kah Se-tal-bo-che-nái, í-ki̍p lín ê tâng-phōaⁿ, to̍h-sī tòa tī hô gōa ê A-hoal-sa-kái lâng, lín tio̍h lī-khui in, | 註釋 串珠 原文 典藏 |
6:7 | m̄ thang chó͘-chí in khí Siōng-tè tiān ê kang, chhut-chāi Iô-tah ê chóng-tok kah Iô-tah ê tiúⁿ-ló, tī goân ūi khí Siōng-chú chit keng tiān. | 註釋 串珠 原文 典藏 |
6:8 | Góa koh kàng chí, lín tio̍h án-chóaⁿ kiâⁿ tī Iô-tah ê tiúⁿ-ló, kā in pang-chān lâi khí hit keng Siōng-tè ê tiān, to̍h-sī tio̍h tùi hô gōa ê hiòng-sòe tiong-kan thiu-chhut ông ê gîn hāng, kín hō͘ hiahê lâng chò keng-hùi, bián-tit tam-gō͘. | 註釋 串珠 原文 典藏 |
6:9 | In só͘ tio̍h ēng ê gû-káng-á, mî-iûⁿ-káng, mî-iûⁿ-á, chò sio-chè hiàn hō͘ thiⁿ-téng ê Siōng-tè, í-ki̍p sió-be̍h, iâm, chiú, iû, lóng chiàu Ê-lú-sa-lèm ê chè-si só͘ kóng ê, ta̍k ji̍t hō͘ i, m̄ thang sit-gō͘; | 註釋 串珠 字典 原文 典藏 |
6:10 | thang hō͘ in hiàn phang-phang ê chè-sū hō͘ thiⁿ-téng ê Siōng-tè, koh tio̍h ūi ông kah ông hiahê kiáⁿ ê oa̍h-miā lâi kî-tó. | 註釋 串珠 原文 典藏 |
6:11 | Góa koh kàng chí, nā ū lâng kái-ōaⁿ chit-ê bēng-lēng, chiū beh tùi i ê chhù thiah chi̍t ki êⁿ-á, lâi kí-khí hit-ê lâng, kā i tiàu tī hit téng-bīn, hō͘ i ê chhù ūi tio̍h ánne piàn-chò pùn-sò-tui. | 註釋 串珠 原文 典藏 |
6:12 | Nā ū ông kah jîn-bîn tāng chhiú kái-ōaⁿ chit-ê bēng-lēng, húi-hoāi tī Ê-lú-sa-lèm hit keng Siōng-tè ê tiān, goān an-tì I ê miâ tī hia ê Siōng-tè kā in bia̍t-bông. Góa — Ta-lió-suh chhut chit-ê bēng-lēng, tio̍h kóaⁿ-kín chiàu ánne khì kiâⁿ. " | 註釋 串珠 原文 典藏 |
6:13 | Hōng-hiàn Sèng-tiānChiū ánne, hô gōa ê chóng-tok Ta̍t-nái kah Se-tal-bo-che-nái, í-ki̍p in ê tâng-phōaⁿ, in-ūi Ta-lió-suh ông só͘ chhut ê lēng, chiū kóaⁿ-kín chiàu ánne kiâⁿ. | 註釋 串珠 原文 典藏 |
6:14 | Iô-tah ê tiúⁿ-ló in-ūi sian-ti Ha-gái kah It-tó͘ ê sun Cha-kha-lī-a ê sian-ti ōe, chiū khí-chō, lâi heng-thong. In chun-thàn I-su-la-el Siōng-tè ê kài-bēng kah Ko-le-si, Ta-lió-suh, í-ki̍p Phel-siah ông Al-ta-siá-su-ta ê siōng-jū, khí-chō oân-kang. | 註釋 串珠 原文 典藏 |
6:15 | Tng Ta-lió-suh ông chē-ūi tē-la̍k nî, A-ta̍t goe̍h chhe-saⁿ, chit-ê tiān chiū khí hó-sè. | 註釋 串珠 原文 典藏 |
6:16 | I-su-la-el lâng ê chè-si kah Lē-bī lâng, í-ki̍p kî-tha siū lia̍h tńg-.lâi ê lâng, lóng hoaⁿ-hoaⁿ hí-hí kiâⁿ hiàn Siōng-tè tiān ê lé. | 註釋 串珠 原文 典藏 |
6:17 | Kiâⁿ hiàn Siōng-tè tiān ê lé, chiū hiàn gû-káng chi̍t pah chiah, mî-iûⁿ-káng nn̄g pah chiah, mî-iûⁿ-á sì pah chiah. Koh chiàu I-su-la-el chi-cho̍k ê sò͘-gia̍h, hiàn soaⁿ-iûⁿ-káng cha̍p-jī chiah, ūi I-su-la-el jîn-bîn chò sio̍k-chōe-chè. | 註釋 串珠 字典 原文 典藏 |
6:18 | Chiū phài chè-si chiàu i ê pan-lia̍t, Lē-bī lâng chiàu i ê chhù-sū, ho̍k-sāi tiàm tī Ê-lú-sa-lèm ê Siōng-tè, sī chiàu Mô͘-se ê chheh só͘ kì-chài ê. | 註釋 串珠 原文 典藏 |
6:19 | Pôaⁿ-kòe-chehChiaⁿ-goe̍h cha̍p-sì, siū lia̍h tńg-.lâi ê jîn-bîn siú Pôaⁿ-kòe-cheh. | 註釋 串珠 原文 典藏 |
6:20 | Chè-si kah Lē-bī lâng sio-kāng chheng-khì kakī, in lóng chheng-khì, koh ūi tio̍h siū lia̍h tńg-.lâi ê lâng kah in ê hiaⁿ-tī hiahê chè-si, mā ūi kakī thâi Pôaⁿ-kòe-cheh ê iûⁿ-á. | 註釋 串珠 原文 典藏 |
6:21 | Tùi siū lia̍h tńg-.lâi ê I-su-la-el lâng kah kakī hun-pia̍t lī-khui chit só͘-chāi ê gōa-pang lâng ê ù-òe, lâi kui óa in, cháu-chhōe Siōng-chú — I-su-la-el ê Siōng-tè ê, lóng lâi chia̍h, | 註釋 串珠 原文 典藏 |
6:22 | Hoaⁿ-hoaⁿ hí-hí siú Tû-kàⁿ-cheh chhit ji̍t; in-ūi Siōng-chú hō͘ in hoaⁿ-hí, koh hō͘ A-siul ông ê sim oa̍t tńg-lâi ǹg in, lâi kian-kò͘ in ê chhiú, chò Siōng-tè tiān ê kang, to̍h-sī I-su-la-el ê Siōng-tè ê. | 註釋 串珠 字典 原文 典藏 |