章節 | 全民台語聖經全羅經文 | 註釋 |
32:1 | A-siul Lâng Ûi-khùn Ê-lú-sa-lèm( LOH 18: 13-37; 19: 14-19, 35-37; ISI 36: 1-22; 37: 8-38)Chiahê tāichì, Hi-che-kia tiong-si̍t ánne chò í-āu, A-siul ông Se-nah-khe-lip khí-.lâi, lâi chhim-ji̍p Iô-tah, chat iâⁿ ûi-khùn chiahê kian-kò͘ ê siâⁿ, siūⁿ beh cheng-ho̍k lâi chò kakī ê. | 註釋 串珠 原文 典藏 |
32:2 | Hi-che-kia khòaⁿ tio̍h Se-nah-khe-lip í-keng lâi, tiāⁿ tio̍h ì-sù beh kong-kek Ê-lú-sa-lèm, | 註釋 串珠 原文 典藏 |
32:3 | chiū kah i hiahê siú-léng í-ki̍p ióng-sū chham-siông, beh that-ba̍t siâⁿ gōa ê chúi-goân, in chiū kā i pang-chān. | 註釋 串珠 原文 典藏 |
32:4 | Chiū ánne, chin chē jîn-bîn chū-chi̍p lâi that-ba̍t só͘-ū ê chúi-goân kah lâu-kòe hit só͘-chāi ê khe, kóng, " A-siul hiahê ông lâi, ná ē-sái hō͘ i tit tio̍h chin chē chúi? " | 註釋 串珠 原文 典藏 |
32:5 | Hi-che-kia kian-kiông i ê sim-chì, khí hit-ê tó-hoāi ê siâⁿ chhiûⁿ, koân kàu chiú-keⁿ lâu, koh khí chi̍t chōa chhiûⁿ tī siâⁿ gōa, koh kian-kò͘ Ta-bi̍t siâⁿ ê Mi-lō͘, koh chè-chō chin chē chiàn-khì kah pîn-pâi; | 註釋 串珠 字典 原文 典藏 |
32:6 | siat-li̍p kun-tiúⁿ lâi koán-lí jîn-bîn, kā in chū-chi̍p kàu i hia, tī siâⁿ mn̂g khui-khoah ê só͘-chāi, ēng ōe kā in an-ùi kóng, | 註釋 串珠 字典 原文 典藏 |
32:7 | " Kian-kiông lín ê sim, chòng lín ê chì, m̄ thang in-ūi A-siul ông kah tòe i ê tōa kun-tūi lâi lún, lâi kiaⁿ; in-ūi kah lán tông-chāi ê pí kah in tông-chāi ê khah tōa. | 註釋 串珠 原文 典藏 |
32:8 | Kah i tông-chāi ê sī jio̍k-thé ê chhiú, kah lán tông-chāi ê sī Siōng-chú — lán ê Siōng-tè, I ē pang-chān lán, thè lán kau-chiàn. " Jîn-bîn chiū an-jiân óa-khò Iô-tah ông Hi-che-kia ê ōe. | 註釋 串珠 原文 典藏 |
32:9 | Āu-lâi, A-siul ông Se-nah-khe-lip kah i ê kun-tūi kong-kek La̍h-ki-sih ê sî, chiū chhe i ê lô͘-po̍k kàu Ê-lú-sa-lèm kìⁿ Iô-tah ông Hi-che-kia kah só͘-ū tī Ê-lú-sa-lèm ê Iô-tah lâng, kóng, | 註釋 串珠 原文 典藏 |
32:10 | " A-siul ông Se-nah-khe-lip ánne kóng, ' Lín óa-khò siáⁿ-mi̍h chiah lâu tī Ê-lú-sa-lèm siū ûi-khùn? | 註釋 串珠 原文 典藏 |
32:11 | Hi-che-kia kā lín kóng, ' Siōng-chú — lán ê Siōng-tè ē kiù lán thoat-lī A-siul ông ê chhiú. ' Che kám m̄-sī ín-iú lín, hō͘ lín iau koh chhùi-ta lâi sí? | 註釋 串珠 原文 典藏 |
