章節 | 全民台語聖經全羅經文 | 註釋 |
34:1 | Iô-tah Ông Io-si-iah( LOH 22: 1-2)Io-si-iah chē-ūi ê sî peh hòe, tī Ê-lú-sa-lèm chò ông kiōng saⁿ-cha̍p it nî. | 註釋 串珠 原文 典藏 |
34:2 | I kiâⁿ Siōng-chú só͘ khòaⁿ-chò hó ê tāichì, chiàu ánne kiâⁿ i ê chó͘-sian Ta-bi̍t só͘-ū ê lō͘, bô phian chó, mā bô phian iū. | 註釋 串珠 字典 原文 典藏 |
34:3 | Io-si-iah Kong-kek Ī-kàu ê Kèng-pàiI chò ông tē-peh nî, iáu koh siàu-liân, chiū khai-sí cháu-chhōe i ê chó͘-sian Ta-bi̍t ê Siōng-tè. Kàu cha̍p-jī nî chiū khai-sí chheng-khì Iô-tah kah Ê-lú-sa-lèm, tû-khì soaⁿ-thâu tôaⁿ kah hiahê A-si-lah, í-ki̍p tiau-khek ê siōng kah chù-chō ê siōng. | 註釋 串珠 字典 原文 典藏 |
34:4 | In tī i ê bīn-chêng húi-hoāi hiahê Ba-al ê tôaⁿ, i chhò-tn̄g tôaⁿ téng koân-koân ê ji̍t-thâu siōng, koh phah-chhùi hiahê A-si-lah kah tiau-khek ê siōng, í-ki̍p chù ê ngó͘-siōng, kā i tûi chò hún, iā tī bat chè-sū i ê lâng ê bōng, | 註釋 串珠 字典 原文 典藏 |
34:5 | Kā in ê chè-si ê kut-thâu tī in ê tôaⁿ téng sio-tiāu, chheng-khì Iô-tah kah Ê-lú-sa-lèm. | 註釋 串珠 字典 原文 典藏 |
34:6 | Tī Má-ná-se, E-hu-laim, Si-miān, kàu tī Ná-hu-tha-lím hiahê siâⁿ kah sì-kho͘-ûi phò-hoāi ê só͘-chāi, lóng mā sī ánne kiâⁿ. | 註釋 串珠 字典 原文 典藏 |
34:7 | Koh thiah-húi chè-tôaⁿ, phah-chhùi A-si-lah kah tiau-khek ê siōng chiâⁿ-chò hún, chhò-tn̄g I-su-la-el choân tē só͘-ū ê ji̍t-thâu siōng liáu-āu, chiū tńg-khì Ê-lú-sa-lèm. | 註釋 串珠 字典 原文 典藏 |
34:8 | Hoat-hiān Lu̍t-hoat-su( LOH 22: 3-20)Io-si-iah ông cha̍p-peh nî, chheng-khì tē kah chheng-khì tiān í-āu, chiū chhe A-cha-liah ê kiáⁿ Sia-hóaⁿ, siâⁿ-siú Ma-a-se-iah kah sú-koaⁿ E-hoa-há-chuh ê kiáⁿ Io-oah, khì siu-lí Siōng-chú — i ê Siōng-tè ê tiān. | 註釋 串珠 原文 典藏 |
34:9 | In chiū khì kìⁿ tōa-chè-si Hil-kí-iah, kā só͘-ū hiàn tī Siōng-chú tiān ê gîn kau hō͘ i; chit-ê gîn sī kò͘-mn̂g ê Lē-bī lâng, tùi Má-ná-se, E-hu-laim kah só͘-ū I-su-la-el chhun lo̍h-.lâi ê lâng, í-ki̍p Iô-tah, Biān-iá-mín kûn-chiòng kah tòa tī Ê-lú-sa-lèm ê jîn-bîn siu-.lâi ê. | 註釋 串珠 字典 原文 典藏 |
34:10 | In kā hit-ê gîn kau hō͘ koán-lí Siōng-chú tiān chò-kang lâng ê chhiú, choán-kau hō͘ Siōng-chú tiān chò-kang ê lâng kā tiān siu-lí hō͘ i hó-sè. | 註釋 串珠 原文 典藏 |
34:11 | Chiū-sī kau hō͘ ba̍k-chhiūⁿ kah khí-chō ê, hō͘ in bé kòe-phah ê chio̍h kah só͘ su-iàu ê chhâ-liāu, siu-lí Iô-tah ông só͘ húi-hoāi ê hiahê chhù. | 註釋 串珠 字典 原文 典藏 |
