章節 | 全民台語聖經全羅經文 | 註釋 |
20:1 | E-tóm ê Chiàn-chengChit sî liáu-āu, Mô͘-ap lâng kah Am-móng lâng, koh ū Mi-u-nî lâng chò-hóe lâi, beh kah Iô-sa-hoat kau-chiàn. | 註釋 串珠 原文 典藏 |
20:2 | Ū lâng lâi pò Iô-sa-hoat kóng, " Tùi hái-gōa kah tùi A-lâm hia ū tōa kun-tūi lâi kong-kek lí, taⁿ in tī Ha-cha-chóng-tha-mal." Ha-cha-chóng-tha-mal to̍h sī Ian-ge-tih. | 註釋 串珠 原文 典藏 |
20:3 | Iô-sa-hoat chiū kiaⁿ, tiāⁿ tio̍h ì-sù beh khún-kiû Siōng-chú, tī Iô-tah choân tē soan-pò͘ kìm-chia̍h. | 註釋 串珠 原文 典藏 |
20:4 | Chiū ánne, Iô-tah lâng chū-hōe, kiû Siōng-chú pang-chān. Iô-tah ta̍k-ê siâⁿ lóng ū lâng chhut-lâi cháu-chhōe Siōng-chú. | 註釋 串珠 原文 典藏 |
20:5 | Iô-sa-hoat chiū tī Iô-tah kah Ê-lú-sa-lèm ê hōe tiong, khiā tī Siōng-chú tiān ê sin īⁿ ê thâu-chêng, kóng, | 註釋 串珠 字典 原文 典藏 |
20:6 | " Siōng-chú — goán ê chó͘-sian ê Siōng-tè ah, Lí kám m̄-sī tī thiⁿ-.ni̍h ê Siōng-tè? Lí kám m̄-sī lia̍t pang bān-kok ê Chú-cháiⁿ? Tī Lí ê chhiú ū koân-lêng koh ū khùi-la̍t, bô chi̍t-ê lâng ē-tàng tí-te̍k Lí. | 註釋 串珠 原文 典藏 |
20:7 | Goán ê Siōng-tè ah, Lí kám m̄-sī bat tī Lí ê chú-bîn — I-su-la-el lâng ê bīn-chêng kóaⁿ-tio̍k tòa tī chit só͘-chāi ê jîn-bîn, kā i siúⁿ-sù hō͘ Lí ê pêng-iú — A-bu-la-hàm ê kiáⁿ-sun, ti̍t-kàu éng-oán? | 註釋 串珠 原文 典藏 |
20:8 | " In chiū tòa tī chit-ê só͘-chāi, koh in-ūi Lí ê miâ tī chia kā Lí khí chi̍t keng sèng-só͘, kóng, | 註釋 串珠 字典 原文 典藏 |
20:9 | ' Siat-sú ū chai-hō lîm-kàu goán, á-.sī to-kiàm, khián-chek, á-.sī un-e̍k, ki-hng, tng hoān-lān ê sî, goán ē khiā tī chit keng ê thâu-chêng, tī Lí ê bīn-chêng khún-kiû Lí, in-ūi Lí ê miâ sī tiàm tī chit keng tiān, Lí ē thiaⁿ goán ê kî-kiû lâi chín-kiù. ' | 註釋 串珠 字典 原文 典藏 |
20:10 | " Chá-chêng I-su-la-el lâng chhut Ai-gi̍p tē ê sî, Lí m̄-chún in chhim-hoān Am-móng lâng, Mô͘-ap lâng kah Se-il soaⁿ lâng, goán chiū lī-khui in, bô kā in siau-bia̍t. | 註釋 串珠 原文 典藏 |
20:11 | Lí khòaⁿ, in taⁿ án-chóaⁿ kā goán pò-èng, lâi kā goán kóaⁿ-chhut Lí ê sán-gia̍p, to̍h-sī Lí siúⁿ-sù hō͘ goán sêng-chiap ê. | 註釋 串珠 原文 典藏 |
20:12 | Goán ê Siōng-tè ah, Lí kám bô beh kā in chek-hoa̍t? In-ūi goán bô la̍t thang tí-tòng chit-ê lâi kong-kek goán ê tōa kun-tūi, goán mā m̄-chai tio̍h án-chóaⁿ kiâⁿ, goán ê ba̍k-chiu ngē-ngē beh ǹg Lí. " | 註釋 串珠 原文 典藏 |
20:13 | Iô-tah kûn-chiòng kah in ê sè-hàn gín'á, in ê bó͘, in ê kiáⁿ-jî, lóng khiā tī Siōng-chú ê bīn-chêng. | 註釋 串珠 原文 典藏 |
