章節 | 全民台語聖經全羅經文 | 註釋 |
13:1 | A-bi-iah kah Ia-lô-ba-am Kau-chiàn( LOS 15: 1-8)Ia-lô-ba-am ông cha̍p-peh nî, A-bi-iah chē-ūi chò Iô-tah ông. | 註釋 串珠 原文 典藏 |
13:2 | Tī Ê-lú-sa-lèm chò ông saⁿ nî. I ê lāu-bú ê miâ kiò-chò Mi-ka-iah, sī Gi-be-at lâng U-li-el ê chabó͘ kiáⁿ. A-bi-iah kah Ia-lô-ba-am kau-chiàn. | 註釋 串珠 原文 典藏 |
13:3 | A-bi-iah ēng chi̍t tīn kòe kéng ê peng sì-cha̍p bān lâng lâi pâi tīn, lóng sī hó-táⁿ ê chiàn-sū; Ia-lô-ba-am mā ēng kòe kéng ê tōa ióng-sū peh-cha̍p-bān lâng lâi tùi i pâi tīn. | 註釋 串珠 原文 典藏 |
13:4 | A-bi-iah khiā tī E-hu-laim soaⁿ-tē ê Che-má-láim soaⁿ, kóng, " Ia-lô-ba-am kah I-su-la-el jîn-bîn, tio̍h thiaⁿ góa kóng! | 註釋 串珠 原文 典藏 |
13:5 | Siōng-chú — I-su-la-el ê Siōng-tè kā I-su-la-el kok éng-oán kau hō͘ Ta-bi̍t, to̍h-sī siat-li̍p iâm ê iok ( Chù, bē húi-hoāi ê iok ), siúⁿ-sù hō͘ Ta-bi̍t kah i kiáⁿ-sun, lín kám m̄-chai? | 註釋 串珠 原文 典藏 |
13:6 | Chóng-.sī, Ta-bi̍t ê kiáⁿ Só͘-lô-móng ê jîn-sîn, Ne-bat ê kiáⁿ Ia-lô-ba-am, khí-lâi pōe-poān i ê chú-lâng. | 註釋 串珠 原文 典藏 |
13:7 | Ū hiahê bô hē-lo̍h ê húi-lūi chū-chi̍p tòe i, kakī kiông-béng, lâi kong-kek Só͘-lô-móng ê kiáⁿ Lô-bo-àm. Hit sî, Lô-bo-àm iáu siàu-liân nńg-chiáⁿ, bē tàng kā in tí-tòng. | 註釋 串珠 原文 典藏 |
13:8 | Taⁿ lín ū ì-sù beh tí-te̍k Ta-bi̍t ê kiáⁿ-sun só͘ tī-lí Siōng-chú ê kok, lín ê lâng-gia̍h chin chē, koh ū kim-gû-á kah lín tông-chāi, to̍h-sī Ia-lô-ba-am só͘ kā lín chō lâi chò sîn-bêng ê. | 註釋 串珠 字典 原文 典藏 |
13:9 | Lín kám m̄-sī kóaⁿ-tio̍k Siōng-chú ê chè-si, to̍h-sī A-lông ê kiáⁿ-sun kah Lē-bī lâng, chiàu gōa-kok lâng ê kui-lē kakī siat-li̍p chè-si? Sīm-chì bô-lūn siáⁿ lâng khan chi̍t chiah gû-káng-á kah chhit chiah mî-iûⁿ-káng lâi hun-pia̍t kakī, chiū thang chò bô-iáⁿ bô-chiah ê sîn-bêng ê chè-si, kám sī ánne? | 註釋 串珠 字典 原文 典藏 |
13:10 | Kóng tio̍h goán, Siōng-chú sī goán ê Siōng-tè, goán bô khì-sak I. Goán ū chè-si ho̍k-sāi Siōng-chú, to̍h-sī A-lông ê kiáⁿ-sun, koh ū Lē-bī lâng ta̍k-ê teh chīn i ê chit-hūn. | 註釋 串珠 原文 典藏 |
