章節 | 全民台語聖經全羅經文 | 註釋 |
18:1 | Mi-ka-iah Sian-ti Kéng-kò A-hap( LOS 22: 1-28)Iô-sa-hoat ū chin chē châi-bu̍t kah êng-kng, chiū kah A-hap kiat-chhin. | 註釋 串珠 原文 典藏 |
18:2 | Kòe kúi-nā nî, i lo̍h-khì Sa-má-lī-a kìⁿ A-hap; A-hap ūi tio̍h i kah tòe i ê jîn-bîn, thâi chin chē gû, iûⁿ, khǹg i kah i chò-hóe khì Gi-lia̍t ê La̍h-mot. | 註釋 串珠 字典 原文 典藏 |
18:3 | I-su-la-el ông A-hap kā Iô-tah ông Iô-sa-hoat kóng, " Lí beh kah góa khì Gi-lia̍t ê La̍h-mot á-m̄? " Iô-sa-hoat ìn kóng, " Góa chhin-chhiūⁿ lí, góa ê jîn-bîn chhin-chhiūⁿ lí ê jîn-bîn, goán beh kah lí khì kau-chiàn. " | 註釋 串珠 原文 典藏 |
18:4 | Iô-sa-hoat kā I-su-la-el ông kóng, " Chhiáⁿ lí tāi-seng mn̄g Siōng-chú ê ì-sù. " | 註釋 串珠 原文 典藏 |
18:5 | I-su-la-el ông chiū chū-chi̍p sian-ti sì pah lâng, mn̄g in kóng, " Goán tio̍h chiūⁿ-khì Gi-lia̍t ê La̍h-mot lâi kau-chiàn, á-.sī tio̍h ánne soah-khì? " In ìn kóng, " Thang khì, in-ūi Siōng-chú ē kā in kau tī ông ê chhiú. " | 註釋 串珠 原文 典藏 |
18:6 | Iô-sa-hoat kóng, " Tī chia kám iáu ū Siōng-chú ê kî-tha sian-ti hō͘ lán thang tùi i lâi mn̄g? " | 註釋 串珠 原文 典藏 |
18:7 | I-su-la-el ông kā Iô-sa-hoat kóng, " Iáu ū chi̍t-ê lâng lán thang tùi i lâi mn̄g Siōng-chú. Chóng-.sī, góa oàn-hūn i, in-ūi i só͘ ī-giân góa ê bô chi̍t hāng sī hó, chí ū tiāⁿtiāⁿ kóng chai-hō niā-niā. Chit-ê lâng sī Im-lah ê kiáⁿ Mi-ka-iah. " Iô-sa-hoat kóng, " Chhiáⁿ ông m̄ thang ánne kóng. " | 註釋 串珠 原文 典藏 |
18:8 | I-su-la-el ông chiū tiàu chi̍t-ê koaⁿ-oân lâi, kóng, " Lí khì kiò Im-lah ê kiáⁿ Mi-ka-iah kóaⁿ-kín lâi. " | 註釋 串珠 原文 典藏 |
18:9 | I-su-la-el ông kah Iô-tah ông Iô-sa-hoat ta̍k-ê chē kakī ê chō-ūi, chhēng lé-ho̍k, chē tī Sa-má-lī-a siâⁿ mn̂g-kháu khoah ê só͘-chāi, chèng sian-ti ta̍k-ê tī in ê bīn-chêng kóng ī-giân. | 註釋 串珠 字典 原文 典藏 |
18:10 | Ke-ná-nah ê kiáⁿ Che-ti-kiah chò thih-kak, kóng, " Siōng-chú ánne kóng, ' Lí ē ēng chiahê thih-kak khì tak A-lâm lâng, kàu in bia̍t-bông ûi-chí. '" | 註釋 串珠 原文 典藏 |
18:11 | Chèng sian-ti lóng ánne ī-giân kóng, " Thang khì Gi-lia̍t ê La̍h-mot, ē tek-sèng, in-ūi Siōng-chú ē kā i kau tī ông ê chhiú. " | 註釋 串珠 原文 典藏 |
