章節 | 全民台語聖經全羅經文 | 註釋 |
33:1 | Iô-tah Ông Má-ná-se( LOH 21: 1-9)Má-ná-se chē-ūi ê sî cha̍p-jī hòe, tī Ê-lú-sa-lèm chò ông kiōng gō͘-cha̍p gō͘ nî. | 註釋 串珠 原文 典藏 |
33:2 | I kiâⁿ Siōng-chú só͘ khòaⁿ-chò pháiⁿ ê tāichì, o̍h gōa-pang lâng só͘ kiâⁿ khó-ò͘ⁿ ê tāichì, to̍h-sī Siōng-chú tī I-su-la-el ê bīn-chêng só͘ kóaⁿ-chhut ê. | 註釋 串珠 原文 典藏 |
33:3 | In-ūi i ê lāu-pē Hi-che-kia só͘ húi-hoāi ê soaⁿ-thâu tôaⁿ i koh khí khí-.lâi, koh ūi hiahê Ba-al khí tôaⁿ, chò A-si-tha-lot, koh kèng-pài thiⁿ-téng ê bān-siōng lâi kā i ho̍k-sāi. | 註釋 串珠 字典 原文 典藏 |
33:4 | Tī Siōng-chú ê tiān lāi khí kúi-nā-ê tôaⁿ, Siōng-chú bat kí chit-ê tiān kóng, " Góa ê miâ ē éng-oán tī Ê-lú-sa-lèm. " | 註釋 串珠 字典 原文 典藏 |
33:5 | I tī Siōng-chú ê tiān ê nn̄g-ê īⁿ lāi, ūi tio̍h thiⁿ-téng ê bān-siōng khí tôaⁿ. | 註釋 串珠 字典 原文 典藏 |
33:6 | Koh tī Biān-hin-nóm ê soaⁿ-kok, hō͘ i ê kiáⁿ-jî keng-kòe hóe, koh khòaⁿ tiāu-thâu, ēng hoat-su̍t, si bû-su̍t, ēng thiàu-tâng ê, chhiáⁿ sai-kong, kiâⁿ chin chē Siōng-chú só͘ khòaⁿ-chò pháiⁿ ê tāichì, kek I siū-khì. | 註釋 串珠 原文 典藏 |
33:7 | Koh tī Siōng-chú ê tiān lāi, chhāi i só͘ chō tiau-khek ê siōng, chit keng tiān sī Siōng-chú bat tùi Ta-bi̍t kah i ê kiáⁿ Só͘-lô-móng kí i lâi kóng, " Chit keng tiān kah Ê-lú-sa-lèm to̍h-sī Góa tī I-su-la-el chèng chi-cho̍k tiong-kan só͘ kéng ê, Góa beh an-tì Góa ê miâ tī hia, ti̍t-kàu éng-oán. | 註釋 串珠 字典 原文 典藏 |
33:8 | I-su-la-el lâng nā chip-siú lâi kiâⁿ Góa it-chhè só͘ bēng-lēng in ê, to̍h-sī Góa thok Mô͘-se só͘ thoân it-chhè ê hoat-tō͘, lu̍t-lē kah lé-gî, Góa chiū bô koh î-sóa in ê kha, lâi lī-khui Góa só͘ tiāⁿ tio̍h hō͘ lín chó͘-sian ê tē. " | 註釋 串珠 原文 典藏 |
33:9 | Má-ná-se bê-he̍k tòa tī Iô-tah kah Ê-lú-sa-lèm ê jîn-bîn, tì-sú in só͘ kiâⁿ pháiⁿ pí Siōng-chú tī I-su-la-el lâng ê bīn-chêng só͘ bia̍t ê lia̍t kok, koh khah siong-tiōng. | 註釋 串珠 原文 典藏 |
33:10 | Má-ná-se Hóe-káiSiōng-chú hoan-hù Má-ná-se kah i ê jîn-bîn, chóng-.sī, in bô beh thiaⁿ. | 註釋 串珠 原文 典藏 |
33:11 | Só͘-í, Siōng-chú hō͘ A-siul ông ê kun-tiúⁿ lâi kā in kong-kek, ēng kau-á kau tio̍h Má-ná-se, ēng tâng-liān kā i pa̍k khí-.lâi, ah kàu Ba-bú-lông. | 註釋 串珠 字典 原文 典藏 |
33:12 | I tī hoān-lān ê sî, chiū khún-kiû Siōng-chú — i ê Siōng-tè, koh tī i ê chó͘-sian ê Siōng-tè ê bīn-chêng hui-siông khiam-pi. | 註釋 串珠 原文 典藏 |