34:12 | Hiahê lâng chīn-tiong chò-kang, tok-kang ê sī Lē-bī lâng Me-la-lih ê kiáⁿ-sun Ia-hat kah O-ba-tiah; tok-chhui ê sī Ko-hat ê kiáⁿ-sun Cha-kha-lī-a kah Me-siu-lám, koh ū chàu ga̍k ê Lē-bī lâng. | 註釋 串珠 字典 原文 典藏 |
34:13 | In mā koán-lí hiahê ka-taⁿ mi̍h-kiāⁿ ê lâng, tok-chhui só͘-ū ê chò-kang ê, bô-lūn chò siáⁿ-mi̍h kang. Lē-bī lâng ū ê chò su-kì, chò koaⁿ-oân, chò koán-mn̂g ê. | 註釋 串珠 字典 原文 典藏 |
34:14 | In kā só͘-ū hiàn tī Siōng-chú tiān ê gîn tòa chhut-khì ê sî, chè-si Hil-kí-iah ngó͘-jiân tit tio̍h Mô͘-se só͘ thoân Siōng-chú lu̍t-hoat ê chheh. | 註釋 串珠 字典 原文 典藏 |
34:15 | Hil-kí-iah kā su-kì Sia-hóaⁿ kóng, " Góa tī Siōng-chú tiān lāi ngó͘-jiân tit tio̍h lu̍t-hoat ê chheh. " Hil-kí-iah chiū kā chheh kau hō͘ Sia-hóaⁿ. | 註釋 串珠 字典 原文 典藏 |
34:16 | Sia-hóaⁿ chiū tòa chheh khì ông hia, koh hôe-hok ông kóng, " Kiàn-nā lí só͘ kau-thok lí ê lô͘-po̍k ê, in lóng teh chò. | 註釋 串珠 字典 原文 典藏 |
34:17 | Tī Siōng-chú tiān só͘ tit tio̍h ê gîn lóng piàⁿ chhut-.lâi, kau hō͘ tok-kang ê kah chò-kang lâng ê chhiú. " | 註釋 串珠 字典 原文 典藏 |
34:18 | Su-kì Sia-hóaⁿ koh tùi ông kóng, " Chè-si Hil-kí-iah ū the̍h chi̍t pún chheh hō͘ góa. " Sia-hóaⁿ chiū tī ông ê bīn-chêng kā i tiah iàu-tiám lâi tha̍k. | 註釋 串珠 字典 原文 典藏 |
34:19 | Ông thiaⁿ tio̍h lu̍t-hoat ê ōe, chiū thiah-li̍h i ê saⁿ. | 註釋 串珠 字典 原文 典藏 |
34:20 | Ông hoan-hù Hil-kí-iah kah Sia-hóaⁿ ê kiáⁿ A-hi-kam, Mi-ka ê kiáⁿ Ap-tòng, su-kì Sia-hóaⁿ kah ông ê kīn-sîn A-sa-iah, kóng, | 註釋 串珠 原文 典藏 |
34:21 | " Lín khì ūi góa, mā ūi I-su-la-el kah Iô-tah só͘ lâu lo̍h-.lâi ê jîn-bîn, kā só͘ khioh tio̍h ê hit pún chheh ê ōe mn̄g Siōng-chú; in-ūi Siōng-chú ê siū-khì tōa-tōa piàⁿ lo̍h-lâi tī lán, sī ūi tio̍h lán ê chó͘-sian bô siú Siōng-chú ê ōe, bô chiàu chit pún chheh it-chhè só͘ kì-chài ê khì kiâⁿ. " | 註釋 串珠 字典 原文 典藏 |
34:22 | Chiū ánne, Hil-kí-iah kah ông só͘ thok ê lâng, lóng khì kìⁿ lú-sian-ti Hol-tah. I sī Hap-su-la̍h ê sun, Tô-khó-hap ê kiáⁿ, koán-lí lé-ho̍k hit-ê Sia-lúm ê bó͘. I tòa tī Ê-lú-sa-lèm tē-jī khu; in kā chit-ê ì-sù tùi i kóng. | 註釋 串珠 字典 原文 典藏 |
34:23 | I ìn in kóng, " Siōng-chú — I-su-la-el ê Siōng-tè ánne kóng, ' Lín khì hôe-hok hit-ê chhe lín lâi kìⁿ góa ê lâng kóng, | 註釋 串珠 原文 典藏 |