18:12 | Hitê khì kiò Mi-ka-iah ê sù-chiá kā i kóng, " Lí khòaⁿ, chèng sian-ti lóng kóng kāng-khoán ê ōe, tùi ông kóng hó sū, kiû lí só͘ kóng ê kah in kāng-khoán kóng hó ōe. " | 註釋 串珠 原文 典藏 |
18:13 | Mi-ka-iah kóng, " Góa kí éng-oán oa̍h ê Siōng-chú chiùchōa lâi kóng, góa ê Siōng-tè kóng siáⁿ-mi̍h, góa ē chiàu ánne kóng. " | 註釋 串珠 原文 典藏 |
18:14 | Mi-ka-iah lâi-kàu ông ê bīn-chêng, ông mn̄g i kóng, " Mi-ka-iah, goán tio̍h khì Gi-lia̍t ê La̍h-mot lâi kau-chiàn, á-.sī tio̍h ánne soah-khì? " Mi-ka-iah ìn kóng, " Thang khì, ē tek-sèng, in-ūi in ē siū kau-hù tī lín ê chhiú. " | 註釋 串珠 原文 典藏 |
18:15 | Ông tùi i kóng, " Góa tio̍h kúi pái kah lí chiùchōa, lí hōng Siōng-chú ê miâ, chí ū tio̍h ēng chin-si̍t ōe kā góa kóng. " | 註釋 串珠 原文 典藏 |
18:16 | Mi-ka-iah kóng, " Góa khòaⁿ tio̍h I-su-la-el chèng lâng sì-sòaⁿ tī soaⁿ-.ni̍h, chhin-chhiūⁿ bô bo̍k-chiá ê iûⁿ chi̍t-iūⁿ. Siōng-chú ánne kóng, ' Chiahê bô chú-lâng ê, in ta̍k-ê thang pêng-an tńg-khì in kakī ê ke. '" | 註釋 串珠 字典 原文 典藏 |
18:17 | I-su-la-el ông kā Iô-sa-hoat kóng, " Góa kám bô kā lí kóng, chit-ê lâng só͘ beh ī-giân góa ê, bô kóng hó ōe, chí ū chai-hō niā-niā? " | 註釋 串珠 原文 典藏 |
18:18 | Mi-ka-iah kóng, " Só͘-í, lín tio̍h thiaⁿ Siōng-chú ê ōe. Góa khòaⁿ tio̍h Siōng-chú chē tī pó-chō, thiⁿ-téng ê bān-kun khiā tī I ê chó-iū. | 註釋 串珠 字典 原文 典藏 |
18:19 | Siōng-chú kóng, ' Siáⁿ lâng beh ín-iú I-su-la-el ông A-hap, hō͘ i khì Gi-lia̍t ê La̍h-mot, sí tī hia? ' Chit-ê kóng ánne, hit-ê kóng ánne. | 註釋 串珠 原文 典藏 |
18:20 | Āu-lâi, ū chi̍t-ê sîn chhut-.lâi, khiā tī Siōng-chú ê bīn-chêng, kóng, ' Góa beh ín-iú i. ' Siōng-chú mn̄g i kóng, ' Lâi beh ēng siáⁿ-mi̍h hoat-tō͘? ' | 註釋 串珠 原文 典藏 |
18:21 | I kóng, ' Góa beh chhut-khì chò pe̍h-chha̍t ê sîn, tī i chèng sian-ti ê chhùi. ' Siōng-chú kóng, ' Lí ē ín-iú i, mā ē kā i chiâⁿ! Chhut-khì chiàu ánne! ' | 註釋 串珠 原文 典藏 |
18:22 | Taⁿ Siōng-chú ēng pe̍h-chha̍t ê sîn ji̍p-khì tī lí chiahê sian-ti ê chhùi. Siōng-chú kóng tio̍h lí ê sî, ū kóng-khí chai-hō ê tāichì. " | 註釋 串珠 原文 典藏 |