32:12 | Chit-ê Hi-che-kia kám m̄-sī hùi-tû Siōng-chú ê soaⁿ-thâu tôaⁿ kah I hiahê tôaⁿ, bēng-lēng Iô-tah kah Ê-lú-sa-lèm ê lâng kóng, ' Lín tio̍h tī chit-ê tôaⁿ chêng kèng-pài, sio hiuⁿ tī hit téng-bīn. '? | 註釋 串珠 字典 原文 典藏 |
32:13 | " Góa kah góa ê chó͘-sian tùi lia̍t kok ê jîn-bîn só͘ kiâⁿ ê, lín kám m̄-chai? Lia̍t-pang ê sîn-bêng, hit sî kám ē kiù kakī ê kok thoat-lī góa ê chhiú? | 註釋 串珠 原文 典藏 |
32:14 | Góa ê chó͘-sian só͘ bia̍t-bông hiahê kok, in hiahê sîn-bêng ê tiong-kan siáⁿ lâng ē kiù i ê kok thoat-lī góa ê chhiú, lín ê Siōng-tè kám to̍h ē kiù lín thoat-lī góa ê chhiú? | 註釋 串珠 原文 典藏 |
32:15 | Só͘-í, m̄ thang hō͘ Hi-che-kia ánne kā lín phiàn, kā lín ín-iú, mā m̄ thang sìn i; in-ūi bô chi̍t pang chi̍t kok ê sîn-bêng ē kiù i ê jîn-bîn thoat-lī góa ê chhiú, thoat-lī góa ê chó͘-sian ê chhiú, hô-hòng lín ê Siōng-tè kám ē kiù lín thoat-lī góa ê chhiú? '" | 註釋 串珠 原文 典藏 |
32:16 | Se-nah-khe-lip ê jîn-sîn iáu koh kóng húi-pòng Siōng-chú — Siōng-tè kah I ê lô͘-po̍k Hi-che-kia ê ōe. | 註釋 串珠 原文 典藏 |
32:17 | Koh siá phoe húi-pòng Siōng-chú — I-su-la-el ê Siōng-tè, khau-sé I kóng, " Lia̍t-pang ê jîn-bîn ê sîn-bêng kì-jiân bē tàng kiù i ê jîn-bîn thoat-lī góa ê chhiú, Hi-che-kia ê Siōng-tè mā bē tàng kiù I ê chú-bîn thoat-lī góa ê chhiú. " | 註釋 串珠 字典 原文 典藏 |
32:18 | I hiahê jîn-sîn ēng Iô-tah ê khiuⁿ-kháu, tōa-siaⁿ kiò hiahê tī siâⁿ chhiûⁿ téng ê Ê-lú-sa-lèm lâng, beh hō͘ in kiaⁿ, kā in jiáu-loān, thang lâi cheng-ho̍k hit-ê siâⁿ. | 註釋 串珠 字典 原文 典藏 |
32:19 | In káng-lūn Ê-lú-sa-lèm ê Siōng-tè, chhin-chhiūⁿ teh káng-lūn sè-chiūⁿ hiahê jîn-bîn ê sîn-bêng, lâng ê chhiú só͘ chō ê ngó͘-siōng. | 註釋 串珠 原文 典藏 |
32:20 | Hi-che-kia ông kah A-mô͘-su ê kiáⁿ I-sá-iah sian-ti, in-ūi ánne chiū kî-tó, ǹg thiⁿ kiû-kiò. | 註釋 串珠 原文 典藏 |
32:21 | Siōng-chú chiū chhe chi̍t-ê sù-chiá ji̍p-khì A-siul ông ê iâⁿ tiong, kā hiahê tōa lêng-le̍k ê ióng-sū, í-ki̍p hiahê siú-léng kun-tiúⁿ choân-pō͘ bia̍t-tiāu. A-siul ông móa-bīn kiàn-siàu tńg-khì pún-kok, ji̍p-khì i ê sîn-bêng ê biō lāi, ū i chhin-seⁿ ê kiáⁿ tī hia ēng to kā i thâi-sí. | 註釋 串珠 字典 原文 典藏 |
32:22 | Án-ne, Siōng-chú kiù Hi-che-kia kah tòa tī Ê-lú-sa-lèm ê jîn-bîn thoat-lī A-siul ông Se-nah-khe-lip ê chhiú, mā thoat-lī só͘-ū tùi-te̍k ê chhiú, koh hō͘ in sì-kho͘-ûi pêng-an. | 註釋 串珠 原文 典藏 |
