章節 | 全民台語聖經全羅經文 | 註釋 |
1:1 | Ko-le-si Ông Hā-lēng Iô-tá-iah Lâng Hôe-kokTng Phel-siah ông Ko-le-si goân nî, in-ūi beh èng-giām Siōng-chú thok I-é-lí-miah só͘ kóng ê ōe, Siōng-chú chiū kek-tōng Phel-siah ông Ko-le-si ê sim, hō͘ i soan-pò͘ tī choân kok, koh siá bēng-lēng, kóng, | 註釋 串珠 原文 典藏 |
1:2 | Phel-siah ông Ko-le-si ánne kóng, ' Thiⁿ téng ê Siōng-tè — Siōng-chú kā thian-hā ê bān-kok siúⁿ-sù hō͘ góa, koh bēng-lēng góa tī Iô-tah ê Ê-lú-sa-lèm kā I khí tiān. | 註釋 串珠 原文 典藏 |
1:3 | Lín tiong-kan kiàn-nā chò I ê chú-bîn ê, thang chiūⁿ-khì Iô-tah ê Ê-lú-sa-lèm, tī Ê-lú-sa-lèm koh khí Siōng-chú — I-su-la-el Siōng-tè ê tiān. Goān i ê Siōng-tè kah i tông-chāi ( I chin-chiàⁿ sī Siōng-tè ). | 註釋 串珠 原文 典藏 |
1:4 | Kiàn-nā só͘ chhun lo̍h-.lâi ê lâng, bô-lūn kià-kha tī siáⁿ-mi̍h só͘-chāi, hit só͘-chāi ê lâng tio̍h ēng kim-gîn, châi-bu̍t kah chengseⁿ, kā i pang-chān, lēng-gōa mā tio̍h ūi Ê-lú-sa-lèm Siōng-tè ê tiān, kam-sim hiàn lé-mi̍h. '" | 註釋 串珠 字典 原文 典藏 |
1:5 | Chiū ánne, Iô-tah kah Biān-iá-mín ê cho̍k-tiúⁿ, chè-si, Lē-bī lâng, kiàn-nā hō͘ Siōng-chú kek-tōng i ê sim ê, lóng khí-.lâi, beh chiūⁿ-khì Ê-lú-sa-lèm, khí Siōng-chú ê tiān. | 註釋 串珠 原文 典藏 |
1:6 | In sì-kho͘-ûi ê lâng chiū ēng gîn-khì, ēng kim, châi-bu̍t, chengseⁿ, pó-pòe pó͘-chō͘ in, lēng-gōa koh ū kam-sim hiàn ê lé-mi̍h. | 註釋 串珠 原文 典藏 |
1:7 | Ko-le-si ông mā kā Siōng-chú tiān lāi ê khì-kū the̍h chhut-.lâi, to̍h-sī chêng Nep-kat-ne-chal tùi Ê-lú-sa-lèm poaⁿ-.lâi ê, hē tī i hiahê sîn-bêng ê biō ê. | 註釋 串珠 字典 原文 典藏 |
1:8 | Chiahê khì-kū, Phel-siah ông Ko-le-si thok koán khò͘-pâng ê Mit-le-tat the̍h chhut-lâi tiám-sǹg, kau hō͘ Iô-tah ê siú-léng Se-si-ba-chal. | 註釋 串珠 原文 典藏 |
1:9 | In ê sò͘-gia̍h kì tī ē-bīn: kim-pôaⁿ saⁿ-cha̍p tè, gîn-pôaⁿ chi̍t chheng tè, to jī-cha̍p káu ki, | 註釋 串珠 字典 原文 典藏 |
1:10 | kim óaⁿ saⁿ-cha̍p tè, tē-jī kip ê gîn-óaⁿ sì-pah cha̍p tè, pa̍t chióng ê khì-kū chi̍t chheng kiāⁿ. Kim-gîn ê khì-kū kiōng gō͘-chheng sì-pah kiāⁿ. | 註釋 串珠 字典 原文 典藏 |
1:11 | Chhōa siū lia̍h ê lâng tùi Ba-bú-lông lâi-kàu Ê-lú-sa-lèm ê sî, Se-si-ba-chal kā chiahê lóng tòa-.khì. | 註釋 串珠 原文 典藏 |