章節 | 全民台語聖經全羅經文 | 註釋 |
14:1 | Ta-bi̍t tī Ê-lú-sa-lèm ê Oa̍h-tāng( SMH 5: 11-16)Tu-lô ông Hi-lâm chhe sù-chiá tòa pek-hiuⁿ chhâ kah thô͘-chúi sai-hū, chò-ba̍k sai-hū, lâi-kàu Ta-bi̍t hia, beh kā i khí chhù. | 註釋 串珠 字典 原文 典藏 |
14:2 | Ta-bi̍t chai-iáⁿ Siōng-chú tiāⁿ tio̍h ē siat-li̍p i chò I-su-la-el ông, koh ūi tio̍h I ê chú-bîn — I-su-la-el lâng ê iân-kò͘, lâi heng-khí I ê kok. | 註釋 串珠 原文 典藏 |
14:3 | Ta-bi̍t tī Ê-lú-sa-lèm koh chhōa kúi-nā-ê bó͘, Ta-bi̍t koh seⁿ kiáⁿ-jî. | 註釋 串珠 原文 典藏 |
14:4 | Tī Ê-lú-sa-lèm só͘ seⁿ chiahê kiáⁿ ê miâ kì tī ē-té: Siam-mu-ah, Sio-bal, Ná-than, Só͘-lô-móng, | 註釋 串珠 原文 典藏 |
14:5 | Ip-hal, E-li-siu-ah, El-hoah-lia̍t, | 註釋 串珠 原文 典藏 |
14:6 | No-gah, Ne-he̍k, Ia-hui-iah, | 註釋 串珠 原文 典藏 |
14:7 | E-lí-sia-mah, Be-liah-tah, E-li-hoe-lia̍t. | 註釋 串珠 原文 典藏 |
14:8 | Chiàn-iâⁿ Hui-lī-sū Lâng( SMH 5: 17-25)Hui-lī-sū lâng thiaⁿ tio̍h Ta-bi̍t siū boah iû chò I-su-la-el choân kok ê ông, Hui-lī-sū lâng chiū lóng khí-lâi chhōe Ta-bi̍t. Ta-bi̍t thiaⁿ-.tio̍h, chiū chhut-khì kā i tí-te̍k. | 註釋 串珠 原文 典藏 |
14:9 | Hui-lī-sū lâng lâi, pâi-lia̍t tī Le-hoa-im ê soaⁿ-kok. | 註釋 串珠 原文 典藏 |
14:10 | Ta-bi̍t mn̄g Siōng-tè kóng, " Góa kám tio̍h chiūⁿ-khì kong-kek Hui-lī-sū lâng? Lí kám ē kā in kau tī góa ê chhiú tiong? " Siōng-chú kóng, " Lí tio̍h khì, in-ūi Góa ē kā in kau tī lí ê chhiú tiong. " | 註釋 串珠 原文 典藏 |
14:11 | In khí-lâi Ba-al-pe-la-chim, Ta-bi̍t tī hia kā in phah. Ta-bi̍t kóng, " Siōng-tè ēng góa ê chhiú chhiong sòaⁿ góa ê tùi-te̍k, chhin-chhiūⁿ chúi kā in chhiong sòaⁿ. " In-ūi ánne chiū kā hit só͘-chāi kiò-chò Ba-al-pe-la-chim. | 註釋 串珠 原文 典藏 |
14:12 | Hui-lī-sū lâng kā in ê sîn-bêng pàng-hē tī hia, Ta-bi̍t bēng-lēng lâng ēng hóe kā i sio. | 註釋 串珠 原文 典藏 |
14:13 | Hui-lī-sū lâng koh pâi-lia̍t tī soaⁿ-kok. | 註釋 串珠 原文 典藏 |
14:14 | Ta-bi̍t koh mn̄g Siōng-tè, Siōng-tè kā i kóng, " M̄-thang khì jiok, tio̍h siám tùi piⁿ-á khì, tī sng-châi chhiū ê tùi-bīn lâi kā in kong-kek. | 註釋 串珠 字典 原文 典藏 |
14:15 | Lí nā thiaⁿ tio̍h sng-châi chhiū bóe ū kha-pō͘ ê siaⁿ, chiū tio̍h chhut-khì kau-chiàn, in-ūi Siōng-tè chò lí ê thâu-chêng chhut-.khì, beh phah Hui-lī-sū lâng. " | 註釋 串珠 字典 原文 典藏 |
14:16 | Ta-bi̍t chiū chun-thàn Siōng-chú só͘ hoan-hù ê, in phah Hui-lī-sū lâng ê kun-tūi, tùi Gi-bóng kàu Ge-chel. | 註釋 串珠 原文 典藏 |
14:17 | Ta-bi̍t ê miâ-siaⁿ chiū soan-iông kàu ta̍k só͘-chāi, Siōng-chú hō͘ lia̍t kok lóng kiaⁿ i. | 註釋 串珠 原文 典藏 |