章節 | 全民台語聖經全羅經文 | 註釋 |
9:1 | Sí-bah Lú-ông Lâi Pài-hóng( LOS 10: 1-13)Sí-bah ê lú-ông thiaⁿ tio̍h Só͘-lô-móng ê miâ-siaⁿ, chiū lâi-kàu Ê-lú-sa-lèm, beh ēng oh-tit kái-bêng ê tāichì chhì-thàm Só͘-lô-móng; tòe i ê lâng chin chē, ū lo̍k-tô chài phang-liāu kah n̂g-kim chin chē, mā ū pó-chio̍h. I kìⁿ Só͘-lô-móng ê sî, chiū kā sim-lāi it-chhè só͘ chûn ê kah i kóng-ōe. | 註釋 串珠 字典 原文 典藏 |
9:2 | Só͘-lô-móng chiàu i só͘ mn̄g ê, lóng kā i ìn, bô chi̍t hāng Só͘-lô-móng bē liáu-kái thang kā i kóng. | 註釋 串珠 原文 典藏 |
9:3 | Sí-bah lú-ông khòaⁿ tio̍h Só͘-lô-móng ê tì-hūi kah i só͘ khí ê chhù, | 註釋 串珠 原文 典藏 |
9:4 | toh téng ê chia̍h-mi̍h, jîn-sîn pâi-lia̍t teh chē, lô͘-po̍k kin-tòe ho̍k-sāi, í-ki̍p in ê saⁿ-khò͘ kah i ê chiú-chèng, í-ki̍p in ê saⁿ-khò͘, koh khòaⁿ tio̍h i peh Siōng-chú tiān ê kiā-á, chiū hûn put hù-thé. | 註釋 串珠 字典 原文 典藏 |
9:5 | I tùi ông kóng, " Góa tī pún-kok thiaⁿ tio̍h lí ê tāichì kah lí ê tì-hūi, lóng sī chin-si̍t! | 註釋 串珠 原文 典藏 |
9:6 | Chóng-.sī, góa m̄-sìn in ê ōe, kàu góa lâi chhin-ba̍k khòaⁿ-.tio̍h, lí khòaⁿ, lí ê tì-hūi ê tōa, lâng só͘ kā góa kóng ê iáu bô kah chi̍t-pòaⁿ, lí iâⁿ-kòe góa só͘ thiaⁿ-.tio̍h ê miâ-siaⁿ. | 註釋 串珠 原文 典藏 |
9:7 | Hok-khì ah, lí ê lâng, hok-khì ah, lí ê lô͘-po̍k, ē-tàng tiāⁿtiāⁿ khiā tī lí ê bīn-chêng thiaⁿ lí ê tì-hūi. | 註釋 串珠 原文 典藏 |
9:8 | Siōng-chú — lí ê Siōng-tè sī eng-kai oló ê, I hoaⁿ-hí lí, hō͘ lí chē I ê ūi, thang ūi tio̍h Siōng-chú — lí ê Siōng-tè chò ông, in-ūi lí ê Siōng-chú thiàⁿ I-su-la-el, ài éng-oán kā i kian-kò͘, só͘-í, siat-li̍p lí chò in ê ông, hō͘ lí péng-kong kiâⁿ-gī. " | 註釋 串珠 字典 原文 典藏 |
9:9 | Lú-ông ēng chi̍t-pah jī-cha̍p tha-lan-t ê kim, kah chin chē phang-liāu, kah pó-chio̍h sàng ông, m̄ bat ū phang-liāu chhin-chhiūⁿ Sí-bah lú-ông sàng Só͘-lô-móng ông ê. | 註釋 串珠 字典 原文 典藏 |
9:10 | Hi-lâm ê lô͘-po̍k kah Só͘-lô-móng ê lô͘-po̍k, tùi O͘-huil tòa kim lâi ê, koh tòa tôaⁿ-hiuⁿ chhâ kah pó-chio̍h lâi. | 註釋 串珠 字典 原文 典藏 |
9:11 | Ông ēng tôaⁿ-hiuⁿ chhâ ūi Siōng-chú ê tiān kah ông-kiong chò lân-kan, koh ūi chhiùⁿ koa ê lâng chò khîm kah sek. Tī Iô-tah tē chêng m̄ bat khòaⁿ tio̍h chhin-chhiūⁿ chit khoán ê. | 註釋 串珠 字典 原文 典藏 |
9:12 | Só͘-lô-móng ông tī Sí-bah lú-ông só͘ tòa-lâi sàng ông ê í-gōa, koh chiàu i it-chhè só͘ ài só͘ kiû ê lóng hō͘ i. Chiū ánne, lú-ông kah i ê jîn-sîn tò tńg-khì i ê pún-kok. | 註釋 串珠 原文 典藏 |
9:13 | Só͘-lô-móng Ông ê Châi-hù( LOS 10: 14-25)Só͘-lô-móng ta̍k nî só͘ tit tio̍h ê kim, kiōng la̍k-pah la̍k-cha̍p la̍k tha-lan-t, | 註釋 串珠 字典 原文 典藏 |
9:14 | Í-gōa iáu ū senglí lâng kah kheh-siong só͘ tòa-.lâi ê, koh ū A-la-puh lia̍t ông kah kok lāi ê siú-léng, lóng tòa kim, gîn lâi hō͘ Só͘-lô-móng. | 註釋 串珠 字典 原文 典藏 |
