| 章節 | 全民台語聖經全羅經文 | 註釋 |
| 29:1 | Ūi tio̍h Khí Sèng-tiān Lâi Hiàn ê Lé-mi̍hTa-bi̍t ông tùi hōe-chiòng kóng, " Góa ê kiáⁿ Só͘-lô-móng sī Siōng-chú te̍k-pia̍t kéng-soán ê, iáu koh siàu-liân iù-chíⁿ; chit-ê kang-têng chin tōa, in-ūi chit-ê tiān m̄-sī ūi tio̍h lâng, to̍h-sī ūi tio̍h Siōng-chú — Siōng-tè khí ê. | 註釋 串珠 字典 原文 典藏 |
| 29:2 | Góa ūi tio̍h góa ê Siōng-tè ê tiān, í-keng chīn khùi-la̍t, chún-pī kim chò kim-khì, chún-pī gîn chò gîn-khì, tâng chò tâng-khì, thih chò thih-khì, chhâ chò chhâ-khì, koh ū âng bé-ló kah thang siuⁿ ê pó-chio̍h, kng-chio̍h, chhái-sek ê chio̍h, í-ki̍p ta̍k chióng ê pó-chio̍h kah tāi-lí-chio̍h ke̍k chē. | 註釋 串珠 原文 典藏 |
| 29:3 | In-ūi góa him-bō͘ góa ê Siōng-tè ê tiān, chiū tī chún-pī khí sèng-tiān ê châi-liāu í-gōa, koh ēng góa pún-sin só͘ chek-chū ê kim-gîn, hiàn tī góa ê Siōng-tè ê chhù, | 註釋 串珠 字典 原文 典藏 |
| 29:4 | to̍h-sī O͘-huil ê kim saⁿ chheng tha-lan-t, toàn-liān ê gîn chhit chheng tha-lan-t, lâi an-chng chiahê chhù ê chhiûⁿ. | 註釋 串珠 字典 原文 典藏 |
| 29:5 | Kim chò kim-khì, gîn chò gîn-khì kah sai-hū ê chhiú só͘ chò chiahê kang. Kin-á-ji̍t ū siáⁿ lâng hoaⁿ-hí kā pún-sin hiàn hō͘ Siōng-chú? " | 註釋 串珠 原文 典藏 |
| 29:6 | Chiū ánne, chèng cho̍k-tiúⁿ kah I-su-la-el ta̍k chi-cho̍k ê siú-léng, iâⁿ-tiúⁿ, liân-tiúⁿ, í-ki̍p kàm-tok hiahê kā ông chò-kang ê, lóng hoaⁿ-hí lâi hiàn. | 註釋 串珠 原文 典藏 |
| 29:7 | In ūi tio̍h Siōng-chú tiān ê lō͘-ēng, hiàn-kim gō͘ chheng tha-lan-t kah chi̍t bān ta-lik, gîn chi̍t-bān tha-lan-t, tâng chi̍t-bān peh-chheng tha-lan-t, thih cha̍p-bān tha-lan-t. | 註釋 串珠 字典 原文 典藏 |
| 29:8 | Kiàn-nā ū pó-chio̍h ê lóng kau-tài Kel-sióng lâng Ia-chi-el ê chhiú, sàng ji̍p-khì Siōng-chú tiān ê kim-khò͘. | 註釋 串珠 字典 原文 典藏 |
| 29:9 | In-ūi in kam-sim hiàn, jîn-bîn lóng hoaⁿ-hí, in-ūi in chīn-sim hiàn hō͘ Siōng-chú, Ta-bi̍t ông mā tōa hoaⁿ-hí kàu-ke̍k. | 註釋 串珠 原文 典藏 |
| 29:10 | Ta-bi̍t O-ló Siōng-chúSó͘-í, Ta-bi̍t tī hōe-chiòng ê bīn-chêng oló Siōng-chú, Ta-bi̍t kóng, " Siōng-chú — goán ê chó͘-sian I-su-la-el ê Siōng-tè, sī eng-kai oló ê, tùi éng-oán kàu éng-oán! | 註釋 串珠 原文 典藏 |
| 29:11 | Siōng-chú ah, chun-tōa, lêng-le̍k, êng-kng, tek-sèng kah ui-giâm lóng sī Lí ê; só͘-ū tī thiⁿ-téng tē-hā ê lóng sī Lí ê. Siōng-chú ah, kok mā sī Lí ê, Lí sī chì-koân, chò bān-iú ê thâu. | 註釋 串珠 原文 典藏 |
| 29:12 | Hó-gia̍h kah chun-kùi lóng sī tùi Lí lâi, Lí mā chiáng-koán bān-iú. Tī Lí ê chhiú ū tōa koân-lêng kah tōa khùi-la̍t, hō͘ lâng chun-tōa, hō͘ kûn-chiòng tōa khùi-la̍t, lóng chhut tī Lí ê chhiú. | 註釋 串珠 原文 典藏 |
| 29:13 | Goán ê Siōng-tè ah, taⁿ goán kám-siā Lí, oló Lí êng-kng ê miâ! | 註釋 串珠 原文 典藏 |
| 29:14 | " Góa sī siáⁿ-mi̍h, góa ê jîn-bîn sī siáⁿ-mi̍h, goán kèng-jiân ē ánne hoaⁿ-hí hōng-hiàn? In-ūi bān-mi̍h lóng sī tùi Lí lâi, goán ēng Lí ê mi̍h hiàn hō͘ Lí. | 註釋 串珠 原文 典藏 |
| 29:15 | Goán tī Lí ê bīn-chêng sī chhut-gōa lâng, kah goán ê chó͘-sian kāng-khoán sī kià-kha ê. Goán tī sè-kan ê ji̍t-chí chhin-chhiūⁿ iáⁿ, bô thang ǹg-bāng kú-tn̂g tī-.leh. | 註釋 串珠 原文 典藏 |
