章節 | 全民台語聖經全羅經文 | 註釋 |
20:1 | Ta-bi̍t Cheng-ho̍k Lap-bah Siâⁿ( SMH 12: 26-31)Nî-thâu, lia̍t ông chhut-lâi kau-chiàn ê sî, Io-ap chhōa kun-peng húi-hoāi Am-móng lâng ê tē, kā Lap-bah ûi-khùn; Ta-bi̍t iû-goân tòa tī Ê-lú-sa-lèm. Io-ap phah La̍h-pa ê siâⁿ, kā i cheng-ho̍k. | 註釋 串珠 原文 典藏 |
20:2 | Ta-bi̍t chhiúⁿ in ê ông só͘ tì kim ê bián-liû, chhìn i ê kim tāng chi̍t tha-lan-t, koh ū siuⁿ pó-chio̍h; lâng kā chit-ê bián-liû tì tī Ta-bi̍t ê thâu-khak. Ta-bi̍t tùi siâⁿ lāi chhiúⁿ i ê châi-bu̍t chin chē. | 註釋 串珠 字典 原文 典藏 |
20:3 | Kā siâⁿ lāi ê lâng thoa chhut-.lâi, ēng kì-á, ēng thih-pê, ēng pó͘-thâu kā in thâi-sí, Ta-bi̍t ēng ánne khoán-thāi Am-móng ta̍k-ê siâⁿ. Ta-bi̍t chiū kah chèng lâng lóng tńg-khì Ê-lú-sa-lèm. | 註釋 串珠 字典 原文 典藏 |
20:4 | Kong-táⁿ Hui-lī-sū ê Tōa-hàn Lâng( SMH 21: 15-22)Liáu-āu, tī Ge-chel kah Hui-lī-sū lâng kau-chiàn. Ho-siah lâng Si-bé-kai thâi-sí tōa-hàn lâng chi̍t-ê kiáⁿ, miâ kiò-chò Si-phài, Hui-lī-sū lâng chiū khut-ho̍k. | 註釋 串珠 原文 典藏 |
20:5 | Koh kah Hui-lī-sū lâng kau-chiàn, hit sî, Ia-il ê kiáⁿ El-ha-nan thâi-sí Gat lâng, Go-lī-at ê hiaⁿ-tī La-mih. Chit-ê lâng ê chhiuⁿ-pèⁿ tōa kah chhin-chhiūⁿ pò͘-ki ê te̍k-sim. | 註釋 串珠 字典 原文 典藏 |
20:6 | Koh tī Gat kau-chiàn, tī hia ū chi̍t-ê tōa-hàn lâng, chhiú kah kha lóng ū la̍k ki chéng-thâu-á, kiōng ū jī-cha̍p sì ki, i mā sī tōa-hàn lâng ê kiáⁿ. | 註釋 串珠 原文 典藏 |
20:7 | Chit-ê lâng bú-bān I-su-la-el lâng ê sî, Ta-bi̍t ê a-hiaⁿ Si-me-ah ê kiáⁿ Io-ná-than lâi kā i thâi-sí. | 註釋 串珠 原文 典藏 |
20:8 | Chiahê lâng lóng sī tī Gat ê tōa-hàn lâng seⁿ ê, in lóng sí tī Ta-bi̍t ê chhiú kah i ê jîn-sîn ê chhiú. | 註釋 串珠 原文 典藏 |