9:15 | Só͘-lô-móng ông ēng kòe phah ê kim chò tōa pâi nn̄g pah bīn, múi bīn tōa pâi ê kim la̍k pah si-khel; | 註釋 串珠 字典 原文 典藏 |
9:16 | koh ēng kòe phah ê kim chò pîn-pâi saⁿ pah bīn, múi bīn ēng kim saⁿ pah si-khel, ông kā i hē tī Le-ba-nòng chhiū-nâ ê chhù. | 註釋 串珠 字典 原文 典藏 |
9:17 | Ông koh ēng chhiūⁿ-gê chò chi̍t-ê tōa pó-chō, ēng sûn-kim kā i an-chng. | 註釋 串珠 字典 原文 典藏 |
9:18 | Pó-chō ū la̍k chàn ê kiā-á, koh ū kim ê kha-ta̍h-í kah pó-chō sio-liân. Siang pêng ū khò-chhiú, khò-chhiú piⁿ ū nn̄g chiah sai khiā-.leh. | 註釋 串珠 字典 原文 典藏 |
9:19 | Koh ū cha̍p-jī chiah sai, khiā tī la̍k chàn kiā-á ê chit pêng kah hit pêng; pa̍t kok lóng bô chè-chō chhin-chhiūⁿ ánne. | 註釋 串珠 字典 原文 典藏 |
9:20 | Só͘-lô-móng ông it-chhè lim ê khì-kū lóng sī kim ê, Le-ba-nòng chhiū-nâ ê chhù só͘-ū ê khì-kū mā sī sûn-kim ê. Só͘-lô-móng ê nî-kan, lâng khòaⁿ gîn chò bô siáⁿ-mi̍h kè-ta̍t. | 註釋 串珠 字典 原文 典藏 |
9:21 | In-ūi ông ê chûn-chiah kah Hi-lâm ê lô͘-po̍k chò-hóe khì Tal-si-sih, chiahê Tal-si-sih ê chûn chài kim, gîn, chhiūⁿ-gê, kâu kah khóng-chhiok, saⁿ nî tńg-lâi chi̍t pái. | 註釋 串珠 字典 原文 典藏 |
9:22 | Só͘-lô-móng ông ê hó-gia̍h kah tì-hūi iâⁿ-kòe thian-hā lia̍t ông. | 註釋 串珠 原文 典藏 |
9:23 | Thian-hā lia̍t ông lóng lâi ài beh kìⁿ Só͘-lô-móng ê bīn, thiaⁿ i ê tì-hūi, to̍h-sī Siōng-tè siúⁿ-sù tī i ê sim-lāi ê. | 註釋 串珠 原文 典藏 |
9:24 | In ta̍k-ê tòa chìn-kòng ê mi̍h, to̍h-sī gîn-khì, kim-khì, saⁿ-khò͘, kun-khì, phang-liāu, bé kah lô, ta̍k nî ū tiāⁿ tio̍h ê lē. | 註釋 串珠 字典 原文 典藏 |
9:25 | Só͘-lô-móng ūi tio̍h bé kah chhia, ū bé-tiâu sì chheng, koh ū bé-peng chi̍t-bān nn̄g-chheng, kā in an-tì tī hiahê tún chhia ê siâⁿ, mā kah ông tī Ê-lú-sa-lèm. | 註釋 串珠 字典 原文 典藏 |
9:26 | Só͘-lô-móng koán-hat lia̍t ông, tùi tōa hô kàu Hui-lī-sū tē, kàu Ai-gi̍p ê kau-kài. | 註釋 串珠 原文 典藏 |
9:27 | Ông tī Ê-lú-sa-lèm hō͘ gîn piàn kah ná chhin-chhiūⁿ chio̍h-thâu, hō͘ pek-hiuⁿ chhiū chhin-chhiūⁿ pêng-goân ê sng-châi chhiū, sī in-ūi ū chin chē. | 註釋 串珠 字典 原文 典藏 |
9:28 | Ū lâng tùi Ai-gi̍p, tùi ta̍k só͘-chāi, tòa bé lâi hō͘ Só͘-lô-móng. | 註釋 串珠 字典 原文 典藏 |
9:29 | Só͘-lô-móng ê Thóng-tī Kì-sū( LOS 11: 41-43)Só͘-lô-móng kî-tha ê tāichì, tùi-thâu kàu-bóe, kám bô kì tī Ná-than sian-ti ê chheh kah Sī-lô lâng A-hi-iah sian-ti ê chheh kah sian-kiàn It-tó͘ be̍k-sī ê chheh, koan-hē Ne-bat ê kiáⁿ Ia-lô-ba-am ê? | 註釋 串珠 原文 典藏 |
9:30 | Só͘-lô-móng tī Ê-lú-sa-lèm chò I-su-la-el choân kok ê ông, kiōng sì-cha̍p nî. | 註釋 串珠 原文 典藏 |
9:31 | Só͘-lô-móng kah i ê chó͘-sian tâng khùn, bâi-chòng tī i ê lāu-pē Ta-bi̍t ê siâⁿ. I ê kiáⁿ Lô-bo-àm sòa-chiap i chò ông. | 註釋 串珠 原文 典藏 |