32:23 | Ū chin chē lâng tòa lé-mi̍h lâi-kàu Ê-lú-sa-lèm hiàn hō͘ Siōng-chú, koh kā pó-bu̍t sàng Iô-tah ông Hi-che-kia. Chit sî liáu-āu, Hi-che-kia hō͘ lia̍t pang khòaⁿ i chò chun-tōa. | 註釋 串珠 原文 典藏 |
32:24 | Hi-che-kia ê Phòa-pēⁿ kah Kiau-ngō͘( LOH 20: 1-3, 12-19; ISI 38: 1-3; 39: 1-8)Hit sî, Hi-che-kia phòa-pēⁿ teh beh sí, chiū tùi Siōng-chú kî-tó, Siōng-chú kā i kóng, koh hō͘ i chi̍t-ê tiāu-thâu. | 註釋 串珠 原文 典藏 |
32:25 | Chóng-.sī, Hi-che-kia bô chiàu i só͘ tit tio̍h ê un-tián lâi pò-tap, in-ūi i sim-lāi kiau-ngō͘, só͘-í, ū siū-khì kàu tī i kah Iô-tah í-ki̍p Ê-lú-sa-lèm. | 註釋 串珠 原文 典藏 |
32:26 | Chóng-.sī, Hi-che-kia kah tòa tī Ê-lú-sa-lèm ê jîn-bîn, in-ūi sim kiau-ngō͘ chiū kakī khiam-pi, tì-sú Siōng-chú ê siū-khì tī Hi-che-kia tī-.leh ê ji̍t bô kàu tī in. | 註釋 串珠 原文 典藏 |
32:27 | Hi-che-kia ê Châi-hù kah Chun-kùiHi-che-kia ū chin chē châi-bu̍t kah tōa êng-kng, chiū ūi kakī khí kim-khò͘, siu-chông kim-gîn, pó-chio̍h, phang-liāu, pîn-pâi kah ta̍k chióng ê pó-khì, | 註釋 串珠 字典 原文 典藏 |
32:28 | koh ūi tio̍h só͘ chhut ê ngó͘-kok, sin chiú kah iû lâi khí khò͘-pâng, koh ūi tio̍h ta̍k chióng ê chengseⁿ tah chháu-pêⁿ, khí iûⁿ-tiâu; | 註釋 串珠 字典 原文 典藏 |
32:29 | koh ūi kakī khí siâⁿ, koh ū chin chē gû-kûn, iûⁿ-kûn, in-ūi Siōng-tè siúⁿ-sù hō͘ i chin chē châi-sán. | 註釋 串珠 字典 原文 典藏 |
32:30 | Chit-ê Hi-che-kia mā that-ba̍t Gi-hóng téng-bīn ê chúi-chôaⁿ, ín chúi hō͘ i lo̍h-.lâi, lâu kàu Ta-bi̍t siâⁿ ê sai pêng. Hi-che-kia kiàn só͘ kiâⁿ ê lóng heng-thong. | 註釋 串珠 原文 典藏 |
32:31 | Chóng-.sī, Ba-bú-lông hiahê siú-léng chhe sù-chiá lâi i hia, beh mn̄g kok lāi só͘-ū ê kî-sū; tī chit-ê tāichì Siōng-tè lī-khui i, beh kā i chhì-giām, thang chai i sim-lāi choân-pō͘ só͘-ū ê. | 註釋 串珠 原文 典藏 |
32:32 | Hi-che-kia Thóng-tī ê Kiat-sok( LOH 20: 20-21)Hi-che-kia kî-tha ê tāichì kah i ê hó só͘ kiâⁿ, lóng kì tī A-mô͘-su ê kiáⁿ I-sá-iah sian-ti be̍k-sī ê chheh kah Iô-tah I-su-la-el chiahê ông ê kì-lio̍k. | 註釋 串珠 字典 原文 典藏 |
32:33 | Hi-che-kia kah i ê chó͘-sian tâng khùn, bâi-chòng tī Ta-bi̍t ê kiáⁿ-sun hûn-bōng khah koân ê só͘-chāi. I sí ê sî, Iô-tah lâng kah tòa tī Ê-lú-sa-lèm ê jîn-bîn, lóng chun-kèng i. I ê kiáⁿ Má-ná-se sòa-chiap i chò ông. | 註釋 串珠 字典 原文 典藏 |