34:24 | Siōng-chú ánne kóng: Lí khòaⁿ, Góa beh kàng chai-hō tī chit só͘-chāi, í-ki̍p tòa tī chia ê jîn-bîn, to̍h-sī in tī Iô-tah ông bīn-chêng tha̍k ê chheh só͘ kì-chài ê hiahê chiù-chó͘. | 註釋 串珠 字典 原文 典藏 |
34:25 | In-ūi in khì-sak Góa, sio hiuⁿ tī pa̍t-ê sîn-bêng, ēng in ê chhiú só͘ chò ê kek Góa ê siū-khì, só͘-í, Góa ê tōa siū-khì piàⁿ lo̍h-khì tī chit só͘-chāi bô soah. ' | 註釋 串珠 字典 原文 典藏 |
34:26 | Chóng-.sī, chhe lín lâi mn̄g Siōng-chú ê Iô-tah ông, lín tio̍h ánne kā i kóng, ' Siōng-chú — I-su-la-el ê Siōng-tè ánne kóng: Kóng tio̍h lí só͘ thiaⁿ-.tio̍h ê ōe, | 註釋 串珠 原文 典藏 |
34:27 | lí ê sim chiū nńg, kakī khiam-pi tī Siōng-chú ê bīn-chêng, in-ūi lí thiaⁿ tio̍h I só͘ kóng kong-kek chit só͘-chāi kah tòa tī chia ê jîn-bîn ê ōe, hit sî lí tī Góa ê bīn-chêng kakī khiam-pi, koh thiah-li̍h lí ê saⁿ, tī Góa ê bīn-chêng thî-khàu, Góa í-keng thiaⁿ tio̍h lí ê ōe. Che sī Siōng-chú kóng ê. | 註釋 串珠 字典 原文 典藏 |
34:28 | Góa beh hō͘ lí kui lí ê chó͘-sian, lí ē pêng-an kui bōng, Góa só͘ beh kàng-lo̍h tī chit só͘-chāi kah tòa tī chia ê jîn-bîn it-chhè ê chai-hō, lí ê ba̍k-chiu it-tēng khòaⁿ bē tio̍h. '" In chiū tò tńg-khì kā ông hôe-hok. | 註釋 串珠 字典 原文 典藏 |
34:29 | Io-si-iah Li̍p-iok beh Sūn-ho̍k Siōng-chú( LOH 23: 1-20)Ông chiū chhe lâng chū-chi̍p Iô-tah kah Ê-lú-sa-lèm ê chèng tiúⁿ-ló. | 註釋 串珠 原文 典藏 |
34:30 | Ông chiū chiūⁿ-khì Siōng-chú ê tiān, Iô-tah kûn-chiòng kah tòa tī Ê-lú-sa-lèm ê jîn-bîn, í-ki̍p chè-si Lē-bī kah chèng lâng, bô-lūn tōa-sè, lóng kah i chò-hóe khì. Ông chiū kā Siōng-chú tiān lāi ngó͘-jiân tit tio̍h ê iok ê chheh, só͘-ū ê ōe lóng tha̍k hō͘ in thiaⁿ. | 註釋 串珠 字典 原文 典藏 |
34:31 | Ông khiā tī i ê ūi, tī Siōng-chú ê bīn-chêng li̍p-iok, beh chīn-sim, chīn-sèng sūn-ho̍k Siōng-chú, chun-siú I ê kài-bēng kah kiàn-chèng ê ōe, í-ki̍p lu̍t-lē, lâi chiâⁿ chit pún chheh só͘ kì-chài ê li̍p-iok ê ōe. | 註釋 串珠 字典 原文 典藏 |
34:32 | I hō͘ Ê-lú-sa-lèm kah Biān-iá-mín só͘-ū ê jîn-bîn lóng sêng-jīn chit-ê iok. Chiū ánne, tòa tī Ê-lú-sa-lèm ê jîn-bîn chiàu Siōng-chú ê iok lâi kiâⁿ, to̍h-sī in chó͘-sian ê Siōng-tè ê iok. | 註釋 串珠 原文 典藏 |
34:33 | Io-si-iah kā sio̍k I-su-la-el lâng hiahê tē, só͘-ū khó-ò͘ⁿ ê lóng tû-.khì, koh hō͘ só͘-ū tī I-su-la-el ê lâng ho̍k-sāi Siōng-chú — in ê Siōng-tè. Tng Io-si-iah tī-.leh ê ji̍t, jîn-bîn chun-thàn Siōng-chú — in chó͘-sian ê Siōng-tè, lóng bô lī-khui. | 註釋 串珠 原文 典藏 |