13:11 | Ta̍k chá-khí kah ta̍k ê-hng, lóng hiàn sio-chè koh sio phang-hiuⁿ hō͘ Siōng-chú, koh ū pâi-lia̍t ê piáⁿ tī sèng-kiat ê toh, mā ū kim teng-tâi kah teng-chóaⁿ, ta̍k ê-hng thang tiám-to̍h, in-ūi goán siú Siōng-chú — goán Siōng-tè ê kài-bēng; to̍k-to̍k lín khì-sak I. | 註釋 串珠 字典 原文 典藏 |
13:12 | Lí khòaⁿ, Siōng-chú kah goán tông-chāi, chò goán ê thâu, I ê chè-si mā kah goán tī-.leh, the̍h hiáng-liāng ê kó͘-chhoe tōa-siaⁿ pûn lâi kā lín kong-kek. I-su-la-el lâng, m̄ thang kah Siōng-chú — lín chó͘-sian ê Siōng-tè kau-chiàn, in-ūi lín bē tàng heng-thong. " | 註釋 串珠 字典 原文 典藏 |
13:13 | Chóng-.sī, Ia-lô-ba-am tī in ê āu-bīn bâi-ho̍k peng. Chiū ánne, I-su-la-el lâng tī Iô-tah ê thâu-chêng, bâi-ho̍k ê peng tī in ê āu-bīn. | 註釋 串珠 原文 典藏 |
13:14 | Iô-tah lâng oa̍t thâu khòaⁿ, khòaⁿ chêng-āu lóng ū tùi-te̍k ê peng, chiū kiû-kiò Siōng-chú, chè-si mā pûn kó͘-chhoe. | 註釋 串珠 字典 原文 典藏 |
13:15 | Iô-tah lâng chiū tōa-siaⁿ hoah, Iô-tah lâng tōa-siaⁿ hoah ê sî, Siōng-tè chiū tī A-bi-iah kah Iô-tah lâng ê bīn-chêng, phah-iâⁿ Ia-lô-ba-am kah I-su-la-el jîn-bîn. | 註釋 串珠 原文 典藏 |
13:16 | I-su-la-el lâng tī Iô-tah lâng ê bīn-chêng tô-cháu, Siōng-tè kā in kau tī Iô-tah lâng ê chhiú. | 註釋 串珠 原文 典藏 |
13:17 | A-bi-iah kah i ê jîn-bîn kā in thâi-sí chin chē lâng, I-su-la-el lâng tó-teh lâi sí ê, ū gō͘-cha̍p bān kòe kéng ê lâng. | 註釋 串珠 原文 典藏 |
13:18 | Hit sî, I-su-la-el lâng chiū khut-ho̍k, Iô-tah lâng tit tio̍h khah iâⁿ, in-ūi in ū óa-khò Siōng-chú — in chó͘-sian ê Siōng-tè ê iân-kò͘. | 註釋 串珠 原文 典藏 |
13:19 | A-bi-iah jiok Ia-lô-ba-am, kā i cheng-ho̍k kúi-nā-ê siâⁿ, to̍h-sī Be-thel kah i ê chng-thâu, E-sia-nah kah i ê chng-thâu, E-hu-laim kah i ê chng-thâu. | 註釋 串珠 原文 典藏 |
13:20 | Tng A-bi-iah oa̍h-.leh ê ji̍t, Ia-lô-ba-am bē tàng koh kiông-sēng; Siōng-chú kā i phah, i chiū sí. | 註釋 串珠 原文 典藏 |
13:21 | A-bi-iah chiām-chiām kiông-sēng, chhōa cha̍p-sì-ê bó͘, seⁿ jī-cha̍p jī-ê kiáⁿ, cha̍p la̍k-ê chabó͘ kiáⁿ. | 註釋 串珠 原文 典藏 |
13:22 | A-bi-iah kî-tha ê tāichì kah i ê giân-hêng, lóng kì tī sian-ti It-tó͘ ê chù-kái. | 註釋 串珠 字典 原文 典藏 |