18:23 | Ke-ná-nah ê kiáⁿ Che-ti-kiah chìn-chêng, siàn Mi-ka-iah ê chhùi-phóe, kóng, " Siōng-tè ê lêng tùi tó chi̍t tiâu lō͘ lī-khui góa lâi kah lí kóng-ōe? " | 註釋 串珠 字典 原文 典藏 |
18:24 | Mi-ka-iah kóng, " Lí khòaⁿ, lí ji̍p-khì lāi-pâng kakī bih khí-.lâi, hit ji̍t chiū ē khòaⁿ-.tio̍h. " | 註釋 串珠 字典 原文 典藏 |
18:25 | I-su-la-el ông kóng, " Tio̍h tòa Mi-ka-iah khì kau hō͘ siâⁿ-siú Am-móng kah ông ê kiáⁿ Io-a-si, kóng, | 註釋 串珠 原文 典藏 |
18:26 | ông ánne kóng, ' Kā chit-ê lâng koaiⁿ tī kaⁿ-.ni̍h, ēng khó͘ ê piáⁿ kah khó͘ ê chúi hō͘ i chia̍h, thèng-hāu góa pêng-an tńg-.lâi. '" | 註釋 串珠 字典 原文 典藏 |
18:27 | Mi-ka-iah kóng, " Lí nā chin-chiàⁿ pêng-an tńg-.lâi, to̍h-sī Siōng-chú bô thok góa kóng. " Koh kóng, " Chiahê jîn-bîn, lín lóng tio̍h thiaⁿ! " | 註釋 串珠 原文 典藏 |
18:28 | A-hap Ông ê Sí-bông( LOS 22: 29-35)I-su-la-el ông kah Iô-tah ông Iô-sa-hoat chiū khì Gi-lia̍t ê La̍h-mot. | 註釋 串珠 原文 典藏 |
18:29 | I-su-la-el ông kā Iô-sa-hoat kóng, " Góa beh kái-chong chiūⁿ-tīn, lí thang chhēng ông-ho̍k. " I-su-la-el ông chiū kái-chong, in chiū chiūⁿ-tīn. | 註釋 串珠 字典 原文 典藏 |
18:30 | A-lâm ông ū hoan-hù i ê chiàn-chhia ê koaⁿ-tiúⁿ kóng, " Bô-lūn tōa-sè lóng m̄ thang kah in kau-chiàn, chí ū kah I-su-la-el ông kau-chiàn. " | 註釋 串珠 字典 原文 典藏 |
18:31 | Chiàn-chhia ê koaⁿ-tiúⁿ khòaⁿ tio̍h Iô-sa-hoat chiū kóng, " Che sī I-su-la-el ông, chiū oa̍t kòe-khì beh kah i kau-chiàn. " Iô-sa-hoat chiū hoah-hiu, Siōng-chú chiū kā i pang-chān, Siōng-chú mā kám-tōng in lī-khui i. | 註釋 串珠 字典 原文 典藏 |
18:32 | Chiàn-chhia ê koaⁿ-tiúⁿ khòaⁿ tio̍h m̄-sī I-su-la-el ông, chiū oa̍t tńg-sin bô koh jiok i. | 註釋 串珠 字典 原文 典藏 |
18:33 | Ū chi̍t-ê lâng ngó͘-jiân khui kiong, siā ji̍p-khì I-su-la-el ông chiàn-kah ê kap-chōa. Ông kā kóaⁿ-chhia ê kóng, " Lí oa̍t tńg-sin, tòa góa chhut-tīn, in-ūi góa tio̍h tāng siong à. " | 註釋 串珠 字典 原文 典藏 |
18:34 | Hit ji̍t, kau-chiàn ê sè-bīn ná béng-lia̍t, I-su-la-el ông bián-kióng khiā tī chhia-.ni̍h, tí-tòng A-lâm lâng kàu ê-hng. Chha-put-to ji̍t lo̍h ê sî, chiū sí. | 註釋 串珠 字典 原文 典藏 |