章節 | 全民台語聖經全羅經文 | 註釋 |
2:1 | Chún-pī Khí Sèng-tiān( LOS 5: 1-18)Só͘-lô-móng tiāⁿ tio̍h ì-sù beh ūi Siōng-chú ê miâ khí sèng-tiān, mā ūi kakī ê kok khí hông-kiong. | 註釋 串珠 原文 典藏 |
2:2 | Só͘-lô-móng chiū kéng-soán taⁿ-kang chhit bān lâng, chiūⁿ soaⁿ phah chio̍h ê peh bān lâng, tok-kang ê saⁿ-chheng la̍k-pah lâng. | 註釋 串珠 字典 原文 典藏 |
2:3 | Só͘-lô-móng chhe lâng khì kìⁿ Tu-lô ông Hi-lâm, kóng, " Lí bat ūn pek-hiuⁿ chhâ hō͘ góa ê lāu-pē Ta-bi̍t khí chhù lâi tòa, kiû lí mā chiàu ánne khoán-thāi góa. | C註釋 註釋 串珠 字典 原文 典藏 |
2:4 | Lí khòaⁿ, góa beh ūi tio̍h Siōng-chú — góa ê Siōng-tè ê miâ khí tiān, hun-pia̍t chò sèng hiàn hō͘ I, thang tī I ê bīn-chêng sio phang-liāu ê hiuⁿ, tiāⁿtiāⁿ kiong-kip pâi-lia̍t ê piáⁿ, ta̍k chá-àm, An-hioh-ji̍t, goe̍h ê chhe-it kah Siōng-chú — goán ê Siōng-tè só͘ tiāⁿ tio̍h ê cheh-kî, hiàn sio-chè. Che sī I-su-la-el lâng éng-oán ê lē. | 註釋 串珠 原文 典藏 |
2:5 | Góa só͘ beh khí ê tiān chin tōa, in-ūi goán ê Siōng-tè chin tōa, iâⁿ-kòe só͘-ū ê sîn-bêng. | 註釋 串珠 字典 原文 典藏 |
2:6 | Thiⁿ kah thiⁿ-téng ê thiⁿ siōng-chhiáⁿ bô kàu-gia̍h thang hō͘ I tòa, siáⁿ lâng ē ūi tio̍h I khí tiān? Góa sī siáⁿ-mi̍h hō lâng thang kā I khí tiān? Chí-put-kò sī tī I ê bīn-chêng sio hiuⁿ niā-niā. | 註釋 串珠 字典 原文 典藏 |
2:7 | Taⁿ kiû lí chhe chi̍t-ê lâng lâi-kàu góa chia, to̍h-sī gâu chò kim, gîn, tâng, thih kah chí-sek, chu-âng sek, nâ-sek ê liāu ê, mā chhiú-kang iù tī ta̍k hāng tiau-khek ê kang, thang kah hiahê kah góa tī Iô-tah Ê-lú-sa-lèm gâu ê sai-hū chò-hóe chò-kang, to̍h-sī góa ê lāu-pē Ta-bi̍t só͘ chún-pī ê. | 註釋 串珠 字典 原文 典藏 |
2:8 | Koh kiû lí tùi Le-ba-nòng ūn pek-hiuⁿ chhiū, siông chhiū, tôaⁿ-hiuⁿ chhiū lâi-kàu góa chia, in-ūi góa chai lí ê lô͘-po̍k gâu chhò Le-ba-nòng ê chhiū. Lí khòaⁿ, góa ê lô͘-po̍k beh kah lí ê lô͘-po̍k chò-hóe chò. | 註釋 串珠 原文 典藏 |
2:9 | Án-ne thang kā góa chún-pī chin chē chhâ-liāu, in-ūi góa só͘ beh khí ê tiān sī tōa koh kî-biāu ê. | 註釋 串珠 字典 原文 典藏 |
2:10 | Lí ê lô͘-po̍k chhò chhiū, lí khòaⁿ, góa beh hō͘ in hó ê sió-be̍h nn̄g bān kol, tōa-be̍h nn̄g bān kol, chiú nn̄g bān bat, iû nn̄g bān bat ( Chù, e̍k-thé ê iông-liōng tan-ūi, téng-î ta-mi̍h tan-ūi ê e-hoat ). " | 註釋 串珠 原文 典藏 |
2:11 | Tu-lô ông Hi-lâm hôe-phoe ìn Só͘-lô-móng kóng, " In-ūi Siōng-chú thiàⁿ I ê chú-bîn, chiū siat-li̍p lí chò in ê ông. " | 註釋 串珠 原文 典藏 |
2:12 | Hi-lâm koh kóng, " Chhòng-chō thiⁿ-tē ê Siōng-chú, I-su-la-el ê Siōng-tè, sī eng-kai oló ê! I siúⁿ-sù Ta-bi̍t ông chi̍t-ê tì-hūi ê kiáⁿ, hō͘ i ū chhong-bêng gâu kè-bô͘, thang ūi tio̍h Siōng-chú khí tiān koh ūi i ê kok khí hông-kiong. | 註釋 串珠 原文 典藏 |
2:13 | " Taⁿ góa chhe chi̍t-ê chhiú-kang iù koh chhong-bêng ê lâng khì, i sī góa chhin sìn ê sai-hū Hō͘-lân, | 註釋 串珠 字典 原文 典藏 |
2:14 | i sī Tàn ê chi-cho̍k chi̍t-ê chabó͘ lâng ê kiáⁿ, i ê lāu-pē sī Tu-lô lâng, i gâu chò kim, gîn, tâng, thih, chio̍h, chhâ kah chí-sek, nâ-sek, chu-âng sek ê iù-tē pò͘, mā ē liáu-kái ta̍k chióng ê tiau-khek, mā ē siūⁿ-chhut ta̍k chióng ê kang. Hō͘ i kah lí hiahê gâu ê sai-hū, í-ki̍p lí ê lāu-pē — góa ê chú Ta-bi̍t hiahê gâu ê sai-hū chò-hóe chò. | 註釋 串珠 字典 原文 典藏 |
2:15 | Taⁿ góa ê chú só͘ kóng ê sió-be̍h, tōa-be̍h, iû, chiú, goān ē-tàng sūn-sū ūn lâi hō͘ chiahê lô͘-po̍k. | 註釋 串珠 原文 典藏 |
2:16 | Goán ē chiàu lí só͘ su-iàu ê tùi Le-ba-nòng chhò chhiū, ká kui pâi phû tī hái-.ni̍h ūn lâi-kàu Io̍p-pe, lí chiū thang ūn khì-kàu Ê-lú-sa-lèm. " | 註釋 串珠 原文 典藏 |
2:17 | Tāng-kang Khí Sèng-tiān( LOS 6: 1-38)Só͘-lô-móng tiám-sǹg tòa tī I-su-la-el tē ê chhut-gōa lâng, chiàu i ê lāu-pē Ta-bi̍t só͘ sǹg ê, chóng-kiōng ū cha̍p-gō͘-bān saⁿ-chheng la̍k-pah miâ. | C註釋 註釋 串珠 原文 典藏 |
2:18 | I hō͘ chhit bān lâng chò taⁿ-kang, peh bān lâng tī soaⁿ-.ni̍h phah chio̍h, saⁿ-chheng la̍k-pah lâng kàm-tok in ê chò-kang. | 註釋 串珠 原文 典藏 |