| 章節 | 全民台語聖經全羅經文 | 註釋 |
| 15:1 | A-sah ê Kái-kekSiōng-chú ê Sèng Sîn lîm-kàu O͘-tiat ê kiáⁿ A-cha-lí-ah. | 註釋 串珠 原文 典藏 |
| 15:2 | I chhut-khì gêng-chiap A-sah, kā i kóng, " A-sah kah Iô-tah Biān-iá-mín ê kûn-chiòng, tio̍h thiaⁿ góa ê ōe: Lín kah Siōng-chú tī-.leh, I mā kah lín tông-chāi; lín nā chhōe I, I ē hō͘ lín chhōe-.tio̍h; chóng-.sī, lín nā khì-sak I, I mā ē khì-sak lín. | 註釋 串珠 原文 典藏 |
| 15:3 | I-su-la-el lâng chin kú bô Siōng-tè, bô kà-sī in ê chè-si, mā bô lu̍t-hoat; | 註釋 串珠 原文 典藏 |
| 15:4 | chóng-.sī, in tī hoān-lān ê sî kui-ǹg Siōng-chú — I-su-la-el ê Siōng-tè, lâi chhōe I, I chiū hō͘ i chhōe-.tio̍h. | 註釋 串珠 原文 典藏 |
| 15:5 | Hit sî, chhut-ji̍p ê lâng bē tàng pêng-an, tòa tī lia̍t kok ê jîn-bîn lóng tú tio̍h tōa jiáu-loān; | 註釋 串珠 原文 典藏 |
| 15:6 | kok kong-kek kok, siâⁿ kong-kek siâⁿ, lóng hō͘-siong húi-hoāi, in-ūi Siōng-chú ēng ta̍k chióng ê hoān-lān kā in jiáu-loān. | 註釋 串珠 原文 典藏 |
| 15:7 | Taⁿ lín tio̍h ióng-kiāⁿ, chhiú m̄ thang nńg lo̍h-.khì, in-ūi lín ê só͘ chò ē tit tio̍h pò-siúⁿ. " | 註釋 串珠 原文 典藏 |
| 15:8 | A-sah thiaⁿ tio̍h chiahê ōe kah sian-ti O͘-tiat ê ī-giân liáu-āu, chiū chòng-táⁿ khí-.lâi, tī Iô-tah Biān-iá-mín choân tē kah i só͘ cheng-ho̍k E-hu-laim soaⁿ-tē hiahê siâⁿ, kā só͘-ū khó-ò͘ⁿ ê mi̍h tû-.khì, koh tī Siōng-chú mn̂g-lông chêng tiông-sin khí Siōng-chú ê tôaⁿ. | 註釋 串珠 字典 原文 典藏 |
| 15:9 | Koh chū-chi̍p Iô-tah Biān-iá-mín ê kûn-chiòng kah E-hu-laim, Má-ná-se, Si-miān tī in tiong-kan ê chhut-gōa lâng. In-ūi tùi I-su-la-el chhut-lâi kui A-sah ê lâng chin chē, sī ūi tio̍h in ū khòaⁿ tio̍h Siōng-chú — i ê Siōng-tè kah i tông-chāi. | 註釋 串珠 原文 典藏 |
| 15:10 | A-sah ông cha̍p-gō͘ nî saⁿ-.goe̍h, in lóng chū-chi̍p tī Ê-lú-sa-lèm. | 註釋 串珠 原文 典藏 |
| 15:11 | Hit ji̍t, in tī só͘ tòa-lâi hiahê chhiúⁿ ê mi̍h ê tiong-kan, ēng gû chhit pah chiah kah iûⁿ chhit chheng chiah hiàn hō͘ Siōng-chú. | 註釋 串珠 字典 原文 典藏 |
| 15:12 | In chiū li̍p-iok, beh chīn-sim, chīn-sèng cháu-chhōe Siōng-chú — in chó͘-sian ê Siōng-tè. | 註釋 串珠 原文 典藏 |
| 15:13 | Kiàn-nā bô cháu-chhōe Siōng-chú — I-su-la-el ê Siōng-tè ê, bô-lūn tōa-sè, lâm-lí, lóng tio̍h hō͘ i sí. | 註釋 串珠 原文 典藏 |
| 15:14 | In chiū tōa-siaⁿ hoaⁿ-hí lâi hoah, ēng kó͘-chhoe, ēng sàu-kak lâi tùi Siōng-chú chiùchōa. | 註釋 串珠 字典 原文 典藏 |
| 15:15 | Iô-tah kûn-chiòng ūi tio̍h só͘ chiù ê chōa lâi hoaⁿ-hí, in-ūi in chīn-sim chiùchōa, koh chīn-ì cháu-chhōe Siōng-chú, Siōng-chú mā hō͘ in chhōe-.tio̍h, I chiū tī in sì-kho͘-ûi siúⁿ-sù hō͘ in pêng-an. | 註釋 串珠 原文 典藏 |
| 15:16 | A-sah ông pián i ê A-má — Má-kah thài-hō͘ ê ūi, in-ūi i ūi tio̍h A-si-lah bat chng khó-ò͘ⁿ ê siōng. A-sah chhò i ê siōng, kā i tûi kah chhùi-chhùi, tī Kit-lông khe piⁿ kā i sio-tiāu. | 註釋 串珠 字典 原文 典藏 |
| 15:17 | To̍k-to̍k hiahê soaⁿ-thâu tôaⁿ iáu-bōe tùi I-su-la-el tiong tû-.khì, chóng-.sī, A-sah ê sim chi̍t-sì-lâng choan-it bô iô-choah. | 註釋 串珠 字典 原文 典藏 |
| 15:18 | A-sah kā i ê lāu-pē kah i pún-sin só͘ hun-pia̍t chò sèng ê kim-gîn kah khì-kū, lóng tòa ji̍p-khì Siōng-chú ê tiān. | 註釋 串珠 字典 原文 典藏 |
| 15:19 | Tùi chit sî kàu A-sah saⁿ-cha̍p gō͘ nî, lóng bô koh ū kau-chiàn ê tāichì. | 註釋 串珠 原文 典藏 |