20:14 | Hit sî, Siōng-chú ê Sèng Sîn tī gī-hōe tiong lîm-kàu Ia-ha-chi-el, i sī Lē-bī lâng A-sah ê kiáⁿ-sun, Mat-ta-niah ê goân-sun, E-i-el ê kan-á-sun, Be-ná-iah ê sun, Che-ka-lí-ah ê kiáⁿ. | 註釋 串珠 原文 典藏 |
20:15 | I kóng, " Iô-tah kûn-chiòng, tòa tī Ê-lú-sa-lèm ê jîn-bîn kah Iô-sa-hoat ông — lí, lóng tio̍h thiaⁿ, Siōng-chú tùi lín ánne kóng, ' M̄-thang in-ūi chit-ê tōa kun-tūi lâi kiaⁿ, lâi lún, in-ūi chit-ê kau-chiàn m̄-sī chāi tī lín, to̍h-sī chāi tī Siōng-tè. | 註釋 串珠 原文 典藏 |
20:16 | Bîn-á-chài, lín tio̍h lo̍h-khì chiap tīn, in tùi Sé-su soaⁿ-phiâⁿ chiūⁿ-.lâi, lín ē tī E-lu-el khòng-iá thâu-chêng ê soaⁿ-kok kháu tú tio̍h in. | 註釋 串珠 原文 典藏 |
20:17 | Chit pái lín m̄-bián kau-chiàn, Iô-tah kah Ê-lú-sa-lèm, lín tio̍h pâi tīn khiā-.leh, khòaⁿ Siōng-chú lâi chín-kiù lín. M̄-bián kiaⁿ, m̄-bián lún, bîn-á-chài tio̍h chhut-khì in hia, in-ūi Siōng-chú kah lín tông-chāi. '" | 註釋 串珠 原文 典藏 |
20:18 | Iô-sa-hoat chiū àⁿ thâu phak tī thô͘-kha, Iô-tah kûn-chiòng kah tòa tī Ê-lú-sa-lèm ê jîn-bîn, mā lóng phak tī Siōng-chú ê bīn-chêng, kèng-pài Siōng-chú. | 註釋 串珠 原文 典藏 |
20:19 | Ko-hat cho̍k kah Khó-la̍h cho̍k ê Lē-bī lâng lóng khiā khí-.lâi, chhut ke̍k tōa ê siaⁿ lâi oló Siōng-chú — I-su-la-el ê Siōng-tè. | 註釋 串珠 原文 典藏 |
20:20 | Keh tńg kang, in chá-chá khí-.lâi, chhut-khì The-ko-oah ê khòng-iá. Chhut-khì ê sî, Iô-sa-hoat khiā-teh kóng, " Iô-tah lâng kah tòa tī Ê-lú-sa-lèm ê jîn-bîn, tio̍h thiaⁿ góa kóng, lín tio̍h sìn Siōng-chú — lín ê Siōng-tè, chiū khiā ē chāi, sìn I ê sian-ti chiū ē heng-thong. " | 註釋 串珠 原文 典藏 |
20:21 | I kah jîn-bîn gī-lūn liáu-āu, chiū siat-li̍p chhiùⁿ koa oló Siōng-chú ê, hō͘ in chhēng sèng koh súi ê saⁿ, kiâⁿ tī kun-tūi ê thâu-chêng oló Siōng-chú, kóng, " Tio̍h kám-siā Siōng-chú, in-ūi i ê chû-ài éng-oán tī-.leh. " | 註釋 串珠 原文 典藏 |
20:22 | In tú-á chhiùⁿ koa oló ê sî, Siōng-chú chiū phài bâi-ho̍k ê peng kong-kek hiahê lâi kong-kek Iô-tah ê Am-móng, Mô͘-ap kah Se-il soaⁿ ê lâng, in chiū siū phah. | 註釋 串珠 原文 典藏 |
20:23 | In-ūi Am-móng kah Mô͘-ap lâng khí-lâi kong-kek tòa tī Se-il soaⁿ ê lâng, kā in choân-pō͘ thâi-sí bia̍t-tiāu; kā tòa tī Se-il ê lâng choân-pō͘ siau-bia̍t liáu-āu, in ta̍k-ê hun pêng hō͘-siong châu-bia̍t. | 註釋 串珠 原文 典藏 |
