章節 | 全民台語聖經全羅經文 | 註釋 |
14:1 | A-sah Ông Phah-iâⁿ Kú-si̍t ÔngA-bi-iah kah i ê chó͘-sian tâng khùn, bâi-chòng tī Ta-bi̍t siâⁿ. I ê kiáⁿ A-sah sòa-chiap i chò ông. Tng A-sah ê ji̍t, hit-ê só͘-chāi thài-pêng cha̍p nî. | 註釋 串珠 原文 典藏 |
14:2 | A-sah kiâⁿ Siōng-chú — i ê Siōng-tè khòaⁿ-chò hó, chò chèng-ti̍t ê tāichì, | 註釋 串珠 字典 原文 典藏 |
14:3 | In-ūi i tû-khì gōa-pang ê sîn-bêng ê tôaⁿ kah soaⁿ-thâu tôaⁿ, hùi hiahê thiāu-siōng, | 註釋 串珠 原文 典藏 |
14:4 | chhò hiahê A-si-lah, koh bēng-lēng Iô-tah lâng cháu-chhōe Siōng-chú — in chó͘-sian ê Siōng-tè, chun-thàn I ê lu̍t-hoat kah kài-bēng; | 註釋 串珠 字典 原文 典藏 |
14:5 | koh tī Iô-tah ta̍k-ê siâⁿ tû-khì hiahê soaⁿ-thâu tôaⁿ kah ji̍t-thâu siōng, kok tī i ê bīn-chêng tit tio̍h thài-pêng. | 註釋 串珠 字典 原文 典藏 |
14:6 | I tī Iô-tah khí kúi-nā chō hiám-iàu ê siâⁿ. In-ūi i ê só͘-chāi pêng-an, tī hit kúi nî lóng bô kau-chiàn, in-ūi Siōng-chú hō͘ i pêng-an. | 註釋 串珠 字典 原文 典藏 |
14:7 | I tùi Iô-tah lâng kóng, " Lán tio̍h lâi khí chiahê siâⁿ, sì-kho͘-ûi khí chhiûⁿ kah siâⁿ-lâu, kah mn̂g, kah mn̂g-chhòaⁿ; tē iáu tī lán ê bīn-chêng, in-ūi lán ū kiû Siōng-chú — lán ê Siōng-tè; lán í-keng tùi I kiû, I tī sì-kho͘-ûi siúⁿ-sù hō͘ lán pêng-an." In chiū khí-chō hiahê siâⁿ, lâi tit tio̍h heng-thong. | 註釋 串珠 字典 原文 典藏 |
14:8 | A-sah ū tùi Iô-tah chhut ê kun-peng saⁿ-cha̍p bān, giâ pîn-pâi kah chhiuⁿ, koh ū tùi Biān-iá-mín chhut ê jī-cha̍p peh bān, giâ pîn-pâi khui kiong. Chiahê lóng sī tōa la̍t ê ióng-sū. | 註釋 串珠 字典 原文 典藏 |
14:9 | Ū Kú-si̍t ông Cha-la̍h chhōa kun-tūi chi̍t-pah bān, chiàn-chhia saⁿ pah tâi, lâi-kàu Ma-lé-siah kā i kong-kek. | 註釋 串珠 原文 典藏 |
14:10 | A-sah chiū chhut-khì kā i tí-te̍k, chiū tī Ma-lé-siah ê Che-hoat ê soaⁿ-kok, tāi-ke pâi tīn. | 註釋 串珠 原文 典藏 |
14:11 | A-sah kiû-kiò Siōng-chú — i ê Siōng-tè, kóng, " Siōng-chú ah, tī kiông ê kah loán-jio̍k-.ê ê tiong-kan, tû Lí í-gōa lóng bô pang-chān ê. Siōng-chú — goán ê Siōng-tè ah, kiû Lí pang-chān goán, in-ūi goán óa-khò Lí, koh hōng Lí ê miâ khì tí-te̍k hiahê kûn-chiòng. Siōng-chú ah, Lí sī goán ê Siōng-tè, m̄ thang hō͘ lâng khah iâⁿ Lí. " | 註釋 串珠 原文 典藏 |
14:12 | Siōng-chú chiū tī A-sah kah Iô-tah lâng ê bīn-chêng phah-iâⁿ Kú-si̍t lâng, Kú-si̍t lâng chiū tô-cháu. | 註釋 串珠 原文 典藏 |
14:13 | A-sah kah tòe i ê lâng kā in jiok, lâi-kàu tī Ge-lal. Kú-si̍t lâng sí chin chē, bē tàng koh kiông-sēng, in-ūi in tī Siōng-chú kah I ê kun-tūi ê bīn-chêng pāi-hoāi. Iô-tah lâng chhiúⁿ chin chē châi-bu̍t khì. | 註釋 串珠 原文 典藏 |
14:14 | In koh phah Ge-lal sì-kho͘-ûi hiahê siâⁿ, in-ūi Siōng-chú hō͘ in chin kiaⁿ. In mā chhiúⁿ in só͘-ū ê siâⁿ, in-ūi siâⁿ lāi ū chin chē mi̍h thang chhiúⁿ. | 註釋 串珠 字典 原文 典藏 |
14:15 | Koh phah hiahê chengseⁿ ê tiâu, khan chin chē iûⁿ kah lo̍k-tô tńg-khì Ê-lú-sa-lèm. | 註釋 串珠 原文 典藏 |