33:13 | I kiû-kiò Siōng-tè, Siōng-chú chún i só͘ kiû, thiaⁿ i ê kî-tó, hō͘ i tńg-lâi Ê-lú-sa-lèm, iû-goân chē i ê kok-ūi, Má-ná-se chiah chai Siōng-chú sī Siōng-tè. | 註釋 串珠 原文 典藏 |
33:14 | Chit sî liáu-āu, Má-ná-se tī Ta-bi̍t ê siâⁿ gōa khí chhiûⁿ, tī Gi-hóng ê sai pêng, tī soaⁿ-kok lāi, kàu hî-mn̂g ê mn̂g-kháu, ûi-se̍h O͘-phoe-l, chhiûⁿ khí chin koân, koh siat-li̍p kun-tiúⁿ tī Iô-tah hiahê kian-kò͘ ê siâⁿ lāi. | 註釋 串珠 字典 原文 典藏 |
33:15 | Koh tùi Siōng-chú ê tiān tû-khì hiahê gōa-pang ê sîn-bêng kah ngó͘-siōng, koh tī Siōng-chú tiān ê soaⁿ kah Ê-lú-sa-lèm só͘ khí hiahê tôaⁿ, lóng hiat-khì siâⁿ gōa. | 註釋 串珠 字典 原文 典藏 |
33:16 | Koh khí Siōng-chú ê chè-tôaⁿ, tī tôaⁿ téng hiàn siā-un-chè kah kám-siā-chè, bēng-lēng Iô-tah lâng ho̍k-sāi Siōng-chú — I-su-la-el ê Siōng-tè. | 註釋 串珠 字典 原文 典藏 |
33:17 | Chóng-.sī, jîn-bîn iû-goân tī soaⁿ-thâu tôaⁿ hiàn chè, to̍k-to̍k hiàn hō͘ Siōng-chú — i ê Siōng-tè niā-niā. | 註釋 串珠 字典 原文 典藏 |
33:18 | Má-ná-se Thóng-tī ê Kiat-sok( LOH 21: 17-18)Má-ná-se kî-tha ê tāichì kah i tùi Siōng-chú kî-tó ê ōe, í-ki̍p sian-kiàn hōng Siōng-chú — I-su-la-el ê Siōng-tè ê miâ tùi i kóng hiahê ōe, lóng kì tī I-su-la-el chiahê ông ê kì-lio̍k. | 註釋 串珠 原文 典藏 |
33:19 | I ê kî-tó kah Siōng-chú án-chóaⁿ ín-chún i, i bōe khiam-pi í-chêng ê chōe-kò kah kòe-sit, í-ki̍p khí soaⁿ-thâu tôaⁿ, siat-li̍p hiahê A-si-lah kah tiau-khek ngó͘-siōng hiahê só͘-chāi, lóng kì tī Ho-chái ê sú-kì. | 註釋 串珠 字典 原文 典藏 |
33:20 | Má-ná-se kah i ê chó͘-sian tâng khùn, bâi-chòng tī kakī ê kiong lāi. I ê kiáⁿ Am-móng sòa-chiap i chò ông. | 註釋 串珠 原文 典藏 |
33:21 | Iô-tah Ông Am-móng( LOH 21: 19-26)Am-móng chē-ūi ê sî jī-cha̍p jī hòe, tī Ê-lú-sa-lèm chò ông keng-kòe nn̄g nî. | 註釋 串珠 原文 典藏 |
33:22 | I kiâⁿ Siōng-chú só͘ khòaⁿ-chò pháiⁿ ê tāichì, o̍h i ê lāu-pē Má-ná-se só͘ chò ê, Am-móng chè-sū i ê lāu-pē Má-ná-se só͘ chō hiahê tiau-khek ê ngó͘-siōng, lâi kā i ho̍k-sāi. | 註釋 串珠 字典 原文 典藏 |
33:23 | Bô tī Siōng-chú ê bīn-chêng kakī khiam-pi, chhin-chhiūⁿ i ê lāu-pē Má-ná-se ê kakī khiam-pi. Chit-ê Am-móng ná lâi ná hoān chōe. | 註釋 串珠 原文 典藏 |
33:24 | I ê jîn-sîn pōe-poān i, tī ông-kiong lāi kā i thâi-sí. | 註釋 串珠 原文 典藏 |
33:25 | Chóng-.sī, jîn-bîn thâi-sí hiahê pōe-poān Am-móng ông ê lâng, jîn-bîn chiū siat-li̍p i ê kiáⁿ Io-si-iah sòa-chiap i chò ông. | 註釋 串珠 原文 典藏 |