20:24 | Iô-tah lâng kàu khòng-iá ê siú-bōng-lâu, khòaⁿ tio̍h hiahê tōa kun-tūi, lí khòaⁿ, sin-si tó tī tē-.ni̍h, bô kah chi̍t-ê cháu-lī. | 註釋 串珠 字典 原文 典藏 |
20:25 | Iô-sa-hoat kah i ê jîn-bîn lâi chhiúⁿ in ê châi-bu̍t, tī in tiong-kan chhōe tio̍h chin chē châi-bu̍t, saⁿ-khò͘ kah pó-pòe, in pak lâi piàn-chò kakī ê, chē kah tòa bē khì. In chhiúⁿ mi̍h kàu saⁿ ji̍t, in-ūi chin chē. | 註釋 串珠 原文 典藏 |
20:26 | Tē-sì ji̍t, in chū-chi̍p tī Be-la-ka ê soaⁿ-kok. In-ūi in tī hia oló Siōng-chú, só͘-í, hit só͘-chāi ê miâ kiò-chò Be-la-ka soaⁿ-kok, kàu tī kin-á-ji̍t. | 註釋 串珠 原文 典藏 |
20:27 | In chiū tńg-.khì, to̍h-sī Iô-tah kah Ê-lú-sa-lèm ê lâng, Iô-sa-hoat tī in ê thâu-chêng, tāi-ke hoaⁿ-hí tńg-khì Ê-lú-sa-lèm, in-ūi Siōng-chú hō͘ in thâi-iâⁿ tùi-te̍k, lâi hoaⁿ-hí khoài-lo̍k. | 註釋 串珠 原文 典藏 |
20:28 | In tôaⁿ khîm, tôaⁿ sek, pûn kó͘-chhoe, tńg-lâi Ê-lú-sa-lèm, lâi-kàu Siōng-chú ê tiān. | 註釋 串珠 字典 原文 典藏 |
20:29 | Lia̍t-pang chiahê kok thiaⁿ tio̍h Siōng-chú thâi-iâⁿ I-su-la-el ê tùi-te̍k, chiū kiaⁿ Siōng-tè. | 註釋 串珠 原文 典藏 |
20:30 | Án-ne, Iô-sa-hoat ê kok thài-pêng, in-ūi i ê Siōng-tè siúⁿ-sù i sì-kho͘-ûi pêng-an. | 註釋 串珠 原文 典藏 |
20:31 | Iô-sa-hoat Thóng-tī Kiat-sok( LOS 22: 41-50)Iô-sa-hoat chò Iô-tah ông, chē-ūi ê sî saⁿ-cha̍p gō͘ hòe, tī Ê-lú-sa-lèm chò ông le̍k-kòe jī-cha̍p gō͘ nî. I ê lāu-bú ê miâ kiò-chò A-chu-bah, to̍h-sī Sil-hí ê chabó͘ kiáⁿ. | 註釋 串珠 原文 典藏 |
20:32 | Iô-sa-hoat chiàu ánne kiâⁿ i ê lāu-pē A-sah ê lō͘, bô phian-oai, kiâⁿ Siōng-chú só͘ khòaⁿ-chò hó ê tāichì. | 註釋 串珠 字典 原文 典藏 |
20:33 | Chóng-.sī, soaⁿ-thâu tôaⁿ iáu-bōe hùi-tû, jî-chhiáⁿ jîn-bîn mā iáu-bōe tiāⁿ tio̍h sim-ì beh kui-ǹg in chó͘-sian ê Siōng-tè. | 註釋 串珠 字典 原文 典藏 |
20:34 | Iô-sa-hoat kî-tha ê tāichì, tùi-thâu kàu-bóe lóng kì tī Ha-na-nih ê kiáⁿ E-hú ê chheh, hit-ê chheh mā lia̍t tī I-su-la-el lia̍t ông ê chheh. | 註釋 串珠 字典 原文 典藏 |
20:35 | Hit sî liáu-āu, Iô-tah ông Iô-sa-hoat kah I-su-la-el ông A-ha-chiah kiat-kau; A-ha-chiah kiâⁿ pháiⁿ kàu-ke̍k. | 註釋 串珠 原文 典藏 |
20:36 | Nn̄g-ê ông chò-hóe chō chûn beh khì Tal-si-sih, chiū tī E-chióng-ge-bel chō chûn. | 註釋 串珠 字典 原文 典藏 |
20:37 | Hit sî, Ma-lé-siah lâng To͘-ta-oah ê kiáⁿ E-lí-e-chel, ēng ī-giân kong-kek Iô-sa-hoat kóng, " In-ūi lí kiat-kau A-ha-chiah, Siōng-chú phò-hoāi lí ê só͘ chò. Chiū ánne, chûn chiū phòa-.khì, soah bē tàng khì Tal-si-sih. | 註釋 串珠 字典 原文 典藏 |