| 29:16 | Siōng-chú — goán ê Siōng-tè ah, goán chún-pī chiahê chin chē châi-liāu, beh ūi tio̍h Lí ê sèng-miâ khí Lí ê tiān, lóng sī tùi Lí lâi ê, mā lóng sī Lí ê. | 註釋 串珠 原文 典藏 |
| 29:17 | Góa ê Siōng-tè ah, góa chai Lí kàm-chhat lâng ê sim, hoaⁿ-hí chèng-ti̍t; kóng tio̍h góa, góa ēng chèng-ti̍t ê sim hoaⁿ-hí hiàn che it-chhè ê mi̍h. Taⁿ góa khòaⁿ tio̍h Lí ê chú-bîn tī chia, lóng hoaⁿ-hí hiàn hō͘ Lí, góa chiū hoaⁿ-hí. | 註釋 串珠 原文 典藏 |
| 29:18 | Siōng-chú — goán chó͘-sian A-bu-la-hàm, Í-sak, I-su-la-el ê Siōng-tè ah, kiû Lí hō͘ Lí ê chú-bîn tiāⁿtiāⁿ chûn chit khoán ê sim-su liām-thâu, chún-pī in ê sim lâi kui-ǹg Lí, | 註釋 串珠 原文 典藏 |
| 29:19 | koh kiû Lí siúⁿ-sù góa ê kiáⁿ Só͘-lô-móng ū sêng-si̍t ê sim, lâi siú Lí ê bēng-lēng, hoat-tō͘ kah lu̍t-lē, chò-chiâⁿ chiahê só͘-ū ê tāichì, ēng góa só͘ chún-pī ê lâi khí tiān. " | 註釋 串珠 字典 原文 典藏 |
| 29:20 | Ta-bi̍t tùi chiahê hōe-chiòng kóng, " Lín tio̍h oló Siōng-chú — lín ê Siōng-tè. " Chiū ánne, hōe-chiòng oló Siōng-chú — in chó͘-sian ê Siōng-tè, àⁿ thâu pài Siōng-chú kah ông. | 註釋 串珠 原文 典藏 |
| 29:21 | Keh tńg kang, in hiàn chè hō͘ Siōng-chú, koh hiàn sio-chè hō͘ Siōng-chú, to̍h-sī hiàn kang ê gû chi̍t chheng chiah, kang ê mî-iûⁿ chi̍t chheng chiah, iûⁿ-á chi̍t chheng chiah kah i ê koàn-tiān, koh ūi I-su-la-el ê kûn-chiòng hiàn chin chē chè-mi̍h. Hit ji̍t, in tī Siōng-chú ê bīn-chêng lim-chia̍h tōa-tōa hoaⁿ-hí. | 註釋 串珠 字典 原文 典藏 |
| 29:22 | In tē-jī pái siat-li̍p Ta-bi̍t ê kiáⁿ Só͘-lô-móng chò ông, ūi Siōng-chú ēng iû kā i boah, hō͘ i chò kun-ông, mā ēng iû boah Cha-tok chò chè-si. | 註釋 串珠 原文 典藏 |
| 29:23 | Chiū ánne, Só͘-lô-móng chē tī Siōng-chú só͘ siúⁿ-sù ê ūi, sòa-chiap i ê lāu-pē Ta-bi̍t chò ông, ta̍k hāng tāichì lóng heng-thong, I-su-la-el jîn-bîn mā lóng chun-thàn i. | 註釋 串珠 字典 原文 典藏 |
| 29:24 | Chèng siú-léng, ióng-sū kah Ta-bi̍t ông ê chèng kiáⁿ, lóng sūn-ho̍k Só͘-lô-móng ông. | 註釋 串珠 原文 典藏 |
| 29:25 | Siōng-chú hō͘ Só͘-lô-móng tī I-su-la-el jîn-bîn ê bīn-chêng, hui-siông chun-tōa, hō͘ i chò kok-ông ê ui-hong, iâⁿ-kòe I-su-la-el í-chêng ê ông. | 註釋 串珠 原文 典藏 |
| 29:26 | Ta-bi̍t Thóng-tī ê Kì-chàiI-é-sái ê kiáⁿ Ta-bi̍t chò I-su-la-el jîn-bîn ê ông, | 註釋 串珠 原文 典藏 |
| 29:27 | I chò I-su-la-el ông, keng-kòe sì-cha̍p nî, to̍h-sī tī He-bú-lông chò ông chhit nî, tī Ê-lú-sa-lèm chò ông saⁿ-cha̍p saⁿ nî. | 註釋 串珠 原文 典藏 |
| 29:28 | I chia̍h tn̂g hòe-siū, nî-hòe, hó-gia̍h kah êng-kng lóng boán-chiok chiū kòe-sin. I ê kiáⁿ Só͘-lô-móng sòa-chiap i chò ông. | 註釋 串珠 原文 典藏 |
| 29:29 | Ta-bi̍t ông tùi-thâu kàu-bóe ê tāichì, lóng kì tī sian-kiàn Sa-mu-el kah Ná-than sian-ti ê chheh, í-ki̍p sian-kiàn Ga̍t ê chheh. | 註釋 串珠 原文 典藏 |
| 29:30 | Hiahê chheh mā kì-chài i tī-lí kok-chèng ê tāichì kah i ê tōa koân-lêng, í-ki̍p i kah I-su-la-el, kah sì-kho͘-ûi ê lia̍t kok, só͘ keng-kòe ê sî-sū. | 註釋 串珠 原文 典藏 |